ܬܹܒ̣ܘ ܘܲܫܠܵܘ ܣܸܦܪܵܐ ܕܬܸܢܝܵܢܵܐ ܕܢܵܡܘܿܣܵܐ ܒܵܪܸܟܼܡܵܪܝـ

(Deuteronomy 18: 9-22)

 

ܘܐܡܹܪܠܸܗ ܡܵܪܝܵܐ ܬܵܐ ܡܘܼܫܹܐ؛ ܒܸܕ ܡܘܿܩܸܡ ܛܵܠܘܼܟܼ ܡܵܪܝܵܐ ܐܲܠܵܗܘܼܟܼ ܢܒܸܝܵܐ ܡܸܢܘܼܟ ܘܡ̣ܢ ܐܵܚ̇ܲـ̈ـܘܵܬܼܘܼܟ ܡܸܟܼܘܵܬܼܝܼـ. ܗܵܘܹܐ ܕܫܲܡܥܘܼܬܘܼـܢ ܥܸܠܸܗ. ܕܹܐ̄ܝـܟܼ ܕܸܛܠܸܒܠܘܼܟܼ ܡ̣ܢ ܡܵܪܝܵܐ ܐܲܠܵܗܘܼܟܼ ܒܚܘܿܪܝܼܒ ܒܝܲܘܡܵܐ ܕܸܟܢܘܼܫܝܵܐ، ܘܐܡܹܪܹܠ̄ܘܼܟ ܠܹܝܬܼܒܝܼـ ܠܸܫܡܵܥܵܐ ܩܵܠܵܐ ܕܡܵܪܝܵܐ ܐܲܠܵܗܝܼـ؛ ܘܗܲܡ ܠܵܐ ܗܵܖ ܢܘܼܪܵܐ ܪܵܒܵܐ ܐܝܼܬܼܒܝܼ ܕܚ̇ܵܙܹܝܢ ܕܠܵܐ ܡܹܝܬܸـܢ܀ ܘܐܡܹܪܹܠ̄ܗ ܛܵܠܝܼـ ܡܵܪܝܵܐ؛ ܪܲܢܕܹܐܝܠܹܗ ܟܘܼܠܡܸܢܕܝܼـ ܕܡܘܼܚܟܹܠܲܝـ؛ ܢܒܸܝܵܐ ܒܸܕ ܡܲܩܝܼܡܸـܢ ܛܵܠܲܝܗܝܼܢ. ܡ̣ܢ ܐܲܚ̇ܲܘܵܬܲܝܗܝܼـܢ ܡܸܟܼܘܵܬܼܘܼܟ. ܘܒܸܕ ܕܵܪܸـܢ ܡܲܚܟܹܝܬܼܝܼـ ܒܟܘܼܡܹܗ، ܘܒܸܕ ܐܵܡܸܪ ܛܵܠܲܝܗܝܼـܢ ܟܘܼܠܡܸܢܕܝܼ ܕܦܲܩܕܸܢܠܹܗ، ܘܓܲܒܼܪܵܐ ܕܠܵܐ ܫܵܡܹܥ̄ ܠܬܲܢܵܝ̈ܵܬܼܝܼـ ܗܵܢ ܕܡܲܚܟܹܝܠܲܝ ܒܫܸܡܝܼ. ܐܵܢܵܐ ܒܫܲܩܠܸـܢ ܛܘܿܠ ܡܸܢܸܗ܀ ܘܐܸـܢ ܢܒܸܝܵܐ ܡܓٕܵܣܸܪ ܠܡܲܚܟܘܿܝܹـܐ ܬܲܢܹܝܬܼܵـܐ ܒܫܸܡܝܼـ؛ ܕܠܵܐ ܟܸܡ ܦܲܩܕܸܢܠܹܗ ܕܡܲܚܟܹܝܠܵܗ̇، ܘܸܕܡܲܚܟܹܐ ܒܫܸܡܵܐ ܕܐܲܠܵܗܹ̈ܐ ܐ̄ܚܸ̇ܪ̈̄ܢܹܐ. ܫܘܼܕ ܦܵܝܸܫ ܩܛܝܼܠܵܐ ܗܵܘ ܢܒܸܝܵܐ܀ ܘܐܸـܢ ܐܲܡܪܸܬ ܒܠܸܒܘܼܟ ܕܹܐ̄ܝـܟܼ ܒܸܕ ܝܲܖܥܸܢܹܐ ܠܦܸܬܼܓܼܵܡܵܐ ܕܠܵܐܝܼܠܸܐ ܐ̄ܡܝܼܪܹܗ ܡܵܪܝܵܐ. ܐܝܼܡܲܢ ܕܡܲܚܟܹܐ ܢܒܸܝܵܐ ܒܫܸܡܹܗ ܕܡܵܪܝܵܐ؛ ܘܗܵܝـ ܡܲܚܟܹܝܬܹܗ ܠܵܐ ܒܲܪܝܵܐ، ܗܵܘ ܦܸܬܼܓܼܵܡܵܐ ܠܵܐ ܟܸܡܐܵܡܸܪܠܹܗ ܡܵܪܝܵܐ؛ ܘܒܓٕܸܣܘܼܪܘܼܬܼܵܐ ܟܸܡܲܚܟܹܝܠܹܗ ܢܒܸܝܵܐ، ܘܠܵܐ ܙܵܕܥܘܼܬܘܼܢ ܡܸܢܸܗ܀  

 

 

 

 

 

ܚܒܪܗ

ܫܠܵܘ ܢܒܸܝܘܲܬܹܗ ܕܐܹܫܲܥܝܵܐ ܒܲܪܸܟܼܡܵܪܝـ

(Isaiah 48: 12-20)

ܗܵܕܲܟܼ ܟܐܵܡܸܪ ܡܵܪܝܵܐ؛ ܫܡܘܼܥܘܼܠܝܼ ܝܵܐ ܝܲܥܩܘܿܒ ܘܝܼܣܪܵܝܹܠ ܕܸܩܪܹܐܠܝܼ؛ ܐܵܢܵܐܝܘܸـܢ ܩܲܖ̄ܡܵܝܵܐ. ܘܐܵܢܵܐܝܘܸـܢ ܐ̄ܚܲܪܵܝܵܐ؛ ܘܐܝܼܖܝܼـ ܕܪܹܐܠܵܗ̇ ܐܵܣܵܣܹ̈ܐ ܕܐܲܪܥܵܐ؛ ܘܝܲܡܢܝܼ ܦܪܸܣܠܵܗ̇ ܫܡܲܝܵܐ … ܩܪܸܒܼܘܼܢ ܠܓܹܝܒܝܼ ܘܫܡܘܼܥܘܼ ܗܵܖܝܼـ؛ ܕܡ̣ܢ ܫܲܪܹܝܬܼܵـܐ ܠܵܐ ܡܘܼܚܟܹܝܠܝܼ ܒܛܘܼܫܝܵܐ. ܘܡ̣ܢ ܙܲܒܼܢܵܐ ܕܩܲܖ̄ܡܵܝܬܵـܐ ܬܵܡܵܐ ܗ̄ܘܸܢܘܵܐ܀ ܘܕܲܗܵܐ ܡܵܪܝܵܐ ܐܲܠܵܗܵܐ ܘܪܘܼܚܹܗ ܟܸܡ ܫܵܕܹܪܠ̄ܝܼ܀ ܗܵܕܵܟܼ ܟܐܵܡܸܪ ܡܵܪܝܵܐ ܡܟܲܠܨܵܢܘܼܟܼ ܩܲܕܝܼܫܵܐ ܕܝܼܣܪܵܝܹܠ. ܐܵܢܵܐ ܡܵܪܝܵܐ ܐܲܠܵܗܘܼܟܼ ܟܡܲܠܦܸܢܘܼܟܼ ܕܠܵܐ ܥܵܠܸܬ. ܘܒܡܲܚ̇ܘܸܢܠ̄ܘܼܟܼ ܐܘܼܪܚܵܐ ܕܐ̄ܙܵܠܘܼܟܼ ܒܓܵܘܵܗ̇. ܟܼܘܼܙܝܼـ ܫܲܡܥܸܬ ܠܦܘܼܩ̈ܕܵܢܝܼ. ܒܸܕ ܗܵܘܹܐ ܫܠܵܡܘܼܟܼ ܐܲܝܟܼ ܢܹܗܪܵܐ. ܘܙܲܕܝܼܩܘܼܬܼܘܼܟܼ ܐܲܝܟܼ ܡܘܿܓٕܹܐ ܕܝܵܡܵܐ܀

 

ܚܕܒܫܒܐ ܕܚܡܫܐ ܕܕܢܚܐ

ܡ̣ܢ ܐܸܓܲܪܬܼܵܐ ܕܲܠܘܵܬܼ ܥܸܒܼܪ̈ܵܝܹܐ ܐܲܚܲܝ̈ـ ܒܲܪܸܟܼܡܵܪܝـ

(Hebrew 6: 9-7:3)

ܫܘܼܕ ܗܵܘܹܝܠܲـܢ ܣܘܼܠܵܝܵܐ ܪܵܒܵܐ ܐܲܚ̇ܢܲܢ ܕܸܥ̄ܪܹܝܠܲـܢ ܒܹܝܬܼ ܓܵܘܣܵܐ ܒܐܲܠܵܗܵܐ ܘܸܥܪܹܝܠܲـܢ ܒܐܸܡܘܼܕ ܕܝܼܠܹ̄ܗ ܡܘܸܥܕܵܐ ܛܵܠܲܢ. ܗܵܘ ܐܸܡܘܼܕ ܕܝܼܠܹܗ ܛܵܠܲܢ ܐܲܝܟܼ ܡܵܪܸܟܼܫܵܢܵܐ ܕܓܵܡܸܝܵܐ ܕܝܼܠܹܗ ܥܸܪܝܵܐ ܒܸܓܝܵܢܲܢ ܕܠܵܐ ܡܙܲܥܸܙܥܵܐ ܕܟܥܵܒܸܪ ܠܓܵܘܵܝܹܐ ܡ̣ܢ ܣܸܬܪܐ ܕܬܲܪܥܵܐ. ܐܲܝܟܵܐ ܕܸܡܩܘܼܕܸܡܠܹܗ ܥܒܹܪܠܹܗ ܡܒܵܕܵܠܲـܢ ܝܑܼܫܘܿܥ ܘܸܗܘܹܝܠܹܗ ܟܘܼܡܪܵܐ ܠܥܵܠܲܡ ܒܕܘܼܡܝܵܐ ܕܡܲܠܟܝܼܙܕܸܩ؛ ܗܵܖ ܡܲܠܟܝܼܙܕܸܩ ܡܲܠܟܵܐ̄ܝܠܹܗ ܕܫܵܠܝܼܡ ܟܘܼܡܪܵܐ ܕܐܲܠܵܗܵܐ ܥܠܘܿܝܵܐ؛ ܘܐܵܗܘܼ ܢܦܸܩܠܹܗ ܠܩܲܝܡܘܼܬܼܵـܐ ܕܐܲܒܼܪܵܗܵܡ ܟܘܼܕ ܕܥܹܪܹܗ ܡ̣ܢ ܫܲܪܹܐ ܕܡܲܠܟܹ̈ܐ ܘܟܸܡܒܵܪܸܟܼܠܹܗ، ܘܛܵܠܹܗ ܦܪܸܫܠܹܗ ܐܲܒܼܪܵܗܵܡ، ܡ̣ܢ ܐܸܣܪܵܐ ܚ̇ܲܖ، ܡ̣ܢ ܟܠ ܡܸܢܕܝܼـ ܕܐܝܼܬܼܗ̄ܘܵܐ ܥܲܡܹܗ܀ ܟܦܵܝܸܫ ܡܦܘܼܫܩܵܐ ܫܸܡܹܗ ܡܲܠܟܵܐ ܕܟܹܐܢܘܼܬܼܵܐ. ܘܓܵܗܵܐ ܐ̄ܚܸ̇ܪܬܵܐ؛ ܡܲܠܟܵܐ ܕܫܵܠܝܼܡ، ܕܝܼܠܹܗ ܡܲܠܟܵܐ ܕܸܫܠܵܡܵܐ܀ ܕܠܵܐ ܒܵܒܹܗ ܘܠܵܐ ܝܸܡܹܗ ܦܸܫܠܲܝ ܟܬܼܝܼܒܹ̈ܐ ܒܛܵܐܝܼܦܸ̇ܐ؛ ܘܠܵܐ ܐܝܼܬܼ ܫܵܪܹܝܬܼܵـܐ ܕܝܵܘ̈ܡܵܬܹܗ ܘܠܵܐ ܟܼܠܲܨܬܵـܐ ܕܚܲܝܹ̈ـܐ ܕܝܼܠܹܗ. ܐܸܠܵܐ ܒܕܘܼܡܝܵܐ ܕܒܸܪ ܐܲܠܵܗܵܐ ܟܕܹܝܡܵܐ ܟܘܼܡܪܘܼܬܹܗ ܠܥܵܠܲܡ܀