ܬܹܒܼܘ ܘܲܫܠܵܘ ܢܒܼܝܼܘܼܬܹܗ ܕܐܹܫܲܥܝܵܐ ܒܲܪܸܟܼܡܵܪܝ

(Isaiah 6:1-10)

      ܒܫܵܢ̄ܬܵـܐ ܕܡܸܬܼܠܸܗ ܥܘܿܙܝܼܵܐ ܡܲܠܟܵܐ، ܚܙܹܐܠܝܼ ܠܡܵܪܝܵܐ ܕܐܝܼܠܸܗ ܐ̄ܬܝܼܒܼܵܐ ܥܸܠܸܕ ܟܘܿܪܣܝܼ ܥܠܘܿܝܵܐ ܘܫܸܦܘܼܠܵܠܸܗ ܡܸܠܝܹ̈ܐ ܠܗܲܝܟܠܵܐ. ܘܣܪ̈ܵܦܸܐ ܟܸܠܝܹ̈ܐ ܠܥܸܠ ܡܸܢܹܗ ܒܐܸܫܬܵـܐ ܐܸܫܬܵـܐ ܓܘܼܠܦܵܢܹ̈ܐ ܬܵܐ ܟܠ ܚܲܖ̄ ܡܸܢܲܝܗܝܼܢ̄؛ ܒܸܬܪܲܝܢ̄ ܟܸܡ ܟܵܣܝܢ ܦܵܬܲܝܗܘܢ̄، ܘܒܸܬܪܲܝܢ̄ ܟܸܡ ܟܵܣܲܝ ܐܲܩ̈ܠܵܬܲܝܗܘܢ̄، ܘܒܸܬܪܲܝܢ̄ ܟܦ̮ܵܝܪܝܼܢ. ܘܩܵܪܝܢ ܗܵܖܝܼ ܬܵܐ ܗܵܖܝܼ ܘܟܐܵܡܪܝܼܢ̄؛ ܩܲܕܝܼܫܵܐ ܐܝܼܠܹܗ، ܩܲܕܝܼܫܵܐ ܐܝܼܠܸܗ، ܩܲܕܝܼܫܵܐ ܐܝܼܠܹܗ، ܡܵܪܝܵܐ ܚܝܠܵܢܵܐ، ܕܐܝܼܠܵܗ̇ ܡܠܝܼܬܼܵـܐ ܐܲܪܥܵܐ ܟܠܵܗ̇ ܡܢ ܬܸܫ̈ܒܚܵܬܹܗ. ܫܐܸܫܠܵܝ ܣܩ̈ܘܿܦܝܵܬܼܵـܐ ܕܬܲܪ̈ܥܹܐ ܡܢ ܩܵܠܵܐ ܕܸܟܩܵܪܸܐ، ܘܒܲܝܬܼܵـܐ ܦܸܫܠܹܗ ܡܸܠܝܵܐ ܬܸܢܵܢܵܐ. ܘܐܡܹܪܠ̄ܝܼ؛ ܘܵܝܵܐ ܥܸܠܝܼ ܕܸܡܣܘܼܟܹܪܠܝܼ. ܡܒܹܝܕ ܕܓܲܒܼܪܵܐ ܐܝܼܘܸܢ ܡܲܪ ܣܸܦ̈ܘܵܬܼܵܐ ܡܛܘܿܡܝܹ̈ـܐ ܘܟܥܵܡܪܸـܢ ܥܸܡܸܕ ܥܲܡܵܐ ܕܐܝܼܠܲܝ ܣܸܦ̈ܘܵܬܹܗ ܡܛܘܿܡܝܹ̈ܐ، ܘܚܙܹܐܠܵܝ ܥܲܝܼ̈ܢܝܼ ܠܡܲܠܟܵܐ ܡܵܪܝܵܐ ܚܲܝܠܵܢܵܐ.

      ܘܦ̮ܹܪܠܸܗ ܠܓܹܝܒܝܼ ܚܲܖ̄ ܡܢ ܣܪܵܦܹܐ ܒܐܝܼܖܹܗ ܒܹܨܵܐ ܫܩܝܼܠܠܹܗ ܒܡܵܠܸܩܛܵܐ ܡܢ ܡܲܖܒܚܵܐ. ܟܸܡ ܡܲܩܪܘܼܒܼܠܸܗ ܠܟܸܡܝܼ ܘܐܡܹܪܹܠܗ̄؛ ܗܘܿܠܵܗ̇ ܡܲܩܪܘܼܒܼܠܵܗ̇ ܗܵܖܝܼ ܠܣܸܦ̈ܘܵܬܼܘܼܟܼ ܕܦܵܝܸܫ ܓܪܝܼܖܵܐ ܥܵܘܠܘܼܟܼ ܘܫܒܼܝܼܩܹ̈ܐ ܚܛܵܗ̈ܘܼܟܼ. ܘܫܡܸܥܠܝܼ ܩܵܠܸܗ ܕܡܵܪܝܵܐ ܕܸܟܐܵܡܸܪ؛ ܡܵܢܝܼ ܡܫܲܕܪܸـܢ ܘܡܵܢܝܼ ܒܸܕ ܐ̄ܙܵܠܸܗ. ܘܐܡܹܪܠܝܼ؛ ܗܘܿܘܸܢ ܐܵܢܵܐ ܡܫܵܕܹܪܠ̄ܝܼ. ܘܐܡܹܪܹܠ̄ܗ ܛܵܠܝܼ؛ ܣܝܼ ܘܐܸܡܘܿܪ ܬܵܐ ܗܵܖܝܼ ܥܲܡܵܐ ܒܫܵܡܥܘܼܬܘܼܢ ܫܡܵܥܵܐ ܘܠܵܐ ܟܦ̮ܲܗܡܘܼܬܘܼܢ؛ ܘܒܚܵܙܘܿܬܘܼܢ ܚܙܵܝܵܐ ܘܠܵܐ ܟܝܵܖܥܘܼܬܘܼܢ. ܒܹܝܕ ܕܸܟܼܠܸܡܠܹܗ ܠܸܒܸܗ ܕܥܲܡܵܐ ܗܵܖܝܼ، ܘܡܘܼܝܩܹܪܠܹܗ ܢܲܬܼܝ̈ܵܬܹܗ، ܘܟٕܸܡܠܸܗ ܥܲܝ̈ܢܹܗ ܕܠܵܐ ܚܵܙܸܐ ܒܓܘܿ ܥܲܝ̈ܢܹܗ ܘܫܵܡܹܥ ܒܢܲܬܼܝ̈ܵܬܹܗ، ܘܦ̮ܵܗܸܡ ܒܠܸܒܸܗ ܘܬܵܝܘܼܒܼ ܘܦܵܝܸܫـ ܫܒܼܝܼܩܵܐ ܛܵܠܸܗ܀ 

ܚܒܪܗ

ܫܠܵܘ ܦܪܲܟܣܝܼܣ ܕܲܫܠܝܼܚܹ̈ܐ ܒܲܪܸܟܼܡܵܪܝ

(Acts 1:15-25)

      ܘܒܗܵܢܲܝ ܝܘܼ̈ܡܵܬܼܵـܐ ܩܸܡܠܸܗ ܫܸܡܥܘܿܢ ܟܹܐܦܵܐ ܒܦܲܠܓܵܐ ܕܬܲܠܡܝܼ̈ܖܹܐ. ܘܐܝܼܬܼ ܗ̄ܘܵܐ ܬܵܡܵܐ ܓٕܵܡܵܥܵܐ ܡܐܲܝܟܼ ܐܸܡܵܐ ܘܥܹܣܪܝܼܢ ܐ̄ܢܵܫܹ̈ܐ. ܘܐܡܹܪܹܠ̄ܗ؛ ܓܲܒܼܪܹ̈ܐ ܐܲܚܸܢ̈ܘܵܬܲܢ، ܟܸܡ ܘܵܓٕܒܗ̄ܘܵܐ ܕܟܵܡܸܠ ܗ̄ܘܵܐ ܟܬܼܵܒܼܵܐ ܗܘ ܕܡ̣ܢ ܩܵܖ̄ܡܲܝܬܼܵـܐ ܕܐܡܹܪܹܠ̄ܗ ܪܘܼܚܵܐ ܕܩܘܼܕܫܵܐ ܒܟܸܡܵܐ ܕܕܵܘܝܼܖ ܥܸܠܸܕ ܝܼܗܘܼܖܵܐ ܗܘ ܕܸܗܘܹܐܠܸܗ ܡܲܪܸܚܫܵܢܵܐ ܬܵܐ ܗܵܢܲܝ ܕܸܥܪܹܐܠܵܝ ܠܝܑܼܫܘܿܥ. ܡܒܹܝܕ ܕܡܸܢܝܵܐ ܗ̄ܘܹܐܗ̄ܘܵܐ ܥܸܡܲܢ، ܘܐܝܼܬܼܗ̄ܘܵܐ ܠܸܗ ܣܲܗܡܵܐ ܒܗܵܖܝܼ ܫܠܝܼܚܘܼܬܼܵܐ. ܗܵܖܝܼܠܹܗ ܕܸܩܢܹܐܠܸܗ ܚܲܩܠܵܐ ܡܢ ܚܲܩ ܕܸܚܛܝܼܬܼܵـܐ، ܘܢܦܸܠܹܗ ܠܦܲܬܼܘ̈ܬܹܗ ܠܐܲܪܥܵܐ، ܦܠܹܓܼܠܸܗ ܡܢ ܦܲܠܓܹܗ، ܘܢܦܸܩܠܵܝ ܟܠܲܝ ܓܵܘܵܝ̈ܬܹܗ. ܘܗܵܖܝܼ ܦܸܫܠܵܗ̇ ܐܝܼܕܸܥܬܵـܐ ܬܵܐ ܟܠܲܝ ܕܸܟܥܵܡܪܝܼܢ̄ ܒܐܘܿܪܸܫܠܹܡ، ܘܗܵܖܐܲܝܟܼ ܦܸܫܠܵܗ̇ ܩܪܝܼܬܼܵـܐ ܗܹܝـ ܡܵܬܼܵـܐ ܒܠܸܫܵܢܵܐ ܕܐܲܬܼܪܵܐ ܚܩܲܠ ܕܡܵܐ، ܕܐܝܼܠܸܗ ܦܘܼܫܵܩܵܗ ܡܵܬܼܵـܐ ܕܕܸܡܵܐ. ܟܬܼܝܼܒܼܵܐ ܐܝܼܠܸܗ ܒܣܸܦܪܵܐ ܕܡܲܙܡܘܿܪܹ̈ܐ؛ ܕܒܲܝܬܹܗ ܦܵܝܸܫ ܚܵܪܵܒܵܐ ܘܥܵܡܵܪܹ̈ܐ ܠܵܐ ܗܵܘܸܐ ܒܓܵܘܸܗ، ܘܟܸܕܡܸܬܸܗ ܦܹܝܫܵܗ̇ ܗܒܸܠܬܵـܐ ܬܵܐ ܚܸܢܹ̈ܐ.

      ܒܲܕܲܡ ܟܸܡܘܵܓٕܸܒ ܠܚܲܖ̄ ܡܢ ܗܵܢ ܓܲܒܼܪܹ̈ܐ ܕܗ̄ܘܹܐܗ̄ܘܵܐ ܥܸܡܲܢ ܒܟܠ ܗܵܖ ܙܲܒܼܢܵܐ ܕܸܒܓܵܘܸܗ ܥܒܹܪܠܸܗ ܘܢܦܸܩܠܹܗ ܠܓܹܝܒܲܢ ܡܵܪܲܢ ܝܑܼܫܘܿܥ ܡܢ ܫܘܼܪܵܝܵܐ ܕܡܲܥܡܘܿܕܝܼܬܼܵـܐ ܕܝܘܿܚܲܢܵܢ ܗܸܠ ܝܲܘܡܵܐ ܕܣܸܩܠܸܗ ܡܢ ܠܓܹܝܒܲܢ، ܕܗܵܘܸܐ ܥܸܡܲܢ ܣܵܗܕܵܐ ܕܸܩܝܵܡܬܸܗ. ܘܡܘܼܩܸܡܠܵܝ ܬܪܹܝܢ̄. ܠܝܵܘܣܸܦ ܕܸܟܦܵܝܸܫ ܩܸܪܝܵܐ ܒܸܪ ܕܫܲܒܵܐ ܕܦܸܫܠܸܗ ܩܸܪܝܵܐ ܝܘܼܣܛܘܿܣ، ܘܸܠܡܲܬܝܼܵܐ. ܘܟܘܼܕ ܡܨܘܼܠܹܐܠܵܝ ܐܡܹܪܠܵܝ؛ ܐܵܝܸܬ ܝܵܐ ܡܵܪܝܵܐ ܟܝܵܖܥܸܬ ܒܓܘܿ ܟܠ ܠܸܒܵܘ̈ܬܼܵܐ ܡܲܚܘܝܼ ܚܲܖ̄ ܗܘ ܕܓܵܒܸܬ ܐܵܝܸܬ ܡܢ ܗܵܢܝܼ ܬܪܹܝܢ̄؛ ܕܐܵܗܘܼ ܫܵܩܸܠ ܟܸܕܡܸܬܵـܐ ܘܸܫܠܝܼܚܘܼܬܼܵܐ ܗܝـ ܕܡܸܢܵܗ̇ ܪܚܸܩܠܹܗ ܝܼܗܘܼܖܵܐ، ܕܫܵܩܸܠ ܕܘܼܟܬܹܗ. ܘܬܠܸܩܠܵܝ ܐܸܖܘܸܐ ܘܢܦܸܠܵܗ̇ ܬܵܐ ܡܲܬܝܼܵܐ. ܘܟܸܡ ܡܵܢܹܝܢ ܠܸܗ ܥܸܡܸܕ ܚܲܖ̄ܥܣܲܪ ܫܠܝܼܚܹ̈ܐ܀  

ܚܕܒܫܒܐ ܕܒܬܪ ܣܘܠܩܐ

ܦܵܘܠܘܿܣ ܫܠܝܼܚܵܐ ܐܸܓܲܪܬܵܐ ܕܲܠܘܵܬܼ ܦܝܼܠܝܼܦܸܣܵܝܹ̈ܐ ܐܲܚܲܝ̈ ܒܲܪܸܟܼܡܵܪܝ

(Philippians 1:27-2:11)

      ܒܲܣ ܕܐܲܝܟ ܕܟܹܡܘܵܓٕܸܒܿ ܠܒܲܫܵܪܵܐ ܕܸܡܫܝܼܚܵܐ ܗܵܘܸܐ ܕܪܵܚܫܘܼܬܘܼܢ. ܕܐܸܢ ܐܵܬܸܢ ܚܵܙܸܢܠܘܿܟܼܘܼܢ ܘܐܸܢ ܗܵܘܸܢ ܪܵܚܘܼܩܵܐ ܫܵܡܥܸܢ ܥܸܠܘܿܟܼܘܼܢ ܕܩܝܼܡܹ̈ܐ ܗ̄ܘܘܿܬܘܼܢ ܒܚܵܖ ܪܘܼܚܵܐ ܘܒܸܚܖܵܐ ܓܝܵܢܵܐ ܘܸܟܢܵܨܚܘܼܬܘܼܢ ܒܸܚܖܵܖܹ̈ܐ ܒܗܲܝܡܵܢܘܼܬܼܵܐ ܕܐܹܘܲܢܓܲܠܝܼܘܿܢ. ܒܓܵܘ ܡܸܢܕܝܼ ܠܵܐ ܟܵܙܕܥܘܼܬܘܼܢ ܡܢ ܗܵܢܲܝ ܕܸܟܩܵܝܡܝܼܢ̄ ܕܲܪܩܘܼܒܼܠ ܕܝܼܠܵܢ. ܬܵܐ ܡܲܚܘܵܝܬܼܵـܐ ܕܣܵܟܲܪܬܵܐ ܕܝܼܠܵܝܗܝܼܢ ܘܚܵܝܹ̈ܐ ܕܝܼܠܘܿܟܼܘܼܢ، ܘܗܵܖܝܼ ܡܢ ܐܲܠܵܗܵܐ ܦܸܫܠܵܗ̇ ܗܒܼܝܼܠܬܵـܐ ܛܵܠܘܿܟܼܘܼܢ. ܕܠܵܐ ܒܲܣ ܡܗܲܝܡܘܿܢܸܐ ܡܗܲܝܡܢܘܼܬܘܼܢ ܒܸܡܫܝܼܚܵܐ، ܐܸܠܵܐ ܗܲܡ ܡܒܵܕܵܠܹܗ ܛܵܥܢܘܼܬܘܼܢ ܚܲܫܵܐ ܘܡܣܲܝܒܪܘܼܬܘܼܢ ܫܲܪܸܐ ܟܼܕܲܝܓܸܕ ܗܘ ܕܸܚܙܹܐܠܘܿܟܼܘܼܢ ܒܓܵܘܝܼ ܘܕܵܗܵܐ ܟܫܵܡܥܘܼܬܿܘܼܢ ܥܸܠܝܼ.

      ܐܝܼܬܼܠܘܿܟܼܘܼܢ ܕܵܗܵܐ ܣܘܼܠܵܝܵܐ ܒܸܡܫܝܼܚܵܐ، ܘܐܸܢ ܫܩܵܠܵܐ ܒܠܸܒܵܐ ܒܚܘܼܒܵܐ، ܘܐܸܢ ܫܵܪܝܼܟܘܼܬܼܵܐ ܕܪܘܼܚܵܐ، ܘܐܸܢ ܚܲܢܝܼܢܘܼܬܼܵܐ ܘܪ̈ܲܚܡܹܐ، ܡܟܲܡܠܘܼ ܦܸܨܚܘܼܬܼܝܼ ܕܚܲܖ̄ ܬܲܚܡܲܠܬܵـܐ ܗܵܘܹܐܠܘܿܟܼܘܼܢ، ܘܚܲܖ̄ ܚܘܼܒܵܐ ܘܸܚܖܵܐ ܓܝܵܢܵܐ ܘܚܲܖ̄ ܚܘܼܫܵܒܼܵܐ. ܘܡܸܢܕܝܼ ܒܓٕܘܼܚܵܕܵܐ ܝܵܐܸܢ ܒܫܘܼܒܼܚܵܐ ܒܲܛܝܼܠܵܐ ܠܵܐ ܥܵܒܼܖܘܼܬܘܼܢ، ܐܸܠܵܐ ܒܡܲܟܝܼܟܼܘܼܬܼܵܐ ܕܬܲܚܡܲܠܬܵـܐ ܟܠ ܐ̄ܢܵܫܵܐ ܚܵܫܘܼܒܼ ܚܲܒܼܪܹܗ ܟܼܕܲܝܓܸܕ ܕܐܝܼܠܹܗ ܒܸܫܛܵܒܼ ܡܸܢܹܗ. ܘܠܵܐ ܐ̄ܢܵܫܵܐ ܕܸܓܝܵܢܹܗ ܐܵܟܸܠ ܓܼܵܡ، ܐܸܠܵܐ ܟܠ ܐ̄ܢܵܫܵܐ ܗܲܡ ܕܚܲܒܼܪܹܗ. ܘܗܵܖܝܼ ܡܬܲܚܡܠܘܼ ܒܸܓܝܵܢܘܿܟܼܘܼܢ ܗܝـ ܕܗܲܡ ܝܑܼܫܘܿܥ ܡܫܝܼܚܵܐ، ܗܘ ܕܟܘܼܕ ܗ̄ܘܹܐܗ̄ܘܵܐ ܒܕܘܼܡܝܵܐ ܕܐܲܠܵܗܵܐ، ܠܵܐ ܚܛܘܼܦܝܵܐ ܟܸܡܚܵܫܒܸܢܠܵܗ̇ ܠܗܵܖܝܼ ܕܐܝܼܠܹܗ ܕܘܼܡܝܵܐ ܕܐܲܠܵܗܵܐ، ܐܸܠܵܐ ܓܝܵܢܹܗ ܡܣܘܼܪܸܩܠܸܗ ܘܕܘܼܡܝܵܐ ܕܥܲܒܼܕܵܐ ܫܩܸܠܸܗ، ܗܘܹܐܠܹܗ ܒܕܘܼܡܝܵܐ ܕܸܒܢܲܝ̈ܢܵܫܵܐ. ܒܫܸܟܸܠ ܦܸܫܠܸܗ ܚܸܙܝܵܐ ܟܼܕܲܝܓܸܕ ܒܲܪܢܵܫܵܐ ܘܡܘܼܚܬܹܐܠܹܗ ܓܝܵܢܹܗ ܘܛܸܥܠܹܗ ܗܸܠ ܡܲܘܬܼܵܐ، ܡܲܘܬܼܵܐ ܕܸܨܠܝܼܒܼܵܐ. ܡܒܹܝܕ ܗܵܖܝܼ ܗܲܡ ܐܲܠܵܗܵܐ ܡܘܼܙܸܕܠܸܗ ܟܸܡ ܡܲܥܠܹܐܠܸܗ، ܘܗܒܸܠܠܸܗ ܛܵܠܹܗ ܫܸܡܵܐ ܒܸܫ ܛܵܒܼ ܡܟܠ ܫܸܡܵܢܹ̈ܐ. ܕܸܒܓܵܘ ܫܸܡܵܐ ܕܝܑܼܫܘܿܥ ܟܠ ܒܘܼܪܚܵܐ ܟܵܝܦܵܐ، ܕܒܸܫܡܲܝܵܐ ܘܒܲܐܪܥܵܐ ܘܠܬܹܚܬ̄ ܡܢ ܐܲܪܥܵܐ، ܘܟܠ ܠܸܫܵܢܵܐ ܡܲܘܕܸܐ ܕܡܵܪܝܵܐ ܐܝܼܠܹܗ ܝܑܼܫܘܿܥ ܡܫܝܼܚܵܐ ܬܵܐ ܫܘܼܒܼܚܵܐ ܕܐܲܠܵܗܵܐ ܒܵܒܹܿܗ܀