ܬܹܒܼܘ ܘܲܫܠܵܘ ܢܒܼܝܼܘܼܬܹܗ ܕܐܹܫܲܥܝܵܐ ܒܲܪܸܟܼܡܵܪܝ

(Isaiah 51:9-11; 52:7-12)

ܗܵܖܐܲܝܟܼ ܟܐܵܡܸܪ ܡܵܪܝܵܐ؛ ܪܓܼܘܿܫ، ܪܓܼܘܿܫ، ܘܸܠܒܼܘܿܫ ܙܲܟܼܡܘܼܬܼܵܐ ܕܸܕܪ̈ܵܥܹܗ ܕܡܵܪܝܵܐ؛ ܪܓܼܘܿܫ ܟܼܕܹܝܓܸܕ ܝܲܘ̈ܡܵܬܼܵـܐ ܩܲܖ̄ܡܵܝܹ̈ܐ، ܘܡܐܲܝܟܼ ܕܵܪܹ̈ܐ ܕܡܢ ܐܵܒܵܕܝܼܢ. ܐܵܝܲܬܝ ܐܝܼܘܲܬܝ ܕܸܛܒܸܟܼܠܵܟܼ ܛܒܵܟܼܵܐ ܪܵܒܵܐ ܘܩܛܸܠܵܟܼܝ ܠܬܲܢܝܼܢܵܐ؟ ܐܵܝܲܬܝ ܕܡܘܼܒܸܫܠܲܟܼܝ ܠܝܵܡܵܐ، ܘܡܵܝܹܐ ܕܥܘܼܡܩܵܐ ܪܵܒܵܐ ܘܒܓܘܿ ܥܘܼܡܩܵܐ ܕܡܵܝܵܐ ܥܒܸܖܠܵܟܼܝ ܐܘܼܪܚܵܐ ܬܵܐ ܕܪ̈ܵܚܫܝܼܢ ܒܓܵܘܵܗ̇؟ ܘܚܵܠܸܨ ܥܲܡܵܐ ܕܡܵܪܝܵܐ، ܘܕܵܥܪܝܼܢ̄ ܘܥܵܒܼܪܝܼܢ̄ ܠܨܸܗܝܘܿܢ ܒܫܘܼܒܼܚܵܐ؛ ܘܗܸܠ ܐܵܒܲܕ ܦܸܨܚܘܼܬܼܵܐ ܒܸܕ ܗܵܘܝܵܐ ܥܸܠܸܕ ܪܹܫܲܝܗܝܼܢ؛ ܘܒܸܕ ܒܵܣܡܝܼܢ̄ ܘܒܸܕ ܪܵܘܙܝܼܢ̄، ܘܒܸܕ ܪܵܚܩܝܼܢ̄ ܡܸܢܲܝܗܝܼܢ ܚܲܣܪ̈ܵܬܼܵܐ ܘܫܬܲܝ̈ܟ̣ܲܢܝܵܬܼܵـܐ.

ܡܵܐ ܚܸܠܝܹܐܠܲܝ ܪܹܫ ܛܘܼܪ̈ܵܢܹܐ ܐܲܩ̈ܠܵܬܼܵـܐ ܕܸܡܒܲܫܪ̈ܵܢܹܐ ܒܸܫܠܵܡܵܐ، ܘܕܸܡܒܲܫܪ̈ܵܢܹܐ ܒܛܵܒܼܵܬܼ̈ܵـܐ، ܘܕܸܟܡܲܫܡܸܥ ܒܓܘܿ ܚܵܠܵܨ، ܘܟܐܵܡܸܪ ܬܵܐ ܨܗܝܘܿܢ؛ ܕܸܚܟܸܡܠܹܗ ܐܲܠܵܗܵܐ ܕܝܼܠܵܟܼܝ. ܘܢܵܛܘܿܪܹ̈ܐ ܕܝܼܠܵܟܼܝ. ܒܸܕ ܡܲܥܠܵܝ ܩܵܠܵܐ ܘܒܸܚܖܵܖܹ̈ܐ ܒܸܕ ܡܫܲܒܚܝܼܢ̄، ܡܒܹܝܕ ܒܲܪܩܘܼܒܼܠ ܥܲܝܢܵܐ ܒܸܕ ܚܵܙܹܝܢ̄ ܟܘܼܕ ܕܵܥܸܪ ܡܵܪܝܵܐ ܠܨܸܗܝܘܿܢ. ܦܨܘܼܚܘܼ ܘܡܫܲܒܚܘܼ ܒܸܚ̈ܖܵܖܹܐ ܝܵܐ ܚܲܪ̈ܒܘܵܬܼܵܐ ܕܐܘܿܪܸܫܠܹܡ؛ ܡܒܹܝܕ ܕܸܡܣܘܼܠܹܐܠܸܗ ܡܵܪܝܵܐ ܠܥܲܡܵܐ ܕܝܼܠܹܗ، ܘܡܚܘܼܠܸܨܠܸܗ ܠܐܘܿܪܸܫܠܸܡ. ܓܠܹܐܠܹܗ ܡܵܪܝܵܐ ܕܪܵܥܸܗ ܩܲܕܝܼܫܵܐ ܩܖ̄ܡ ܥܲܝ̈ܢܹܐ ܕܟܠܲܝܗܝܼܢ̄ ܥܲܡܡܹ̈ܐ؛ ܘܚܙܹܐܠܵܝ ܟܠܲܝܗܝܼܢ̄ ܥܲܡܵܪܹ̈ܐ ܕܐܲܪܥܵܐ ܚܵܠܵܨ ܕܐܲܠܵܗܲܢ.

ܪܚܘܼܫܘܼ، ܪܚܘܼܫܘܼ ܢܸܦܩܘܼ ܡܢ ܬܵܡܵܐ، ܘܠܗܵܢ ܕܐܝܼܠܲܝ ܡܛܘܿܡܝܹ̈ܐ ܠܵܐ ܩܲܪܒܼܘܼܬܘܼܢ، ܢܸܦܩܘܼ ܡܸܢܵܗ̇، ܡܨܵܦܘܿ ܓܝܵܢܘܿܟܼܘܼܢ ܝܵܐ ܛܵܥܵܢܹ̈ܐ ܐܵܡܵܐܢܵܐ ܕܡܵܪܝܵܐ. ܡܒܹܝܕ ܕܠܵܐ ܒܩܲܠܝܼܠܘܼܬܼܵܐ ܢܵܦܩܘܼܬܘܼܢ، ܘܗܲܡ ܠܵܐ ܒܸܥܪܵܩܵܐ ܐ̄ܙܵܠܘܿܟܼܘܼܢ، ܒܹܝܕ ܕܡܵܪܝܵܐ ܒܸܕ ܐ̄ܙܵܠܸܐ ܩܵܡܘܿܟܼܘܼܢ، ܘܡܓٕܵܡܸܥܠܘܿܟܼܘܼܢ ܐܲܠܵܗܹܗ ܕܝܼܣܪܵܝܹܠ܀

 

ܚܒܪܗ

ܫܠܵܘ ܦܪܲܟܣܝܼܣ ܕܲܫܠܝܼܚܹ̈ܐ ܒܲܪܸܟܼܡܵܪܝ

(Acts 10:1-16)

ܐܝܼܬܼܗ̄ܘܵܐ ܚܵܖ̄ ܓܲܒܼܪܵܐ ܒܩܹܣܲܪܝܵܐ ܪܹܫܵܐ ܕܐܸܡܵܐ ܕܗ̄ܘܹܐܗ̄ܘܵܐ ܫܸܡܸܗ ܩܘܼܪܢܹܠܝܼܘܿܣ ܡܢ ܓٕܵܡܵܥܵܐ ܕܸܟܦܹܝܫܵܐ ܩܪܝܼܬܼܵـܐ ܐܝܼܛܵܠܝܼܩܸ̈ܐ، ܘܙܲܕܝܼܩܵܐ ܗ̄ܘܹܐܗ̄ܘܵܐ ܘܙܵܕܸܥ ܗ̄ܘܵܐ ܡܢ ܐܲܠܵܗܵܐ، ܐܵܗܘܼ ܘܟܠܸܗ ܒܲܝܬܸܗ، ܘܟܥܵܒܸܖ ܗ̄ܘܵܐ ܣܵܕܵܩ̈ܵܐܬ ܟܲܒܝܼܪܵܐ ܒܥܲܡܵܐ، ܘܒܟܠ ܥܸܕܵܢܵܐ ܟܛܵܠܸܒ ܗ̄ܘܵܐ ܡܢ ܐܲܠܵܗܵܐ. ܗܵܖܝܼ ܚܙܹܐܠܸܗ ܠܡܲܠܲܐܟܼܵܐ ܕܐܲܠܵܗܵܐ ܒܚܸܙܘܵܐ ܐܲܫܟܵܪܵܐ ܫܹܥܬܼܵـܐ ܬܸܫܲܥ ܒܝܲܘܡܵܐ ܕܸܥܒܸܪܠܲܝ ܠܓܹܝܒܸܗ ܘܐܡܹܪܹܠܗ̄ ܛܵܠܸܗ؛ ܩܘܿܪܢܸܠܝܼܵܐ. ܘܐܵܗܘܼ ܚܹܪܠܗ ܒܓܵܘܸܗ ܘܙܕܸܥܠܸܗ، ܘܐܡܹܪܹܠܗ̄؛ ܡܲܗܵܐ ܝܵܐ ܣܬܵܖܝܼ؟ ܘܐܡܹܪܹܠܗ̄ ܛܵܠܸܗ ܡܲܠܲܐܟܼܵܐ؛ ܨܠܵܘ̈ܵܬܼܘܼܟܼ ܘܣܵܕܵܩܵܬ ܕܝܼܠܘܼܟܼ ܣܸܩܠܵܝ ܠܸܖܟܼܵܪܵܐ ܩܲܖ̄ܡ ܐܲܠܵܗܵܐ. ܘܕܲܗܵܐ ܡܫܵܕܸܪ ܓܲܒܼܪܹ̈ܐ ܠܝܘܿܦܸܐ ܡܖܝܼܢ̄ܬܵـܐ ܘܸܩܪܝܼ ܠܫܸܡܥܘܿܢ ܕܸܟܦܵܝܸܫ ܩܸܪܝܵܐ ܟܹܐܦܵܐ؛ ܗܘܿܠܸܗ ܢܚܝܼܬܼܵـܐ ܒܒܲܝܬܼܵـܐ ܕܫܸܡܥܘܿܢ ܕܲܒܵܓܼܵܐ ܗܘ ܕܐܝܼܠܸܗ ܠܣܸܦܬܼܵـܐ ܕܝܵܡܵܐ. ܘܟܘܼܕ ܐ̄ܙܸܠܸܗ ܡܲܠܲܐܟܼܵܐ ܕܡܘܼܚܟܹܐܠܸܗ ܥܸܡܹܗ، ܩܪܹܐܠܸܗ ܬܪܹܝܢ̄ ܡܢ ܐܝ̈ܵܠܹܕ̄ܐ ܕܒܲܝܬܸܗ ܘܚܲܖ̄ ܥܲܣܟܲܪ ܙܵܕܵܥܵܐ ܡܢ ܐܲܠܵܗܵܐ ܗܘ ܕܸܟܸܡ ܚܵܒܼܸܪܗ̄ܘܐܠܗ، ܘܡܘܼܚܟܹܐܠܹܗ ܛܵܠܲܝܗܝܼܢ̄ ܟܠ ܡܸܢܕܝܼ ܕܸܚܙܹܐܠܹܗ ܘܟܸܡ ܫܵܕܸܪܠܵܝ ܠܝܘܿܦܸܐ.

ܘܝܲܘܡܵܐ ܕܒܲܬܼܪܸܗ ܟܘܼܕ ܐܲܢܗܝܼـ ܒܸܪܚܵܫܵܐ ܒܐܘܼܪܚܵܐ ܘܩܲܪ̈ܝܼܒܹܐ ܠܸܡܖܝܼܢ̄ܬܵـܐ، ܣܸܩܠܸܗ ܫܸܡܥܘܿܢ ܠܐ̄ܓܵܪܸܐ ܕܸܡܨܵܠܸܐ ܫܹܥܬܼܵـܐ ܒܐܸܫܸܬ. ܘܟܦܸܢܠܗ ܘܒܥܹܐܠܸܗ ܕܐܵܟܸܠ، ܘܟܘܼܕ ܐܲܢܗܝܼ ܒܡܲܚܨܘܿܪܹܐ ܛܵܠܸܗ، ܦܸܫܠܸܗ ܚܛܝܼܦ̮ܵܐ ܘܚܙܹܐܠܹܗ ܫܡܲܝ̈ܵܬܼܵـܐ ܕܐܝܼܠܲܝ ܦܬܼܝܼ̈ܚܹܐ، ܘܚܲܕ̄ ܐܵܡܵܢܵܐ ܐܝܼܣܝܼܪܵܐ ܒܐܲܪܒܹܥ ܩܘܿܪ̈ܢܝܼܵܬܼܵـܐ ܘܟܕܵܡܹܗ̄ܘܵܐ ܠܟܸܬܵܢܵܐ ܪܵܒܵܐ ܡܫܘܼܪܸܫܝܵܐ ܡܢ ܫܡܲܝܵܐ ܥܸܠܸܕ ܐܲܪܥܵܐ. ܘܐܝܼܬܼܗ̄ܘܵܐ ܒܓܵܘܸܗ ܟܠܲܝ ܚܲܝ̈ܘܵܢܹܐ ܡܲܪ ܐܲܪܒܹܥ ܐܲܩ̈ܠܵܬܼܵـܐ، ܘܪܸ̈ܚܫܹܐ ܕܐܲܪܥܵܐ ܘܦܵܪܲܚܬܼܵـܐ ܕܸܫܡܲܝܵܐ. ܘܩܵܠܵܐ ܐ̄ܬܹܝܠܸܗ ܠܟܐܵܡܸܪ؛ ܫܸܡܥܘܿܢ ܩܘܼܡ̄ ܢܚܘܿܪ ܘܐܝܼܟܼܘܼܠ. ܘܫܸܡܥܘܿܢ ܐܡܹܪܹܠܗ̄؛ ܚܵܣܠܝܼ ܣܬܵܖܝܼ، ܕܩܲܛ ܠܵܐܝܘܸܢ ܐ̄ܟܼܝܼܠܵܐ ܟܠ ܡܸܢܕܝܼ ܕܐܝܼܠܹܗ ܡܫܘܼܚܸܬܢܵܐ ܝܵܐܸܢ ܡܟٕܘܼܦܠܵܐ. ܘܓܵܗܵܐ ܕܬܸܪ̄ܬܲܝܢ ܐ̄ܬܸܠܹܗܠܸܗ ܩܵܠܵܐ؛ ܗܵܢܲܝ ܕܐܲܠܵܗܵܐ ܡܘܼܢܖܸܦ̇ܠܸܗ ܐܵܝܸܬ ܠܵܐ ܡܛܲܡܐܸܬ. ܗܵܖܝܼ ܗܘܹܐܠܵܗ̇ ܬܸܠܲܬܼ ܓܵܗ̈ܬܼܵܐ، ܘܸܥܠܹܐܠܸܗ ܐܵܡܵܢܵܐ ܠܸܫܡܲܝܵܐ܀

 

ܚܕܒܫܒܐ ܕܫܬܐ ܕܩܝܡܬܐ

ܦܵܘܠܘܿܣ ܫܠܝܼܚܵܐ ܐܸܓܲܪܬܵܐ ܕܲܠܘܵܬܼ ܐܵܦܸܣܵܝܹ̈ܐ ܐܲܚܲܝ̈ ܒܲܪܸܟܼܡܵܪܝ

(Ephesians 2:4-end)

ܐܲܠܵܗܵܐ ܕܐܝܼܠܹܗ ܥܲܬܝܼܪܵܐ ܒܪ̈ܲܚܡܹܐ ܕܝܼܠܹܗ ܛܠܒܸܕ ܚܘܼܒܹܗ ܟܲܒܝܼܪܵܐ ܕܟܸܡܒܵܥܹܐܠܲܢ ܟܘܼܕ ܡܝܼ̈ܬܹـܐ ܗ̄ܘܹܚܗ̄ܘܵܐ ܒܸܚܛܵܗܹ̈ܐ ܕܝܼܠܵܢ، ܟܸܡ ܡܲܚܗܹܐܠܲܢ ܥܸܡܸܕ ܡܫܝܼܚܵܐ، ܒܢܲܥܡܸܐ ܕܝܼܠܹܗ ܟܸܡܚܵܠܸܨܠܲܢ ܘܟܸܡܡܘܿܩܸܡܠܲܢ ܥܸܡܹܗ، ܘܟܸܡ ܡܲܘܬܘܼܒܼܠܲܢ ܥܸܡܹܗ ܒܸܫܡܲܝܵܐ ܒܝܑܼܫܘܿܥ ܡܫܝܼܚܵܐ، ܕܡܲܚܘܸܐ ܬܵܐ ܥܵܠܡܹ̈ܐ ܕܐܵܬܼܵܝܢ ܪܲܒܘܼܬܼܵܐ ܕܥܸܬܪܘܼܬܼܵܐ ܕܢܲܥܡܸܐ ܕܝܼܠܹܗ ܘܒܲܣܝܼܡܘܼܬܹܗ ܕܸܗܘܹܐܠܵܗ̇ ܥܸܠܲܢ ܒܝܑܼܫܘܿܥ ܡܫܝܼܚܵܐ. ܒܲܝܕ ܒܢܲܥܡܹܐ ܕܝܼܠܹܗ ܟܼܠܸܨܠܲܢ ܒܗܲܝܡܵܢܘܼܬܼܵܐ؛ ܘܗܵܖܝܼ ܠܵܐ ܗܘܹܐܠܵܗ̇ ܡܸܢܘܿܟܼܘܼܢ، ܐܸܠܵܐ ܚܠܝܹܬܵـܐ ܬܵܝܠܵܗ̇ ܕܐܲܠܵܗܵܐ؛ ܠܵܐ ܡܢ ܥܒܼܵܕܹ̈ܐ، ܕܠܵܐ ܐ̄ܢܵܫܵܐ ܫܵܩܹܠ ܫܘܼܒܼܗܵܪܵܐ. ܒܪܝܼܬܼܵـܐ ܐܝܼܘܘܼܟ ܕܝܼܠܹܗ ܕܦܸܫܠܲܢ ܒܸܪ̈ܝܹܐ ܒܝܑܼܫܘܿܥ ܡܫܝܼܚܵܐ ܬܵܐ ܥܒܼܵܕܹ̈ܐ ܛܵܒܹ̈ܐ، ܗܵܢܲܝ ܕܡܢ ܩܵܖܡܵܝܬܼܵـܐ ܡܘܼܚܖܸܪܠܗ ܐܲܠܵܗܵܐ ܕܸܒܓܵܘܲܝܗܝܼܢ ܪܵܚܫܘܼܟܼ ܡܒܹܝܕ ܗܵܕܼܝܼ ܗܵܘܸܐ ܕܕܵܟܼܪܘܼܬܿܘܼܢ ܐܲܚܬܿܘܼܢ.

ܥܲܡܡܹ̈ܐ ܡܩܵܡܵܝܬܼܵـܐ ܒܦܲܓܼܪܵܐ ܗ̄ܘܘܿܬܘܼܢ ܗ̄ܘܵܐ ܘܦܵܝܫܘܼܬܘܼܢ ܗ̄ܘܵܐ ܩܸܪ̈ܝܹܐ ܥܘܼܪܠܘܼܬܼܵܐ ܡܢ ܗܝـ ܕܸܟܦܵܝܫܵܐ ܩܪܝܼܬܼܵـܐ ܛܵܗܲܪܬܵܐ، ܘܐܵܗܝܼـ ܥܒܼܵܖܵܐ ܕܐܝܼܕܵܬܼܵܝ̈ܠܵܗ̇ ܒܦܲܓܼܪܵܐ. ܒܗܘܿ ܙܲܒܼܢܵܐ ܕܠܵܐ ܡܫܝܼܚܵܐ ܗ̄ܘܘܿܬܘܼܢ ܗ̄ܘܵܐ، ܘܢܘܼܟܼܪ̈ܵܝܹܐ ܗ̄ܘܘܿܬܘܼܢ ܗ̄ܘܵܐ ܡܢ ܕܲܒܲܪܬܵـܐ ܕܝܼܣܪܵܝܹܠ. ܘܢܘܼܟܼܪ̈ܵܝܹܐ ܠܘܲܨܝܹܐ ܕܡܘܼܠܟܵܢܵܐ، ܘܸܕܠܵܐ ܐܵܡܘܼܕ ܗ̄ܘܘܿܬܘܼܢ ܗ̄ܘܵܐ، ܘܸܕܠܵܐ ܐܲܠܵܗܵܐ ܒܥܵܠܡܵܐ. ܘܕܵܗܵܐ ܒܝܑܼܫܘܿܥ ܡܫܝܼܚܵܐ ܐܲܚܬܘܼܢ ܕܡܢ ܩܲܖ̄ܡܹܝܬܼܵـܐ ܪ̈ܵܚܘܼܩܹܐ ܗ̄ܘܘܿܬܘܼܢ ܗ̄ܘܵܐ، ܩܲܪ̈ܝܼܒܹܐ ܗܘܹܝܠܘܿܟܼܘܼܢ ܒܕܸܡܵܐ ܕܸܡܫܝܼܚܵܐ. ܐܵܗܘܼܠܹܗ ܫܲܝܢܲܢ، ܐܵܗܘܼ ܕܸܥܒܸܖܠܹܗ ܡܢ ܬܪܹܝܢ ܚܵܖ̄، ܘܣܝܵـܓܼܵܐ ܕܗ̄ܘܹܐܗ̄ܘܵܐ ܩܝܼܡܵܐ ܒܦܲܠܓܵܐ ܘܕܸܫܡܹܢܘܼܬܼܵܐ، ܒܦܲܓܼܪܹܗ ܫܪܹܐܠܹܗ، ܘܢܵܡܘܿܣܵܐ ܕܦܘܼܩܵܕܹ̈ܐ ܘܦܘܼܩ̈ܕܵܢܹܐ ܕܝܼܠܹܗ ܡܒܘܼܛܸܠܠܹܗ، ܕܡܢ ܬܪܵܘܲܬܼܢܲܝܗܝܼܢ ܒܵܪܸܐ ܒܸܩܢܘܿܡܹܗ ܚܵܖ̄ ܒܲܪܢܵܫܵܐ ܚܵܬܼܵܐ. ܥܒܸܖܠܹܗ ܫܲܝܢܵܐ ܘܡܨܘܼܠܹܚܠܸܗ ܬܪܵܘܲܝܗܝܼܢ ܒܚܵܖ̄ ܦܲܓܼܪܵܐ ܥܸܡܸܕ ܐܲܠܵܗܵܐ. ܘܒܸܨܠܝܼܒܹܗ ܩܛܸܠܸܗ ܕܸܫܡܹܢܘܼܬܼܵܐ.

ܘܐܬܹܐܠܹܗ ܡܒܘܼܫܹܪܠܹܗ ܫܠܵܡܵܐ ܛܵܠܘܿܟܼܘܼܢ ܪ̈ܵܚܘܼܩܹܐ ܘܩܲܪ̈ܝܼܒܹܐ، ܡܒܹܝܕ ܒܓܵܘܹܗ ܗܘܹܐܠܹܗ ܬܵܐ ܬܪܵܘܵܬܼܢܲܢ ܩܪܵܒܼܵܐ ܒܚܵܖ̄ ܪܘܼܚܵܐ ܠܓܸܝܒܸܕ ܒܵܒܵܐ. ܒܵܕܲܡ ܠܵܐ ܗ̄ܘܘܿܬܘܼܢ ܢܘܼܟܼܪ̈ܵܝܹܐ ܘܠܵܐ ܐܲܪ̈ܚܸܐ، ܐܸܠܵܐ ܐܝ̈ܵܠܹܕ̄ܐ ܕܸܡܖܝܼܢ̄ܬܵـܐ ܕܩܲܕܝܼܫܹ̈ܐ ܘܐܝ̈ܵܠܹܕ̄ܐ ܕܒܲܝܬܼܵـܐ ܕܐܲܠܵܗܵܐ ܘܦܸܫܠܘܿܟܼܘܼܢ ܒܸܢܝܹ̈ܐ ܥܸܠܸܕ ܐܵܣܵܣ ܕܸܫܠܝܼܚܹ̈ܐ ܘܕܸܢܒܼܝܹ̈ܐ. ܘܐܵܗܘܼ ܗܘܹܐܠܹܗ ܪܹܫܵܐ ܕܩܘܿܪܢܝܼܬܼܵـܐ ܕܒܸܢܝܵܢܵܐ ܝܑܼܫܘܿܥ ܡܫܝܼܚܵܐ. ܒܓܵܘܹܗ ܟܦܵܝܸܫ ܡܘܼܪܸܟܼܒܼܵܐ ܟܠܹܗ ܒܸܢܝܵܢܵܐ ܘܟܪܵܒܹܐ ܗܲܝܟܠܵܐ ܩܲܕܝܼܫܵܐ ܒܡܵܪܝܵܐ، ܟܘܼܕ ܗܲܡ ܐܲܚܬܘܼܢ ܒܓܵܘܹܗ ܟܦܵܝܫܘܼܬܘܼܢ ܒܸܢܝܹ̈ܐ ܬܵܐ ܡܲܥܡܪܵܐ ܕܐܲܠܵܗܵܐ ܒܪܘܼܚܵܐ܀