ܬܸܒܼܘ ܘܲܫܠܵܘ ܬܸܢܝܵܢ ܢܵܡܘܿܣܵܐ ܤܸܦܪܵܐ ܕܚܲܡܫܵܐ

ܕܐܘܿܪܵܝܬܵܐ ܒܲܪܸܟܼܡܵܪܝ

Deuteronomy 11:1-12

ܘܐ̄ܡܹܪܠܸܗ ܡܘܼܫܹܐ ܬܵܐ ܟܠܹܗ ܝܼܣܪܵܝܹܠ؛ ܒܥܝܼ ܠܡܵܪܝܵܐ ܐܲܠܵܗܘܼܟܼ ܘܢܛܘܿܪ ܢܛܲܪ̈ܝܵܬܹܗ، ܘܢܵܡܘܿܣܹܗ، ܘܕܝܼܢܹ̈ܐ ܕܝܼܠܹܗ ܘܦܘܼܩ̈ܕܵܢܹܐ ܕܝܼܠܹܗ، ܟܠܲܝ ܝܘ̈ܡܵܬܼܵܐ. ܘܕܝܵܖܥܘܼܬܘܼܢ ܐܸܕܝܘܼܡ̄ ܝܘܿܡܵܐ. ܠܹܐܝܘܸܢ ܬܵܐ ܝ̈ܠܵܕ̄ܘܿܟܼܘܼܢ ܒܐܝܼܡܵܪܵܐ، ܗܵܢܲܝ ܕܠܵܐ ܝܼܖܸܥܠܵܝ ܘܠܵܐ ܚ̇ܙܹܐܠܵܝ ܐܲܕܲܒܬܵܐ ܕܡܵܪܝܵܐ ܐܲܠܵܗܘܿܟܼܘܼܢ ܘܪܲܒܘܼܬܹܗ ܘܐܝܼܕܹܗ ܙܲܟܼܡܹܐ ܘܸܕܪܵܥܹܗ ܥܠܘܿܝܵܐ، ܘܠܢܝܼܫܵܢܹ̈ܐ ܕܝܼܠܹܗ، ܘܸܥܒܼܵܕܹ̈ܗ ܕܸܥܒܸܖܠܸܗ ܒܡܸܨܪܹܝܢ ܠܦܸܪܥܘܿܢ ܡܲܠܟܵܐ ܕܡܸܨܪܹܝܢ، ܘܒܟܠܵܗ̇ ܐܲܪܥܹܗ، ܘܡܸܢܕܝܼ ܕܸܥܒܸܖܠܸܗ ܒܓܘܿ ܥܲܣܟܵܪ̈ܵܬܼܵܐ ܕܡܸܨܪ̈ܵܝܹܐ، ܒܣܘܼ̈ܣܵܘܵܬܼܵܐ ܘܒܡܲܪܸ̈ܟܒܼܵܬܼܵܐ ܘܒܪ̈ܲܟܵܒܹܐ ܕܝܼܠܲܝ، ܘܕܡܘܼܫܦܸܚ̇ܠܸܗ ܡܵܝܹܐ ܕܝܵܡܵܐ ܕܣܘܿܦ ܥܸܠܲܝ ܟܘܼܕ ܢܦܸܠܵܝ ܒܵܬܼܪܘܿܟܼܘܼܢ، ܘܟܸܡ ܣܵܟܹܪܠܲܝ ܡܵܪܝܵܐ ܐܲܠܵܗܘܿܟܼܘܼܢ ܗܸܠ ܐܸܕܝܘܼܡ̄ ܝܘܿܡܵܐ، ܘܟܠ ܕܸܥܒܸܖܠܸܗ ܛܵܠܘܿܟܼܘܼܢ ܒܒܲܪܝܼܵܐ؛ ܗܸܠ ܕܐ̄ܬܹܐܠܘܿܟܼܘܼܢ ܠܗܵܖܝܼ ܐܲܬܼܪܵܐ؛ ܘܡܸܢܕܝܼ ܕܸܥܒܸܕܠܹܗ ܒܕܵܬܲܢ ܘܠܐܲܒܼܝܼܪܵܡ ܒܢܲܝ̈ ܐܸܠܝܲܒܼ؛ ܒܸܪܕ ܕܪܘܼܒܹܝܠ. ܟܘܼܕܦܬܸܼܚ̇ܠܵܗ̇ ܐܲܪܥܵܐ ܟܸܡܵܗ̇ ܘܟܸܡ ܒܵܠܥܵܐܠܲܝ؛ ܡܵܠܝܼ ܘܬܵܐ ܝ̈ܵܠܲܕ̄ܝܗܝܼܢ. ܘܒܵܬܹ̈ܐ ܕܝܼܠܲܝ؛ ܘܠܟܠ ܡܸܢܕܝܼ ܕܐܝܼܬܼ ܗ̄ܘܵܐ ܠܲܝ ܩܝܼܡܵܐ ܠܵܐ ܩ̈ܠܵܬܸܗ ܒܲܝܢܲܬܼ ܟܠܸܗ ܝܼܣܪܵܝܼܠ، ܐܸܠܵܐ ܥܲܝܢ̈ܘܿܟܼܘܼܢ ܚ̇ܙܹܐܠܵܝ ܠܟܠܲܝ ܥܒܼܵܕܹ̈ܐ ܕܡܵܪܝܵܐ ܪ̈ܵܒܹܐ ܕܸܥܒܸܖܠܸܗ.

ܒܵܕܲܡ ܢܛܘܼܪܘܼ ܟܠܲܝ ܦܘܼܩܕܵܢܹ̈ܐ ܕܟܸܡ ܦܵܩܕܸܠܘܿܟܼܘܼܢ ܐܸܕܝܘܼܡ̄ ܝܘܿܡܵܐ؛ ܕܗܵܘܘܿܬܘܼܢ ܙܲܟܼܡܹ̈ܐ ܕܥܵܒܼܪܘܼܬܘܼܢ ܘܝܵܪܬܼܘܼܬܘܼܢ ܠܐܲܪܥܵܐ ܕܥܵܒܼܪܘܼܬܘܼܢ ܥܸܠܵܗ̇ ܠܐܝܼܪܵܬܼܵܗ̇، ܘܡܲܙܝܼܕܘܼܬܘܼܢ ܝܘܼ̈ܡܵܬܼܵܐ ܥܸܠܸܕ ܐܲܪܥܵܐ ܕܐܝܼܡܹܐܠܸܗ ܡܵܪܝܵܐ ܬܵܐ ܒܵܒܵܘ̈ܬܼܘܿܟܼܘܼܢ ܠܸܗܒܼܵܠܵܐ ܛܵܠܲܝ ܘܬܵܐ ܙܲܪ̈ܥܲܝ، ܐܲܪܥܵܐ ܕܸܟܡܲܓٕܪܝܵܐ ܚ̇ܲܠܒܼܵܐ ܘܕܸܒܼܫܵܐ، ܒܲܝܕ ܐܲܪܥܵܐ ܕܥܵܒܼܪܘܼܬܘܼܢ ܠܐܝܼܪܵܬܼܵܗ̇ ܠܹܐܝܠܵܗ̄ ܡܲܝܟܼ ܐܲܪܥܵܐ ܕܡܸܨܪܹܝܢ ܕܸܢܦܸܩܠܘܿܟܼܘܼܢ ܡܸܢܵܗ̇؛ ܟܘܼܕ ܙܵܪܥܘܼܬܘܼܢ ܗ̄ܘܵܐ ܙܲܪܥܘܿܟܼܘܼܢ ܘܡܲܫܬܘܿܬܘܼܢ ܗ̄ܘܐ ܒܐܲܩ̈ܠܵܬܼܘܿܟܼܘܼܢ ܡܲܝܟ ܡܲܙܪ̈ܵܥܹܐ ܕܫܸܩܝܵܐ، ܐܸܠܵܐ ܐܲܪܥܵܐ ܕܥܵܒܼܪܘܼܬܘܼܢ ܥܸܠܵܗ̇ ܠܐܝܼܪܵܬܼܵܗ̇؛ ܐܲܪܥܵܐ ܐܝܠܵܗ̇ ܕܛܘܼܪ̈ܢܹܐ ܘܕܲܫ̈ܬܵܬܼܵܐ؛ ܘܡܼܢ ܡܸܛܪܵܐ ܕܸܫܡܲܝܵܐ ܟܫܵܬܝܵܐ ܡܵܝܹܐ، ܐܲܪܥܵܐ ܝܼܠܵܗ̇ ܕܡܵܪܝܵܐ ܐܲܠܵܗܘܼܟܼ ܘܟܸܒܥܸܐܠܵܗ̇ ܒܕܵܝܼܡܘܼܬܼܵܐ. ܘܥܲܝ̈ܢܹܐ ܕܡܵܪܝܵܐ ܐܲܠܵܗܘܼܟܼ ܥܸܠܵܗ̇ ܐܝܼܠܲܝ؛ ܡܼܢ ܫܵܪܹܝܬܼܵܐ ܕܫܵܢ̄ܬܵܐ ܗܸܠ ܚ̇ܲܪܬܼܵܐ.

ܚܒܪܗ

ܫܠܵܘ ܢܒܼܝܼܘܼܬܸܗ ܕܐܹܫܲܥܝܵܐ ܒܲܪܸܟܼܡܵܪܝ

Isaiah 40:1-17

ܡܣܵܠܘܿܠܸܗ ܠܥܲܡܵܐ ܕܝܼܠܝܼ؛ ܟܐܵܡܸܪ ܐܲܠܵܗܘܿܟܼܘܼܢ. ܫܩܘܼܠܘܼ ܒܠܸܒܵܐ ܕܐܘܿܪܸܫܠܸܡ؛ ܘܩܪܘܿܠܵܗ̇؛ ܡܒܲܝܕ ܕܸܡܠܹܐܠܵܗ̇ ܚ̇ܲܝܠܵܐ؛ ܘܦܸܫܠܵܗ ܫܒܼܝܼܩܬܵܐ ܚܛܝܼܬܼܵܗ. ܘܩܒܸܠܠܵܗ ܡܼܢ ܐܝܼܖܵܐ ܕܡܵܪܝܵܐ ܚܲܕ̄ ܒܸܬܪܲܝܢ̄ ܥܠܕܟܠܲܝ ܚܛܵܗܹ̈ܐ ܕܝܼܠܵܗ̇. ܩܵܠܵܐ ܕܸܟܩܵܪܸܐ ܒܒܲܪܝܼܵܐ؛ ܡ̣ܵܚܸܛ̇ܪܘܼ ܐܘܼܪܚ̇ܵܐ ܬܵܐ ܡܵܪܝܵܐ؛ ܘܡܥܲܕܠܘܼ ܒܕܲܫܬܵܐ ܫܘܿܦܵܦܹ̈ܐ ܬܵܐ ܐܲܠܵܗܲܢ؛ ܟܠܲܝ ܪ̈ܥܘܿܠܹܐ ܒܡܵܠܲܝܢ̄. ܘܟܠܲܝ ܛܘܿܪ̈ܢܹܐ ܘܪ̈ܘܿܡܝܵܬܼܵܐ ܒܸܕ ܚ̇ܵܬܲܝܢ̄؛ ܘܒܸܕܦܵܝܫܵܐ ܕܘܼܟܬܼܵܐ ܦܠܝܼܡܬܵܐ ܥܵܕܘܿܠܬܵܐ، ܘܪܘܿܡܬܵܐ ܡܲܝܟ ܕܲܫܬܵܐ. ܘܒܸܕ ܦܵܝܸܫ ܚܸ̇ܙܝܵܐ ܐܝܼܩܵܪܵܐ ܕܡܵܪܝܵܐ؛ ܘܒܸܕ ܚ̇ܵܙܹܐܠܸܗ ܟܠ ܡܵܪܦܲܓܼܪܵܐ ܒܸܚ̇ܖܵܖܹܐ؛ ܡܒܲܝܕ ܕܟܸܡܵܐ ܕܡܵܪܝܵܐ ܡܘܼܚܟܹܐܠܸܗ؛ ܩܵܠܵܐ ܕܟܐܵܡܸܪ ܩܪܝܼ؛ ܘܐ̄ܡܹܪܠܸܗ ܡܲܗܵܐ ܩܵܪܸܢ؛ ܟܠ ܡܲܪܦܲܓܼܪܵܐ ܓܸܠܵܐ ܐܝܠܹܗ، ܘܟܠܸܗ ܫܘܼܒܼܚܸܗ ܡܲܝܟ ܒܹܝܒܘܼܢܵܐ ܐܝܠܸܗ ܕܕܲܫܬܵܐ، ܝܑܼܒܸܫܠܸܗ ܓܸܠܵܐ، ܘܡܟܘܼܪܡܸܫܠܸܗ ܒܹܝܒܘܼܢܵܐ ܕܕܲܫܬܵܐ، ܡܒܲܝܕ ܕܦܘܿܚܵܐ ܕܡܵܪܝܵܐ ܡܚܹ̇ܐܠܸܗ ܒܓܵܘܸܗ. ܒܲܝܕ ܓܸܠܵܐ ܐܝܠܹܗ ܥܲܡܵܐ ܗܵܖܝܼ؛ ܟܝܵܒܸܫ ܓܸܠܵܐ ܘܟܸܡܟܲܪܡܸܫ ܒܹܝܒܘܼܢܵܐ. ܘܬܵܢܹܝܬܼܵܐ ܕܐܲܠܵܗܵܐ ܖܒܸܬܬܵܐ ܐܝܠܵܗ̇ ܗܹܠ ܐܲܒܲܕ.

ܥܸܠܸܕ ܛܘܼܪ̈ܢܹܐ ܥܠܘܿܝܹܐ ܝܼܣܘܼܩ ܝܵܐ ܨܸܗܝܘܿܢ ܡܒܲܫܪܵܢܝܼܬܼܵܐ؛ ܡܲܥܠܸܐ ܩܵܠܲܟܼܝ ܒܚ̇ܲܝܠܵܐ ܝܵܐ ܐܘܿܪܸܫܠܸܡ ܡܒܲܫܪܵܢܝܼܬܼܵܐ؛ ܡܘܿܪܸܡ ܘܠܵܐ ܙܵܕܥܲܬܝ. ܐܝܼܡܘܼܪ ܬܵܐ ܡܲܬܼ̈ܘܵܬܼܵܐ ܕܝܼܗܘܼܖܵܐ؛ ܗܘܿܠܹܐ ܐܲܠܵܗܘܿܟܼܘܼܢ، ܗܘܿܠܸܗ ܡܵܪܝܵܐ ܐܲܠܵܗܵܐ ܒܐܝܼܬܼܵܝܵܐ ܒܙܲܟܼܡܘܼܬܼܵܐ، ܘܸܕܪܵܥܸܗ ܒܚ̇ܲܝܠܵܐ، ܗܘܿܠܸܗ ܚܲܩܹܗ ܥܸܡܹܗ، ܘܥܒܵܕܹܗ ܩܵܖ̄ܡܸܗ، ܡܲܝܟ ܫܝܼܒٕܵܢܵܐ ܕܸܟܡܲܪܥܸܐ ܠܥܸܪ̈ܒܹܐ ܕܝܼܠܹܗ؛ ܘܒܸܕܪ̈ܥܸܗ ܟܸܡ ܓٕܵܡܸܥ ܦܥܪ̈ܐ، ܘܒܩܲܦܠܸܗ ܟܛܵܥܸܢܠܲܝ؛ ܘܠܗܵܢܝܼ ܕܡܵܡܘܿܨܹܐ ܟܸܡ ܕܵܒܸܪ. ܡܵܢܝܼ ܟܸܠܠܸܗ ܡܵܝܸܐ ܒܸܩܛܝܼܪܸܗ، ܘܸܫܡܲܝܵܐ ܟܸܠܠܸܗ ܒܣܝܼܛܸܗ ܘܟܸܠܠܸܗ ܒܓܲܡܫܸܬܸܗ ܐܘܼܦܪܵܐ ܕܐܲܪܥܵܐ. ܘܬܩܸܠܸܗ ܛܘܼܪ̈ܢܹܐ ܒܡܲܬܼܩܵܠܵܐ، ܘܪ̈ܘܿܡܝܵܬܼܵܐ ܒܡܲܣܲܐܬܼܵܐ، ܡܵܢܝܼ ܡܘܼܠܸܦܠܸܗ ܪܘܼܚܵܐ ܕܡܵܪܝܵܐ؛ ܝܵܢ ܡܵܢܝܼ ܗܘܸܐܠܸܗ ܛܵܠܸܗ ܡܲܫܝܼܪܵܢܵܐ؛ ܒܡܵܢܝܼ ܡܘܼܫܹܐܪܠܸܗ، ܝܵܢ ܟܸܡ ܡܘܿܠܸܦܠܸܗ؛ ܘܟܸܡ ܡܲܦ̇ܗܸܡܠܸܗ ܐܘܼܪܚ̇ܵܐ ܕܕܝܼܢܵܐ، ܐܵܟܸܡܡܘܿܠܸܦܠܸܗ ܝܼܖܲܥܬܼܵܐ، ܘܐܘܼܪܚ̇ܵܐ ܕܗܵܘܢܵܐ ܟܸܡ ܡܲܚ̇ܘܸܐܠܸܗ؟ ܗܘܿܠܲܝ ܟܠܲܝ ܥܲܡܡ̈ܐ ܚ̇ܖܵܐ ܢܹܛܘܿܦܬܼܵܐ ܐܝܼܠܲܝ ܡܼܢ ܕܘܿܠܵܐ ܕܡܵܝܹܐ، ܘܡܲܝܟ ܓܖܵܖܹܐ ܕܡܲܣܲܐܬܼܵܐ، ܘܓܙܹܪ̈ܝܵܬܼܵܐ ܡܲܝܟ ܐܘܼܦܪܵܐ ܒܸܕ ܦܵܝܫܝܼܢ̄ ܡܚܘܿܠܩܹ̈ܐ. ܘܠܸܒܢܵܢ ܠܵܐ ܟܡܵܠܸܐ ܬܵܐ ܡܵܩܲܕܬܵܐ؛ ܘܚܲܝ̈ܘܵܢܹܗ ܠܵܐ ܟܡܵܠܵܝ ܬܵܐ ܡܵܩܘܿܕܹܐ. ܘܟܠܲܝ ܥܲܡܡܹ̈ܐ ܡܲܝܟ ܠܵܐ ܡܸܢܕܝܼ ܚ̇ܫܝܼܒܹܝܠܵܝ ܠܓܹܝܒܸܗ ܠܣܵܟܲܪܬܵܐ ܘܠܸܚܪܵܒܼܵܐ܀

ܚܕܒܫܒܐ ܐ ܕܡܘܫܐ

ܦܵܘܠܘܿܣ ܫܠܝܼܚܵܐ ܐܸܓܲܪܬܵܐ ܕܲܠܘܵܬܼ ܩܘܿܪ̈ܲܢܬܵܝܹܐ ܐܲܚܲܝ̈ ܒܲܪܸܟܼܡܵܪܝ

 2 Corinthians 1:23; 2:16

ܘܐܵܢܵܐ ܐܲܠܵܗܵܐ ܣܵܗܕܵܐ ܥܸܠܸܕ ܓܝܵܢܝܼ. ܒܲܝܕ ܚܸ̇ܣܠܝܼ ܥܸܠܘܿܟܼܘܼܢ ܠܵܐ ܐ̄ܬܹܐܠܝܼ ܠܩܘܿܪܙܬܘܣ. ܠܵܐ ܒܲܝܕ ܐܝܼܘܘܼܟܼ ܐܲܚܢܝܼ ̈ܕܝܵܢܐ ܠܗܲܝܡܵܢܘܼܬܼܘܿܟܼܘܼܢ ܐܸܠܵܐ ܒܲܝܕ ܐܝܼܘܘܼܟܼ ܥܲܝܵܢܹ̈ܐ ܕܦܸܨܚ̇ܘܼܬܼܘܿܟܼܘܼܢ، ܕܐܝܼܘܘܿܬܘܼܢ ܖܒܝܼܬܹ̈ܐ ܒܗܲܝܡܵܢܘܼܬܼܵܐ. ܘܗܵܖܝܼ ܕܸܢܠܝܼ ܒܸܓܝܵܢܝܼ. ܕܠܵܐ ܓܵܗ ܐ̄ܚܸ̇ܪܬܵܐ ܒܟܲܪܝܘܼܬܼܵܐ ܐܵܬܸܢ ܠܓܹܢ̄ܒܘܿܟܼܘܼܢ. ܡܒܲܝܕ ܐܸܢ ܐܵܢܵܐ ܡܲܓܸܒܢܸܝܠܘܿܟܼܘܼܢ ܡܵܢܝܼ ܒܡܲܦܨܸܚ̇ܠܝܼ ܐܸܠܵܐ ܗܵܘܵ ܕܐܵܢܵܐ ܟܸܡ ܡܲܓܼܒܢܸܝܠܸܗ ܘܕܸܟܬܼܘܼܒܼܠܝܼ ܛܵܠܘܿܟܼܘܼܢ ܗܵܖܝܼ، ܕܠܵܐ ܐܝܼܡܲܢ ܕܐܵܬܸܢ ܡܲܓܸܒܢܝܼܢ̄ ܠܝܼ ܐܵܗܢܲܝ ܕܟܸܡܘܵܓٕܸܒܗ̣̄ܘܵܐ ܥܸܠܲܝ ܕܗܵܢܝܼ ܡܲܦܸܨܚ̇ܝܼܢ̄ ܠܝܼ. ܬܟܝܼܠܵܐܝܘܸܢ ܥܸܠܘܿܟܼܘܼܢ ܕܦܸܨܚ̇ܘܼܬܼܝܼ ܐܝܼܠܵܗ̇ ܕܟܠܘܿܟܼܘܼܢ. ܘܡ̣ܢ ܥܘܿܩܵܢܵܐ ܪܲܒܬܼܵܐ ܘܡ̣ܢ ܚܲܫܵܐ ܕܠܸܒܵܐ ܟܬܼܘܼܒܼܠܝܼ ܛܵܠܘܿܟܼܘܼܢ ܗܵܢܝܼ ܒܕܸܡ̈ܥܹܐ ܟܲܒܝܼܪܹ̈ܐ، ܠܵܐ ܬܵܐ ܕܓܼܵܒܢܘܼܬܘܼܢ، ܐܸܠܵܐ ܬܵܐ ܕܝܵܖܥܘܼܬܘܼܢ ܚܘܼܒܵܐ ܟܲܒܝܼܪܵܐ ܕܐܝܼܬܠ̄ܝܼ ܛܵܠܘܿܟܼܘܼܢ. ܘܐܸܢ ܐ̄ܢܵܫܵܐ ܛܵܠܝܼ ܡܘܼܓܼܒܸܢܠܸܗ، ܠܵܐ ܐܵܢܵܐ ܡܘܼܓܼܒܸܢܠܸܗ ܚܘܿܖܝܢ ܐܸܠܵܐ ܩܸܨܵܐ ܡܵܐ ܕܗܵܘܹܐ ܚܲܖ̄ܟܡܵܐ ܡܟܠܘܿܟܼܘܼܢ، ܕܠܵܐ ܝܵܩܪܵܐ ܬܲܢܲܝܬܼܵܐ ܥܸܠܘܿܟܼܘܼܢ. ܟܡܵܠܝܵܐܠܹܗ ܛܵܠܹܗ ܗܵܖܝ ܟٕܟܼܵܣܬܵܐ ܕܡ̣ܢ ܟܲܒܝܼܪܹ̈ܐ. ܘܕܲܗܵܐ ܘܒܵܬܸܪ، ܟܠܵܙܡܵܐ ܕܫܵܒܼܩܘܼܬܘܼܢ ܛܵܠܹܗ ܘܡܣܵܠܘܿܬܘܼܠܹܗ. ܕܠܵܝܟܘܼܢ ܒܟܸܪܝܘܼܬܼܵܐ ܟܲܒܝܼܪܬܵܐ ܢܵܦܸܠ ܡܚ̇ܲܝܠܹܗ ܬܵܠܸܒܸܕ ܗܵܖܝܼ ܟܛܵܠܒܸܢ ܡܸܢܘܿܟܼܘܼܢ ܕܡܲܬܸܒܬܘܼܬܘܼܢ ܛܵܠܹܗ ܚܘܼܒܘܿܟܼܘܼܢ، ܘܗܵܖܐܲܝܟܼ ܟܬܼܘܼܒܼܠܝܼ ܗܲܡ ܕܝܵܖܥܸܢ ܒܓٕܪܲܒܬܵܐ ܐܸܢ ܒܟ̱ܠ ܡܸܢܕܝܼ ܟܛܵܝܥܘܼܬܘܼܢ. ܘܬܵܐ ܗܵܘܵ ܕܫܵܒܼܩܘܼܬܘܼܢ ܛܵܠܹܗ ܐܲܚ̇ܬܘܼܢ ܗܲܡ ܐܵܢܵܐ ܒܫܵܒܼܩܸܢ. ܒܲܝܕ ܗܲܡ ܐܵܢܵܐ ܫܒܸܩܠܝܼ ܬܵܐ ܗܵܘܵ ܕܸܫܒܸܩܠܝܼ ܡܛܲܠܸܒܘܿܟܼܘܼܢ ܫܒܸܩܠܝܼ، ܒܦܲܪܨܘܿܦܵܐ ܕܸܡܫܝܼܚܵܐ، ܕܠܵܐ ܓܼܵܠܸܒܠܲܢ ܣܵܛܵܢܵܐ. ܒܲܝܕ ܟܝܵܖܥܘܼܟܼܠܲܝ ܚ̇ܘܼܫܵܒܹ̈ܗ. ܡܒܲܝܕ ܕܐܵܚ̇ܢܝܼܢ̄ ܪܝܼܚܵܐ ܒܲܣܝܼܡܵܐܝܘܘܼܟܼ ܗܘܿ ܡܫܝܼܚܵܐ ܬܵܐ ܐܲܠܵܗܵܐ ܒܗܵܢܲܝ ܕܟܚܵܠܨܝܼܢ̄ ܘܒܗܵܢܲܝ ܕܗܵܠܟܝܼܢ̄. ܬܵܐ ܗܵܢܲܝ ܪܝܼܚ̇ܵܐ ܕܡܘܿܬܼܵܐ ܬܵܐ ܡܘܿܬܼܵܐ. ܘܬܵܐ ܗܵܢܲܝ ܪܝܼܚ̇ܵܐ ܕܚ̇ܲܝܹ̈ܐ. ܬܵܐ ܚ̇ܲܝܹ̈ܐ܀