ܬܹܒܼܘ ܘܲܫܠܵܘ ܬܸܢܝܵܢ ܢܵܡܘܿܣܵܐ، ܣܸܦܪ̈ܵܐ ܕܚܲܡܫܵܐ ܕܐܘܪܲܝܬܵـܐ ܒܲܪܸܟܼܡܵܪܝ

(Deuteronomy 14:2-15:4)

    ܘܐܡܹܪܠܸܗ ܡܘܼܫܹܐ ܬܵܐ ܟܠܹܗ ܝܼܣܪܵܝܹܠ؛ ܗܲܒܼܠܘܼ ܡ̣ܢ ܥܸܣܪܵܐ ܚܲܕ̄ ܕܕܲܟܼܠܘܼܟܼ، ܘܚ̇ܲܡܪܘܼܟܼ، ܘܡܸܫܚܘܼܟܼ، ܘܒܘܼܟܼܪܹ̈ܐ ܕܬܘܿܪ̈ܘܼܟܼ ܘܥܸܪ̈ܒܼܘܼܟܼ. ܕܝܵܠܦܸܬ ܠܹܙܕܵܥܵܐ ܡ̣ܢ ܡܵܪܝܵܐ ܐܲܠܵܗܘܼܟܼ ܟܠܲܝ ܝܘܼ̈ܡܵܬܼܵܐ. ܘܝܵܬܘܼܡܵܐ ܘܐܲܪܡܸܠܬܼܵܐ ܕܐܝܼܬܼ ܒܡܵܬܼ̈ܘܵܬܼܘܿܟܼܘܼܢ ܫܘܼܕ ܐܵܟܼܠܝܼܢ̄ ܘܣܵܒܼܥܝܼܢ̄، ܬܲܕ ܡܫܵܪܸܟܠܘܼܟܼ ܡܵܪܝܵܐ ܒܟܠܲܝ ܥܒܼܵܖܹܐ ܕܐܝܼܕܵܬܼܘܼ̈ܟܼ ܕܥܵܒܼܖܸܬ.

    ܘܒܵܬܸܪ ܐܸܫܒܼܵܥ ܫܸܢܹ̈ܐ ܥܒܼܘܿܖ ܫܘܼܒܼܩܵܢܵܐ. ܘܗܵܖܝܼܠܹܗ ܚܲܩ ܕܫܘܼܒܼܩܵܢܵܐ؛ ܟܠ ܡܵܪܕܹܝܢܵܐ ܫܘܼܕ ܫܵܒܸܩ ܬܵܐ ܚ̇ܲܒܼܪܸܗ ܕܹܝܢܵܐ ܕܝܼܠܹܗ. ܠܵܐ ܛܵܠܸܒ ܡ̣ܢ ܚ̇ܲܒܼܪܹܗ ܘܠܵܐ ܡ̣ܢ ܐܲܚ̇ܘܿܢܹܗ، ܒܲܝܕ ܦܸܫܠܸܗ ܩܸܪܝܵܐ ܫܘܼܒܼܩܵܢܵܐ ܬܵܐ ܡܵܪܝܵܐ. ܘܡ̣ܢ ܢܘܼܟܼܪܵܝܵܐ ܛܠܘܿܒ. ܘܡܸܢܕܝܼ ܕܐܝܼܬܠ̄ܘܼܟܼ ܠܓܹܝܒܸܕ ܐܵܚܘܿܢܘܼܟܼ ܫܒܼܘܿܩ، ܬܲܕ ܠܵܐ ܗܵܘܸܐ ܒܲܝܢܵܬܼܘܿܟܼܘܼܢ ܡܸܣܟܹܢܵܐ، ܡܒܲܝܕ ܡܒܲܪܘܿܟܹܐ ܒܸܕ ܡܒܵܪܸܟܼܠܘܼܟܼ ܡܵܪܝܵܐ ܐܲܠܵܗܘܼܟܼ ܒܐܲܪܥܵܐ ܕܝܵܗܒܸܠܘܼܟܼ ܡܵܪܝܵܐ ܐܲܠܵܗܘܼܟܼ ܬܲܕ ܝܵܪܬܸܬܠܵܗ܀

ܚܒܪܗ

ܫܠܵܘ ܢܒܼܝܼܘܼܬܹܗ ܕܐܹܫܲܥܝܵܐ ܒܲܪܸܟܼܡܵܪܝ

(Isaiah 42:5-9, 14-17)

    ܗܵܖܐܲܝܟ ܟܐܵܡܸܪ ܡܵܪܝܵܐ ܐܲܠܵܗܵܐ؛ ܫܬܸܩܠܝܼ، ܘܡ̣ܢ ܐܵܒܲܕ ܦܸܫܠܝܼ ܫܬܝܼܩܵܐ. ܕܲܗܵܐ ܒܸܕ ܡܥܵܝܛܸܢ ܡܐܲܝܟܼ ܗܵܝܵ ܕܟܗܵܘܝܵܐ ܒܡܲܗܘܘܼܝܹܐ. ܒܸܕ ܚܵܪܒܸܢ ܛܘܼܪ̈ܵܢܹܐ ܘܪ̈ܘܿܡܝܵܬܼܵܐ، ܘܟܠ ܝܸܪ̈ܩܲܝܗܝ ܒܸܕ ܡܲܒܝܼܫܸܢܠܲܝ. ܘܒܸܕ ܥܵܒܼܖܸܢܠܲܝ ܪ̈ܲܥܘܿܠܹܐ، ܘܝܲܡܵܬܼܵܐ. ܘܢܸܗܪ̈ܵܘܵܬܼܵܐ ܒܸܕ ܡܲܒܫܸܢܠܲܝ. ܘܒܸܕ ܡܵܪܸܚ̇ܫܸܢ ܣܸܡܝܹ̈ܐ ܒܐܘܼܪܚ̇ܵܐ ܕܠܵܐ ܟܝܵܖܥܝܼܢ̄. ܘܒܓܘܿ ܫܘܿܦܵܦܹ̈ܐ ܕܠܵܐ ܟܝܵܖܥܝܼܢ̄ܗ̄ܘܵܐ. ܒܸܕ ܡܲܪܸܚ̇ܫܸܢܠܲܝ، ܘܚܸܫܟܵܐ ܒܸܕ ܥܵܒܼܕܸܢ ܩܵܖ̄ܡܲܝܗܝ ܒܸܗܪܵܐ، ܘܕܘܼܟܬܼܵܐ ܥܲܣܩܵܐ ܒܸܕ ܡܥܲܕܠܸܢ. ܗܵܢܹܝܢ̄ ܫ̈ܘܼܓ̄ܠܹܐ ܥܒܸܖܠܝܼ ܥܸܡܲܝܗܝ، ܘܠܵܐ ܟܸܡܫܵܒܼܩܸܢܠܲܝ. ܒܸܕ ܕܵܥܪܝܼܢ̄ ܠܒܲܪ  ܒܲܬܼܪܲܝܗܝ، ܘܢܟܼܵܦܵܐ ܒܸܖ ܢܵܟܼܦܝܼܢ̄ ܗܵܢܹܝܢ̄ ܕܐܝܼܠܵܝ ܬܟܝܼܠܸܐ ܠܨܲܢܵܡܹܐ. ܘܟܐܵܡܪܝܼܢ̄ ܬܵܐ ܣܦܝܼܩܹܐ ܕܓܲܘܹܝܬܼܵܐ؛ ܕܐܲܟܼܬܘܼܢ ܐܝܼܘܘܿܬܘܼܢ ܐܲܠܵܗܹ̈ܐ ܕܝܼܠܲܢ܀

ܕܢܝܕܒܫܒܐ ܕܫܒܥܐ ܕܕܢܚـܐ

ܦܵܘܠܘܿܣ ܫܠܝܼܚܵܐ ܐܸܓܲܪܬܵܐ ܕܲܠܘܵܬܼ ܛܝܼܡܵܬܹܐܘܿܣ ܐܲܚܲܝ̈ ܒܲܪܸܟܼܡܵܪܝ

 (1 Timothy 6 : 9-21)

 

    ܗܵܢܹܝܢ̄ ܕܐܵܓܸٕܠܵܝ ܠܸܥܬܵܪܵܐ ܟܢܵܦܠܝܼܢ̄ ܒܓٕܘܼܪ̈ܒܹܐ ܘܒܓܵܘ ܧܲܚܹܐ ܘܒܫܲܗ̈ܘܸܬܝܵܬܼܵܐ ܟܲܒܝܼܪܹ̈ܐ ܣܲܟܼ̈ܠܹܐ ܘܡܲܚ̇ܪ̈ܒܼܵܢܹܐ ܘܡܲܓܼܪ̈ܩܵܢܹܐ ܕܸܒܿܢܲܝ̈ܢܵܫܵܐ ܒܓܵܘ ܚ̇ܒܲܠܬܵܐ ܘܣܵܟܲܪܬܵܐ. ܡܒܲܝܕ ܩܘܼܪܡܵܐ ܕܟܘܼܠܲܝ ܒܝܼ̈ܫܵܬܼܵܐ ܚܘܼܒܵܐ̄ܝܠܹܗ ܕܙܘܼܙܵܐ. ܘܐܝܼܬܼ ܐ̄ܢܵܫܹ̈ܐ ܕܟܸܡܫܵܗܵܝܢ̄ܠܹܗ ܘܡ̣ܢ ܗܲܝܡܵܢܘܼܬܼܵܐ ܛܥܹܐܠܵܝ. ܘܓܝܵܢܲܝܗܝ ܡܘܼܥܒܹܪܠܵܝ ܠܣܵܦ̇ܝܼ̈ܠܘܵܬܼܵܐ ܟܲܒܝܼܪܹ̈ܐ. ܐܵܝܸܬ ܝܵܐ ܒܲܪܢܵܫܵܐ ܕܐܲܠܵܗܵܐ ܡ̣ܢ ܗܵܢܹܝܢ ܥܪܘܿܩ، ܘܡܩܲܠܩܸܠ ܒܵܬܸܪ ܙܲܕܝܼܩܘܼܬܼܵܐ، ܘܒܵܬܸܪ ܟܹܐܢܘܼܬܼܵܐ، ܘܒܵܬܸܪ ܗܲܝܡܵܘܼܬܼܵܐ، ܘܒܵܬܸܪ ܚܘܼܒܵܐ، ܘܒܵܬܸܪ ܡܣܲܝܒܪܵܢܘܼܬܼܵܐ، ܘܒܵܬܸܪ ܡܲܟܝܼܟܼܘܼܬܼܵܐ.

    ܡܩܵܬܸܠ ܒܫܲܪܸܐ ܛܵܒܼܬܵܐ ܕܗܲܝܡܵܢܘܼܬܼܵܐ، ܘܸܛܦܝܼ ܚ̇ܝܹ̈ܐ ܕܸܠܥܵܠܲܡ، ܕܛܵܠܲܝܗܝ ܦܸܫܠܘܼܟ ܩܸܪܝܵܐ، ܘܡܘܼܕܹܐܠܘܼܟ ܡܲܘܿܕܝܵܢܘܼܬܼܵܐ ܛܵܒܼܬܵܐ ܩܵܖ̄ܡܸܕ ܣܵܗ̈ܕܹܐ ܟܲܒܝܼܪܹ̈ܐ.

    ܬܵܐ ܥܲܬܝܼܪܹ̈ܐ ܕܗܵܖܝܼ ܥܵܠܡܵܐ ܟܦܵܩܸܖ، ܕܠܵܐ ܥܵܠܵܝܢ̄ ܒܥܵܩܸܠ ܕܝܼܠܲܝܗܝ ܘܠܵܐ ܬܵܟܠܝܼܢ̄ ܥܸܠܸܕ ܡܵܐܠ ܕܠܲܝܬܼ ܥܸܠܸܗ ܬܘܼܟܠܘܿܢܵܐ، ܐܸܠܵܐ ܥܸܠܸܕ ܐܲܠܵܗܵܐ ܒܹܚܵܝܹܐ، ܗܵܘܵ ܕܸܗܒܸܠܠܸܗ ܛܵܠܲܢ ܟܘܼܠܡܸܢܕܝܼ ܒܥܲܬܝܼܪܘܼܬܼܵܐ ܬܵܐ ܢܝܼܚܘܼܬܲܢ. ܘܥܵܒܼܖܝܼܢ̄ ܥܒܼܵܖܹܐ ܛܵܒܹ̈ܐ، ܘܐܵܬܲܝܢ̄ ܒܸܥܒܼܵܖܹܐ ܪ̈ܲܢܕܹܐ. ܘܗܵܘܵܝܢ̄ ܦܫܝܼ̈ܛܹܐ ܠܸܗܒܼܵܠܵܐ ܘܠܸܡܫܵܪܘܿܟܸܐ، ܘܕܵܪܵܝܢ̄ ܬܵܐ ܓܝܵܢܲܝܗܝ ܐܵܣܵܣ ܛܵܒܼܵܐ ܬܵܐ ܡܸܢܕܝܼ ܕܐܵܬܹܐ ܕܛܵܦܵܝܢ̄ ܚܵܝܹ̈ܐ ܫܵܪܝܼܪܹ̈ܐ܀