ܬܹܒܘ ܘܲܫܠܵܘ ܒܪܝܼܬܼܵـܐ ܣܸܦܪ̈ܵܐ ܩܲܖܡܵܝܵܐ ܕܐܘܿܪܲܝܬܵـܐ ܒܲܪܸܟܼܡܵܪܝ

(Genesis 5:25-31)

ܘܚ̇ܝܹܐܠܸܗ ܡܲܬܘܼܫܠܲܚ ܐܸܡܵܐܐ ܘܐܸܫܒܲܥ ܘܬܡܵܢܵܐܐ ܫܸ̈ܢܹܐ. ܘܡܘܼܗܘܹܐܠܸܗ ܠܠܵܡܸܟ. ܘܚ̇ܝܹܐܠܸܗ ܡܲܬܘܼܫܠܲܚ ܡ̣ܢ ܒܵܬܲܪ ܕܡܘܼܗܘܹܐܠܸܗ ܠܠܵܡܸܟ. ܐܹܫܒܲܥ ܐܸܡܵܐܐ ܘܬܲܪ̄ܬܹܝܢ ܘܬܡܵܢܵܐܐ ܫܸ̈ܢܹܐ؛ ܡܘܼܗܘܹܐܠܸܗ ܒܢܘܿܢܹ̈ܐ ܘܒܢ̈ܬܼܵـܐ؛ ܘܗ̄ܘܹܗ̄ܘܵܐ ܟܠ ܝܘܼ̈ܡܵܬܼܵـܐ ܕܡܲܬܘܼܫܠܲܚ ܬܸܫܲܥ̄ ܐܸܡܵܐܐ ܘܬܸܫܲܥ ܘܐܹܫܬܝܼܢ ܫܸ̈ܢܹܐ. ܘܡܸܬܼܠܸܗ.

ܘܚ̇ܝܹܐܠܸܗ ܠܵܡܟ ܐܸܡܵܐܐ ܘܬܲܪ̄ܬܹܝܢ ܘܬܡܵܢܵܐܐ ܫܸ̈ܢܹܐ؛ ܘܡܘܼܗܘܹܐܠܸܗ ܒܪܘܿܢܵܐ؛ ܘܩܪܹܐܠܸܗ ܫܸܡܸܗ ܢܘܿܚ. ܘܐܡܹܪܹܠ̄ܗ ܗܵܖܝܼ ܒܸܕ ܡܣܵܠܹܐܠܲܢ ܡ̣ܢ ܥܒܼܵܖܹ̈ܐ ܕܝܼܠܲܢ؛ ܘܡ̣ܢ ܓٕܸܗܘܵܐ ܕܐܝܼ̈ܕܵܬܲܢ ܘܡ̣ܢ ܐܲܪܥܵܐ ܕܟܸܡ ܠܵܝܸܛܠܵܗ̇ ܡܵܪܝܵܐ؛ ܘܚ̇ܝܹܐܠܹܗ ܠܵܡܟ ܡ̣ܢ ܒܵܬܲܪ ܕܡܘܼܗܘܹܐܠܸܗ ܠܢܘܿܚ ܚ̇ܲܡܸܫ ܐܸܡܵܐܐ ܘܚ̇ܲܡܸܫ ܘܬܹܫܥܝܼܢ ܫܸ̈ܢܹܐ؛ ܘܡܘܼܗܘܹܐܠܹܗ ܒܢܘܿܢܹ̈ܐ ܘܒ̈ܢܵܬܼܵـܐ؛ ܘܗ̄ܘܹܗ̄ܘܵܐ ܟܠܲܝ ܝܘܼ̈ܡܵܬܼܵـܐ ܕܠܵܡܟ ܐܸܫܒܲܥ ܐܸܡܵܐܐ ܘܐܹܫܒܲܥ ܘܫܲܒܼܥܝܼܢ ܫܸ̈ܢܹܐ؛ ܘܡܸܬܼܠܸܗ܀  

ܚܒܪܐ

ܫܠܵܘ ܟܬܼܵܒܼܵܐ ܕܝܑܼܫܘܿܥ ܒܲܪܢܘܿܢ ܒܲܪܸܟܼܡܵܪܝ

(Joshua 4:15-end)

ܘܐܡܹܪܹܠ̄ܗ ܡܵܪܝܵܐ ܬܵܐ ܝܑܼܫܘܿܥ؛ ܦܩܘܿܖ ܠܟܵܗ̈ܢܹܐ ܕܝܼܠܲܝ ܛܝܼܢܹ̈ܐ ܩܹܒܼܘܼܬܼܵܐ ܕܣܵܗܕܘܼܬܼܵܐ؛ ܘܝܵܣܩܝܼܢ̄ ܡ̣ܢ ܝܘܿܪܕܢܵܢ. ܘܦܩܸܖܠܸܗ ܝܑܼܫܘܿܥ ܠܟܵܗ̈ܢܹܐ؛ ܘܐܡܹܪܹܠ̄ܗ ܛܵܠܲܝܗܝܼ؛ ܐܸܣܩܘܼ ܡ̣ܢ ܝܘܿܪܕܢܵܢ؛ ܘܟܘܼܕ ܣܸܩܠܵܝ ܟܵܗ̈ܢܹܐ ܛܵܝܢܹ̈ܐ ܕܩܹܒܼܘܼܬܼܵܐ ܕܥܲܗܕܵܐ ܕܡܵܪܝܵܐ ܡ̣ܢ ܝܘܿܪܕܢܵܢ. ܘܕܸܫܠܵܝ ܫܸ̈ܬܵܬܼܵܐ ܕܐܲܩ̈ܠܵܬܼܵـܐ ܕܟܵܗ̈ܢܹܐ ܒܝܲܒܼܫܵܐ. ܘܕܥܲܪܵܠܝ ܡܵܝܹ̈ܐ ܕܝܘܿܪܕܢܵܢ ܠܕܘܼܟܬܲܝܗܝܼ. ܘܓܸܪܹܐܠܵܝ ܡܸܟܼ ܩܵܕ̄ܡܲܝܬܼܵـܐ ܥܸܠܸܕ ܟܠܲܝ ܣܹܦ̈ܘܵܬܼܵܐ ܕܝܘܿܪܕܢܵܢ.

ܘܥܲܡܵܐ ܣܹܩܠܸܗ ܡ̣ܢ ܝܘܿܪܕܢܵܢ. ܥܹܣܪܵܐ ܒܝܲܪܚ̇ܵܐ ܩܲܕ̄ܡܵܝܵܐ؛ ܘܐ̄ܬܘܼܒܼܠܵܝ ܒܓܲܠܓܵܠܵܐ ܒܸܬܚ̇ܘܼܡܵܐ ܕܡܲܣܩܵܢܵܐ ܕܐܝܼܪܝܼܚܘܼ ܘܬܪܹܥܣܲܪ ܟܹܐܦܹ̈ܐ ܗܵܢܲܝ ܕܸܫܩܸܠܠܵܝ ܡ̣ܢ ܝܘܿܪܕܢܵܢ؛ ܟܸܡ ܨܵܝܸܦܠܲܝ ܝܑܼܫܘܿܥ ܒܓܲܠܓܵܠܵܐ. ܘܐܡܹܪܹܠ̄ܗ ܝܑܼܫܘܿܥ ܬܵܐ ܒܢܲܝ̈ ܝܼܣܪܵܝܹܠ؛ ܟܘܼܕ ܡܒܲܩܪܝܼܢ̄ܠܘܿܟܼܘܼܢ ܐܝ̈ܵܠܘܿܟܼܘܼܢ ܨܲܦܪܵܐ؛ ܘܐܵܡܪܝܼܢ ܛܵܠܘܿܟܼܘܼܢ ܡܝܼܠܲܝ ܗܵܢܝܼ ܟܹܐܦܹ̈ܐ، ܡܲܝܸܖܥܘܼ ܬܵܐ ܐ̄ܝ̈ܵܠܘܿܟܼܘܼܢ ܘܐܸܡܪܘܼ ܛܵܠܲܝܗܝܼ ܕܸܒܓܘܿ ܝܲܒܼܫܵܐ ܦܸ̇ܬܠܵܝ ܒܢܲܝ̈ ܝܼܣܪܵܝܹܠ ܗܵܖܝܼ ܝܘܿܪܕܢܵܢ؛ ܘܡܘܼܒܸܫܠܸܗ ܡܵܪܝܵܐ ܐܲܠܵܗܘܿܟܼܘܼܢ ܡܵܝܹ̈ܐ ܕܝܘܿܪܕܢܵܢ ܡ̣ܢ ܩܵܡܲܝܗܝܼ ܗܸܠ ܕܦܸ̇ܬܠܵܝ؛ ܕܹܝܟܼ ܕܸܥܒܸܖܠܸܗ ܡܵܪܝܵܐ ܐܲܠܵܗܘܿܟܼܘܼܢ ܒܝܵܡܵܐ ܕܣܘܿܦ ܕܟܸܡ ܡܵܒܸܫܠܸܗ ܡ̣ܢ ܩܵܡܲܢ ܗܸܠ ܕܦܸ̇ܬܠܲܢ. ܬܲܕܝܵܖܥܝܼܢ ܟܠܲܝ ܥܲܡܡܹ̈ܐ ܕܐܲܪܥܵܐ؛ ܕܐܝܼܖܵܐ ܕܡܵܪܝܵܐ ܐܲܠܵܗܵܐ ܚ̇ܲܝܠܵܢܝܼܬܼܵـܐ ܝܠܵܗ̇؛ ܘܙܵܕܥܘܼܬܘܼܢ ܡ̣ܢ ܡܵܪܝܵܐ ܐܲܠܵܗܘܿܟܘܼܢ ܟܠܲܝ ܝܘܼ̈ܡܵܬܼܵـܐ܀

 

ܕܚܕܒܫܒܐ ܕܬܪܝܢ ܕܨܘܡܐ ܪܒܐ

ܦܵܘܠܘܿܣ ܫܠܝܼܚܵܐ ܐܸܓܲܪܬܵܐ ܕܲܠܘܵܬܼ ܪ̈ܗ̄ܘܿܡܵܝܹܐ ܐܲܚܲܝ̈ ܒܲܪܸܟܼܡܵܪܝ

(Romans 6:1-14)

ܒܵܕܲܡ ܡܵܐ ܐܵܡܪܘܼܟܼ؟ ܦܵܝܫܘܼܟ ܒܓܵܘܵܗ̇ ܒܸܚܛܝܼܬܼܵـܐ ܬܲܕܢܲܥܡܸܐ ܙܵܝܕܵܐ؟ ܚܵܣܠܸܗ. ܒܲܝܕ ܐܲܚ̇ܢܝܼ ܗܵܢܲܝ ܕܡܸܬܼܠܲܢ ܠܸܚܛܝܼܬܼܵـܐ. ܕܹܝܟ ܚܵܝܸܟ ܒܓܵܘܵܗ̇ ܓܵܗܵܐ ܚܸܪܬܵܐ. ܝܵܢ ܠܵܐ ܟܝܵܖܥܘܼܬܘܼܢ ܕܐܲܚܢܝܼ ܗܵܢܲܝ ܕܸܥܡܸܖܠܲܢ ܒܝܑܼܫܘܿܥ ܡܫܝܼܚܵܐ. ܒܡܵܘܬܹܗ ܥܡܸܖܠܲܢ. ܡܒܹܝܕ ܦܸܫܠܲܢ ܩܒܼܝܼܪܹ̈ܐ ܥܸܡܹܗ ܒܡܲܥܡܘܿܕܝܼܬܼܵـܐ ܬܵܐ ܡܲܘܬܼܵܐ ܕܸܝܟܼ ܕܩܸܡܠܹܗ ܝܑܼܫܘܿܥ ܡܫܝܼܚܵܐ ܡܒܝܼܢܝܼ ܡܝܼ̈ܬܹـܐ ܒܬܸܫܒܘܿܚܬܵـܐ ܕܒܵܒܹܗ. ܗܵܕܵܟ ܗܲܡ ܐܲܚܢܝܼ ܒܚܵܝܹ̈ܐ ܚܵܬܹ̈ـܐ ܚܵܖ̈ܬܹܐ ܪܲܚܫܘܼܟܼ. ܒܲܝܕ ܐܸܢ ܒܸܚܖܵܕܹ̈ܐ ܦܸܫܠܲܢ ܢܨܝܼܒܹ̈ܐ ܐܸܡܹܗ ܒܕܘܼܡܝܵܐ ܕܡܲܘܬܹܗ، ܗܵܕܵܟ ܗܲܡ ܒܩܝܵܡܬܹܗ ܒܸܕ ܗܵܘܸܟܼ.

ܟܝܵܖܥܘܼܟܼ ܕܒܲܪܢܵܫܵܐ ܕܝܼܠܵܢ ܥܵܬܝܼܩܵܐ ܦܸܫܠܹܗ ܨܠܝܼܒܼܵܐ ܥܸܡܹܗ ܬܲܕܒܵܛܹܠ ܦܲܓܼܪܵܐ ܕܸܚܛܝܼܬܼܵـܐ. ܕܓܵܗܵܐ ܚܸܪܬܵܐ ܠܵܐ ܟܼܵܕܡܘܼܟܼ ܠܸܚܛܝܼܬܵـܐ. ܡܒܹܝܕ ܗܵܘ ܕܡܸܬܼܠܹܗ ܦܸܫܠܹܗ ܚܹܐܪܵܐ ܡ̣ܢ ܚܛܝܼܬܼܵـܐ. ܒܵܕܲܡ ܐܸܢ ܡܸܬܼܠܲܢ ܥܸܡܸܕ ܡܫܝܼܚܵܐ ܡܗܲܝܡܢܘܼܟܼ ܕܥܸܡܸܕ ܡܫܝܼܚܵܐ ܒܸܕ ܚܵܝܝܼܟ. ܟܝܵܖܥܘܼܟܼ ܕܸܡܫܝܼܚܵܐ ܩܸܡܠܹܗ ܡܒܝܼܢܝܼ ܡܝܼ̈ܬܹـܐ ܘܓܵܗܵܐ ܚܸܪܬܵܐ ܠܵܐ ܟܡܵܝܸܬܼ، ܘܡܵܘܬܼܵܐ ܠܵܐ ܟܚܵܟܸܡ ܒܓܵܘܹܗ. ܒܓܵܘ ܗܵܝܵ ܕܡܸܬܼܠܹܗ، ܠܸܚܛܝܼܬܼܵـܐ ܡܸܬܼܠܹܗ ܚܖܵܐ ܓܵܗܵܐ. ܒܗܵܝܵ ܕܒܹܚܝܹܐܝܼܠܹܗ. ܒܹܚܵܝܹܐܝܼܠܹܗ ܬܵܐ ܐܲܠܵܗܵܐ.

 ܗܵܕܵܟܼ ܗܲܡ ܐܲܟܼܬܘܼܢ. ܚܫܘܼܒܼܘܼ ܓܝܵܢܘܿܟܼܘܼܢ ܕܡܝܼ̈ܬܹـܐ ܗ̄ܘܘܿܬܘܼܢ ܠܸܚܛܝܼܬܼܵـܐ. ܘܒܹܚܵܝܹ̈ܐ ܗ̄ܘܘܿܬܘܼܢ ܬܵܐ ܐܲܠܵܗܵܐ ܒܡܵܪܢ ܝܑܼܫܘܿܥ ܡܫܝܼܚܵܐ. ܒܵܕܲܡ ܠܵܐ ܚܵܟܡܵܐ ܚܛܝܼܬܼܵـܐ ܒܦܲܓܼܪܵܐ ܕܝܼܠܘܿܟܼܘܼܢ ܡܝܼܬܼܵـܐ، ܕܸܝܟ ܕܛܵܝܥܘܼܬܘܼܢ ܠܫܵܗܘܸ̈ܬܝܵܬܹܗ. ܘܗܲܡ ܠܵܐ ܡܲܚܸܛٕܪܘܼܬܘܼܢ ܗܲܕܵܡܹ̈ܐ ܕܝܼܠܘܿܟܼܘܼܢ ܓٕܲܟܵܐ ܕܥܲܘܠܵܐ ܬܵܐ ܚܛܝܼܬܼܵـܐ. ܐܸܠܵܐ ܡܲܚܛܪܘܼ ܓܝܵܢܘܿܟܼܘܼܢ ܬܵܐ ܐܲܠܵܗܵܐ. ܟܸܕܲܝܓܸܕ ܐ̄ܢܵܫܹ̈ܐ ܕܡ̣ܢ ܡܝܼ̈ܬܹـܐ ܚܗܹܐܠܘܿܟܼܘܼܢ، ܘܗܲܕܵܡܹ̈ܐ ܕܝܼܠܘܿܟܼܘܼܢ ܓٕܲܟܵܐ ܗܵܘܵܝ܀ ܬܵܐ ܟܹܐܢܘܼܬܼܵܐ ܕܐܲܠܵܗܵܐ. ܘܸܚܛܝܼܬܼܵـܐ ܠܵܐ ܚܵܟܡܵܐ ܐܸܠܘܿܟܼܘܼܢ. ܡܒܹܝܕ ܕ̄ܠܵܐ ܗ̄ܘܘܿܬܘܼܢ ܚܘܼܬܼ ܢܵܡܘܿܣܵܐ ܐܸܠܵܐ ܚܘܿܬܸܕ ܢܲܥܡܸܐ.