ܬܹܒܼܘ ܘܲܫܠܵܘ ܒܪܝܼܬܼܵـܐ ܣܸܦܪ̈ܵܐ ܩܲܖܡܵܝܵܐ ܕܐܘܪܲܝܬܵـܐ ܒܲܪܸܟܡܵܪܝ

(Genesis 19:15-26)

      ܟܘܼܕ ܙܪܸܩܠܵܗ ܫܸܡܫܵܐ، ܡܲܠܲܐܟܹ̈ܐ ܕܡܵܪܝܵܐ ܐ̄ܡܹܪܠܵܝ ܬܵܐ ܠܘܿܛ؛ ܩܘܼܡ، ܫܩܘܿܠ ܒܲܟܼܬܘܼܟܼ ܘܒܢܵܬܼ̈ܘܼܟܼ ܕܐܠܵܝ ܗܵܪ̄ܟܼܵܐ، ܕܠܵܐ ܗܵܠܟܸܬ ܥܸܡܸܕ ܡܖܝܼܢ̄ܬܵـܐ. ܟܠܹܐܠܸܗ ܠܘܿܛ، ܘܡܲܠܲܐܟܹ̈ܐ ܟܸܡ ܫܵܩܠܝܼܢܠܸܗ ܥܡܸܕ ܒܲܟܼܬܹܗ ܘܬܸܪ̈̄ܽܬܹܝܢ̄ ܒܢܵܬܹ̈ܗ ܒܐܝܼ̈ܖܲܝܗܝܼ، ܒܪܲܚܡܹܐ ܕܡܵܪܝܵܐ، ܘܟܸܡ ܢܵܒܠܝܼܢܠܲܝ ܠܒܵܪܵܝܸܐ ܡܢ ܡܖܝܼܢ̄ܬܵܐ، ܘܐ̄ܡܹܪܠܵܝ؛ ܥܪܘܼܩܘܼ ܘܠܵܐ ܚܹܐܪܘܼܬܘܼ ܒܵܬܼܪܘܿܟܼܘܼܢ، ܘܠܵܐ ܚܵܡܠܘܼܬܘܼ ܒܕܲܫܬܵܐ. ܥܪܘܼܩܘܼ ܠܛܘܼܪܵܐ، ܕܠܵܐ ܗܵܠܟܘܼܬܘܼܢ. ܘܐ̄ܡܹܪܠܸܗ ܠܘܿܛ؛ ܠܵܐ ܡܵܪܝܼ. ܗܘܿܠܸܗ ܥܲܒܼܕܘܼܟܼ ܫܦܹܪܠܸܗ ܩܖܵܡܘܼܟܼ، ܘܡܪܘܼܚܸܡܠܘܼܟܼ ܥܸܠܝܼ ܒܸܢܛܵܪܵܐ ܚܵܝܝܼ. ܠܲܝܬ̄ܒܝܼ ܕܥܵܪܩܸܢ ܠܛܘܼܪܵܐ، ܕܠܵܐ ܡܵܝܬܸܢ ܬܵܡܵܐ. ܗܘܿܠܵܗ ܗܵܝܵܐ ܡܖܝܼܢ̄ܬܵܐ ܩܲܪܘܼܒܼܬܵܐ ܙܥܘܿܪܬܸܐ. ܫܒܼܘܿܩܠܝܼ ܕܥܵܪܩܸܢ ܠܬܵܡܵܐ، ܘܒܢܵܛܪܘܼܬܘܼܢ ܚܵܝܝܼ. ܐ̄ܡܹܪܠܸܗ ܛܵܠܹܗ؛ ܗܲܡ ܗܵܝـ ܒܝܵܗܒܸܢܠܘܼܟܼ ܝܼܠܵܗ̇. ܣܝܼ، ܥܪܘܿܩ ܠܬܵܡܵܐ، ܕܠܲܝܬ̄ܒܝܼ ܕܥܵܒܼܖܸܢ ܡܸܢܕܝܼ ܩܖܵܡܡܵܐ ܕܡܵܛܸܬ.

       ܘܡܵܪܝܵܐ ܡܘܼܡܛܹܪܠܸܗ ܢܘܼܪܵܐ ܡܢ ܫܡܲܝܵܐ ܥܠ ܣܲܕܘܿܡ ܘܓܵܡܘܿܪܵܐ، ܘܡܘܼܩܠܸܒܠܸܗ ܗܵܢܵܝ ܡܖܝܼ̈ܢܵܬܼܵܐ، ܘܟܘܼܠܵܗ ܕܲܫܬܵܐ، ܘܟܘܼܠܲܝ ܥܡܝܼܪܹ̈ܐ ܕܬܵܡܵܐ، ܘܡܵܐ ܕܗ̄ܘܹܐܗ̄ܘܵܐ ܙܪܝܼܥܵܐ ܬܵܡܵܐ. ܘܒܲܟܼܬܵܐ ܕܠܘܿܛ ܦܬܸܠܠܵܗ̇ ܠܒܲܬܼܪܵܐ، ܘܦܸܫܠܵܗ̇ ܩܲܝܘܼܡܬܵܐ ܕܡܸܠܚܵܐ܀

ܚܒܪܗ

ܫܠܵܘ ܟܬܼܵܒܼܵܐ ܕܝܼܫܘܿܥ ܒܲܪܢܘܿܢ ܒܲܪܸܟܼܡܵܪܝ

(Joshua 21:43-22:6)

      ܘ̄ܗܒܸܠܹܠܗ ܡܵܪܝܵܐ ܬܵܐ ܝܼܣܪܵܝܹܠ ܟܠܵܗ̇ ܐܲܪܥܵܐ ܕܝܼܡܹܐܠܹܗ ܠܸܗܒܼܵܠܵܗ̇ ܬܵܐ ܒܵܒܵܘܵܬܲܝ̈ܗܝܼܢ؛ ܘܟܸܡ ܝܵܪܬܼܝܼܢ̄ ܠܵܗ̇ ܘܬܘܼܒܼܠܵܝ ܒܓܵܘܵܗ̇. ܘܟܸܡ ܡܵܢܸܚ̇ܠܲܝ ܡܵܪܝܵܐ ܡܢ ܟܠ ܚ̇ܵܘܸܖܪ̈ܢܲܝܗܝܼ، ܕܹܝܟܼ ܕܝܼܡܹܐܠܸܗ ܬܵܐ ܒܵܒܵܘܵܬܲܝ̈ܗܝܼ. ܘܠܵܐ ܟܠܹܐܠܸܗ ܐ̄ܢܵܫܵܐ ܩܵܡܲܝܗܝܼ ܡܢ ܟܠܲܝ ܕܸܫ̃ܡܸܢܹܐ ܕܝܼܠܲܝܗܝܼ، ܐܸܠܵܐ ܡܣܘܼܦܹܐܠܸܗ ܡܵܪܝܵܐ ܠܟܘܼܠܲܝ ܕܸܫ̃ܡܸܢܹܐ ܕܝܼܠܲܝܗܝܼ ܒܓܘܿ ܐܝܼܖ̈ܝܗܝܼـ. ܘܠܵܐ ܒܛܸܠܠܵܗ̇ ܗܲܡ ܚ̇ܖܵܐ ܬܵܢܹܝܬܼܵـܐ ܡܢ ܟܠܲܝܗܝܼܢ ܛܵܒܼ̈ܬܼܵـܐ ܕܐܡܹܪܹܠܗ̄ ܡܵܪܝܵܐ ܬܵܐ ܒܢܲܝ̈ ܝܼܣܪܵܝܹܠ. ܐܸܠܵܐ ܟܠܲܝܗܝܼ ܟܡܸܠܠܵܝ.

      ܗܲܝܓܵܗܵܐ ܩܪܹܐܠܸܗ ܝܼܫܘܿܥ ܠܸܒܢܲܝ̈ ܪܘܼܒܹܝܠ، ܘܠܸܒܢܲܝ̈ ܓܵܖ ܘܸܠܦܲܠܓܵܐ ܕܫܲܒܼܛܵܐ ܕܸܡܢܲܫܸܐ. ܘܐܡܹܪܹܠ̄ܗ ܛܵܠܲܝܗܝܼ؛ ܐܲܚ̇ܬܘܼܢ ܢܛܹܪܠܘܿܟܼܘܼܢ ܟܠ ܡܸܢܕܝܼ ܕܐܡܹܪܹܠ̄ܗ ܛܵܠܘܿܟܼܘܼܢ ܡܘܼܫܸܐ ܥܲܒܼܕܵܐ ܕܡܵܪܝܵܐ، ܘܫܡܸܥܠܘܿܟܼܘܼܢ ܒܩܵܠܝܼ ܠܟܠ ܡܸܢܕܝܼ ܕܟܸܡ ܦܵܩܕܸܢܠܘܿܟܼܘܼܢ؛ ܘܠܵܐ ܫܒܸܩܠܘܿܟܼܘܼܢ ܠܐܲܚܸ̇ܢ̈ܘܵܬܼܘܿܟܼܘܼܢ ܟܠ ܗܵܢ ܝܲܘ̈ܡܵܬܼܵـܐ، ܘܗܸܠ ܗܸܕܝܘܼܡ̄ ܝܲܘܡܵܐ. ܘܢܛܹܪܠܘܿܟܼܘܼܢ ܦܘܼܩܕܵܢܹ̈ܐ ܕܡܵܪܝܵܐ ܐܲܠܵܗܘܿܟܼܘܼܢ. ܡܘܼܢܸܚ̇ܠܸܗ ܡܵܪܝܵܐ ܐܲܠܵܗܘܿܟܼܘܼܢ ܠܐܲܚܸ̇ܢ̈ܘܵܬܼܘܼܟܼܘܼܢ ܕܹܝܟܼ ܕܐܡܹܪܹܠ̄ܗ ܛܵܠܲܝܗܝܼ. ܕܲܗܵܐ ܕܥܘܼܪܘܼ ܘܣܘܿ ܠܡܲܬܼ̈ܘܵܬܼܘܿܟܼܘܼܢ ܠܐܲܪܥܵܐ ܕܝܵܪܬܘܼܬܼܘܿܟܼܘܼܢ ܕܸܗܒܸܠܠܹܗ ܛܵܠܘܿܟܼܘܼܢ ܡܘܼܫܸܐ ܥܲܒܼܕܵܐ ܕܡܵܪܝܵܐ، ܡܗ̇ܘܿܒܲܪ ܕܝܘܿܪܕܢܵܢ ܡܢ ܡܲܣܩܵܢܵܐ. ܦܘܼܫܘܼ ܗܹܫܝܵܪ ܟܲܒܝܼܪܵܐ، ܥܒܼܘܼܖܘܼ ܦܘܼܩܕܵܢܹ̈ܐ ܘܢܵܡܘܿܣܹ̈ܐ ܕܟܸܡ ܦܵܩܹܖܠܘܿܟܼܘܼܢ ܡܘܼܫܸܐ ܥܲܒܼܕܵܐ ܕܡܵܪܝܵܐ. ܠܸܒܥܵܝܵܐ ܠܡܵܪܝܵܐ ܐܲܠܵܗܘܿܟܼܘܼܢ، ܘܠܸܢܛܵܪܵܐ ܦܘܼܩܕܵܢܹ̈ܗ، ܘܠܸܬܒܵܥܵܐ ܥܸܠܸܗ، ܘܠܸܦܠܵܚ̇ܵܐ ܛܵܠܸܗ ܡܢ ܟܠܸܗ ܠܸܒܘܿܟܼܘܼܢ ܘܡܢ ܟܠܵܗ̇ ܓܝܵܢܘܿܟܼܘܼܢ܀ 

 

ܦܵܘܠܘܿܣ ܫܠܝܼܚܵܐ ܐܸܓܲܪܬܵܐ ܕܲܠܘܵܬܼ ܪ̈ܗ̄ܘܿܡܵܝܹܐ ܐܲܚܲܝ̈ ܒܲܪܸܟܼܡܵܪܝ

(Romans 14:10-end)

      ܐܵܝܸܬ ܬܵܡܵܗܵܐ ܟܕܵܝܢܸܬ ܐܲܚ̇ܘܿܢܘܼܟܼ، ܝܵܢ ܗܲܡ ܐܵܝܸܬ ܬܵܡܵܗܵܐ ܟܡܲܣܠܸܬ ܠܐܲܚ̇ܘܿܢܘܼܟܼ؟ ܟܘܼܠܲܢ ܚܖܝܼܪܹ̈ܝܘܘܼܟܼ ܠܸܩܝܵܡܵܐ ܩܵܡܸܕ ܟܘܼܪܣܝܵܐ ܕܸܡܫܝܼܚܵܐ، ܕܸܝܟ ܕܝܼܠܹܗ ܟܬܼܝܼܒܼܵܐ؛ ܒܹܚܵܝܹܐ̄ܝܘܸܢ ܟܐܵܡܸܪ ܡܵܪܝܵܐ، ܛܵܠܝܼ ܒܸܕ ܟܵܝܦܵܐ ܟܘܿܠ ܒܘܼܪܟܵܐ ܘܛܵܠܝܼ ܒܸܕ ܡܫܵܒܸܚ ܟܘܿܠ ܠܫܵܢܵܐ. ܒܵܕܲܡ ܟܘܿܠ ܐ̄ܢܵܫܵܐ ܡܸܢܲܢ ܓٕܘܼܘܵܒ ܡܒܵܕܲܠ ܓܝܵܢܹܗ ܒܸܕܝܵܗ̄ܒܸܠ ܬܵܐ ܐܲܠܵܗܵܐ.

      ܠܐ ܕܵܝܢܘܼܟܼ ܚܲܕ̄ ܠܚܸ̇ܪ̄ܢܵܐ، ܐܸܠܵܐ ܗܵܖܝܼ ܕܘܼܢܘܼ ܒܸܦܪܝܼܫܘܼܬܼܵܐ، ܕܸܬܥܵܣܬܵـܐ ܬܵܐ ܐܲܚ̇ܘܿܢܘܼܟ ܠܵܐ ܕܵܪܸܬ. ܟܝܵܖܥܸܢ ܘܚܲܩܵܐܝܘܸܢ ܒܓܵܘ ܡܵܪܝܵܐ ܝܑܼܫܘܿܥ ܕܡܸܢܕܝܼ ܕܐܠܹܗ ܡܛܘܼܡܝܵܐ. ܠܓܹܝܒܹܗ ܠܲܝܬܼ، ܐܸܠܵܐ ܐܵܗܵܘܵܐ ܕܟܸܡܬܲܚ̇ܡܸܠ ܥܸܠܸܕ ܡܸܢܕܝܼ ܕܝܼܠܹܗ ܡܛܘܼܡܝܵܐ ܬܵܐ ܗܵܘܵܐ ܒܸܠܚ̇ܘܿܕܹܗܝܼܠܹܗ ܡܛܘܼܡܝܵܐ. ܐܸܢ ܡܛܠܸܒܸܕ ܡܹܐܟܼܘܼܠܬܵـܐ ܡܵܥܝܼܩܸܬ ܠܐܲܚ̇ܘܿܢܘܼܟ. ܠܵܐܝܘܸܬ ܒܚܘܼܒܵܐ ܒܸܪܚܵܫܵܐ. ܠܵܐ ܡܣܲܟܪܸܬ ܒܡܹܐܟܼܘܼܠܬܘܼܟܼ ܠܗܵܘܵܐ ܕܛܵܠܸܒܹܗ ܡܝܼܬܼܠܹܗ ܡܫܝܼܚܵܐ. ܘܠܵܐ ܦܵܝܸܫ ܡܓܘܼܕܦܵܐ ܥܸܠܸܕ ܛܵܒܼܬܲܢ. ܡܲܠܟܘܼܬܼܵܐ ܕܐܲܠܵܗܵܐ ܠܵܐܝܼܠܵܗ̇ ܐܝܼܟܼܵܠܵܐ ܘܫܬܵܝܵܐ، ܐܸܠܵܐ ܟܹܐܢܘܼܬܼܵܐ ܘܫܠܵܡܵܐ ܘܦܸܨܚ̇ܘܼܬܼܵܐ ܒܪܘܼܚܵܐ ܕܩܘܼܖܫܵܐ. ܘܐܗܵܘܵܐ ܕܸܒܓܵܘ ܗܵܢܝܼ ܟܟܼܵܕܸܡ ܠܸܡܫܝܼܚܵܐ ܟܫܵܦܸܪ ܠܐܲܠܵܗܵܐ، ܘܩܵܡܸܕ ܒܢܲܝ̈ܢܵܫܵܐ ܡܙܘܼܟܝܵܐ ܝܼܠܹܗ.

      ܒܵܕܲܡ ܒܵܬܸܪ ܫܠܵܡܵܐ ܥܵܪܩܘܼܟܼ ܘܒܵܬܸܪ ܒܸܢܝܵܢܵܐ ܕܚܲܖ̄ ܚܸ̇ܪ̄ܢܵܐ. ܘܠܵܐ ܛܵܠܸܒܸܕ ܡܹܐܟܼܘܼܠܬܵـܐ ܚܵܪܒܼܘܼܟ ܥܒܼܵܕܹ̈ܐ ܕܐܲܠܵܗܵܐ. ܒܲܝܕ ܟܘܿܠ ܡܸܢܕܝܼ ܢܵܖܝܼܦ̇ܵܐܝܠܹܗ، ܐܸܠܵܐ ܒܝܼܫܵܐܝܠܹܗ ܬܵܐ ܒܲܪܢܵܫܵܐ ܕܸܒܓܵܘ ܬܥܵܣܬܵـܐ ܐܵܟܸܠ. ܛܵܒܼܬܵܝܠܗ̇ ܕܠܵܐ ܐܵܟܼܠܘܼܟܼ ܒܸܣܪܵܐ، ܘܠܵܐ ܫܵܬܘܼܟܼ ܚܲܡܪܵܐ، ܘܠܵܐ ܡܸܢܕܝܼ ܕܸܟܬܵܥܸܣ ܒܓܵܘܹܗ ܐܵܚ̇ܘܿܢܲܢ. ܐܵܝܸܬ ܕܐܝܼܬܒܘܼܟܼ ܗܲܝܡܵܢܘܼܬܼܵܐ، ܒܸܓܝܵܢܘܼܟܼ ܥܪܝܼ ܒܓܵܘܵܗ̇ ܩܖܵܡ ܐܲܠܵܗܵܐ. ܛܘܼܒܼܵܐ ܠܗܵܘܵܐ ܕܠܵܐ ܕܸܢܸܠܗ ܓܝܵܢܹܗ ܒܡܸܢܕܝܼ ܕܸܦܪܸܫܠܹܗ. ܘܗܵܘܵܐ ܕܸܡܫܲܟܟܼ ܘܐܵܟܸܠ، ܦܸܫܠܸܗ ܕܝܼܢܵܐ، ܡܒܹܝܕ ܕܠܵܐܝܠܹܗ ܡܢ ܗܲܝܡܵܢܘܼܬܼܵܐ. ܘܟܘܿܠ ܡܸܢܕܝܼ ܕܠܵܐܝܠܹܗ ܡܢ ܗܲܝܡܵܢܘܼܬܼܵܐ ܚܛܝܼܬܼܵܝܠܹܗ܀