ܬܹܒܼܘ ܘܲܫܠܵܘ ܢܒܼܝܼܘܼܬܹܗ ܕܐܹܫܲܥܝܵܐ ܒܲܪܸܟܼܡܵܪܝ

(Isaiah 49:13-23)

      ܡܫܲܒܚܘܼ ܫܡܲܝ̈ܬܼܵـܐ ܘܪܘܘܿܙܝ ܐܲܪܥܵܐ؛ ܘܦܨܘܼܚܘܼ ܛܘܼܪ̈ܢܹܐ ܒܬܸܫܒܘܿܚܬܵـܐ. ܒܹܝܕ ܕܸܡܣܘܼܠܹܐܠܹܗ ܡܵܪܝܵܐ ܠܥܲܡܵܐ ܕܝܼܠܹܗ، ܘܥܸܠܸܕ ܡܸܣܟܹܢܹ̈ܐ ܕܝܼܠܹܗ ܡܪܘܼܚܸܡܠܹܗ. ܘܐܡܸܪܵܠ̄ܗ̇ ܨܸܗܝܘܿܢ؛ ܕܟܸܡ ܫܵܒܸܩܠܝܼ ܡܵܪܝܵܐ، ܘܟܸܡ ܢܵܫܹܐܠܝܼ. ܘܐܗܘܼ ܐܡܹܪܹܠ̄ܗ؛ ܗܲܡ ܐܸܢ ܢܵܫܝܵܐ ܝܸܡܵܐ ܒܪܘܿܢܵܗ̇، ܘܠܵܐ ܡܪܲܚܡܵܐ ܥܸܠܸܕ ܒܸܪ ܕܡܹܥ̈ܘܵܬܼܵܗ̇. ܗܲܡ ܗܵܢܝܼ ܐܸܢ ܢܵܫܵܝܢ̄، ܐܵܢܵܐ ܠܵܐ ܟܢܵܫܸܢܠܲܟܼܝ. ܗܘܿܠܸܐ ܠܟܲܦܵܐ ܕܐܝܼ̈ܕܵܬܼܝܼ ܟܸܡ ܡܲܬܒܸܢܠܲܟܼܝ. ܘܫܘܼܪ̈ܢܹܐ ܕܝܼܠܵܟܼܝ ܒܲܪܩܘܼܒܼܠܝܼ ܐܝܼܠܵܝ ܒܟܠ ܥܸܕܵܢܵܐ. ܘܝ̈ܵܕ̄ܠܲܟܼܝ ܕܦܸܫܠܵܝ ܡܲܢܸܦܠܵܢܲܟܼܝ ܘܡܲܚܸܪܒܼܵܢܲܟܼܝ، ܩܲܠܘܼܠܵܐ ܡܸܢܲܟܼܝ ܒܸܕ ܢܵܦܩܝܼܢ̄. ܡܲܥܠܹܝ ܥܲܝ̈ܢܲܟܼܝ ܠܚܵܕܸܪܘܵܢܲܟܼܝ. ܘܸܚ̇ܙܲܝ ܕܟܘܼܠܵܝ ܗܘܿܠܵܝ ܒܸܓٕܡܵܥܵܐ ܘܒܐܝܼܬܼܵܝܵܐ ܠܓܹܝܒܲܟܼܝ. ܒܹܚܵܝܹܐܝܘܸܢ ܟܐܵܡܸܪ ܡܵܪܝܵܐ، ܕܟܘܼܠܵܝ ܡܐܲܝܟܼ ܣܸܩܠܵܐ ܒܸܕ ܠܵܒܼܫܲܬܠܵܝ ܘܒܦܵܝܫܲܬܝ ܡܟܘܼܠܲܠܬܵـܐ ܟܼܕܲܝܓܸܕ ܟܲܠܬܼܵܐ.

      ܡܒܹܝܕ ܚܵܪ̈ܒܘܵܬܼܵܐ ܕܝܼܠܵܟܼܝ ܘܕܘܼܟܵܢܹ̈ܐ ܕܦܸܫܠܵܝ ܣܦܝܼܩܹ̈ܐ، ܘܐܲܪܥܲܟܼܝ ܕܦܸܫܠܵܗ̇ ܚܪܘܼܒܼܬܵـܐ، ܡܢ ܕܵܗܵܐ ܒܸܕ ܡܵܠܵܝ ܡܢ ܝܲܬܵܒܹ̈ܐ، ܘܒܸܕ ܥܵܪܩܝܼܢ̄ ܡܲܚܵܝܹ̈ܐ ܕܝܼܠܵܟܼܝ، ܘܓܲܗ ܚܸܪܬܵܐ ܒܐܵܡܪܝܼܢ̄ ܛܵܠܲܟܼܝ ܝܵܠܕܹ̈ܐ ܕܥܲܩܪܘܼܬܼܵܟܼܝ؛ ܥܸܩܬܵܐ ܝܠܵܗ̇ ܕܘܼܟܬܼܵـܐ ܛܵܠܲܢ؛ ܗܲܒܼܠܲܢ ܕܘܼܟܬܼܵـܐ ܬܵܐ ܕܝܵܬܒܼܘܼܟܼ. ܘܒܸܕ ܐܵܡܪܲܬܝ ܒܠܸܒܲܟܼܝ؛ ܡܵܢܝܼ ܡܘܼܗܘܹܐܠܸܗ ܛܵܠܝܼ ܗܵܢܝܼ؟ ܐܢܵܐ ܥܩܲܪܬܼܵܐ ܡܘܼܪܚܲܩܬܵܐ ܘܫܒܸܩܬܵܐ ܒܸܠܚܘܿܖܝܼ ܐܲܝܟܼ ܝܵܬܘܼܡܬܵܐ؛ ܡܵܢܝܼ ܡܘܼܪܒܹܐܠܸܗ ܗܵܢܝܼ؟ ܟܘܼܕ ܐܵܢܵܐ ܫܒܸܩܬܵܐ ܒܸܠܚܘܿܖܝܼ. ܗܵܢܝܼ ܡܐܲܝܟܵܐ ܗܘܹܐܠܵܝ؟

      ܗܵܖܐܲܝܟܼ ܟܐܵܡܸܪ ܡܵܪܝܵܐ ܐܲܠܵܗܵܐ؛ ܒܸܕ ܡܲܥܠܸܢ ܐܝܼܖܝܼ ܥܸܠܸܕ ܥܲܡܡܹ̈ܐ، ܘܒܸܕ ܝܵܗܒܸܢ ܢܝܼܫܲܢ ܛܵܠܲܝ؛ ܘܒܸܕ ܫܵܩܠܝܼܢ ܐܝ̈ܵܠܲܖ̄ܟܼܝ ܒܩܲܦܠܲܝ، ܘܒܢܵܬܲܟܼ̈ܝ ܠܪ̈ܘܼܫܵܢܲܝ ܒܸܕ ܛܵܥܢܝܼܢ̄. ܘܡܲܠܟܹ̈ܐ ܒܸܕ ܗܵܘܲܝܢ̄ ܡܲܪܘܼܝܵܢܲܟܼܝ، ܘܐܸܢܫܹ̈ܐ ܕܝܼܠܲܝ ܡܲܡܨܲܢ̈ܝܵܬܲܟܼܝ. ܘܦܲܬܼܘ̈ܬܲܝ ܒܟܵܝܦܝܼܢ̄ ܠܐܲܪܥܵܐ ܒܣܵܓܼܖܝܼܢ̄ ܛܵܠܲܟܼܝ، ܘܐܘܼܦܪܵܐ ܕܐܲܩ̈ܠܵܬܵܟܼܝ ܒܸܕ ܠܵܛܥܝܼܢ̄. ܘܒܸܕ ܝܵܖܥܲܬܝ ܕܐܵܢܵܐ ܝܘܸܢ ܡܵܪܝܵܐ، ܕܠܵܐ ܟܢܵܟܼܦܝܼܢ̄ ܗܵܢܲܝ̈ ܕܸܟܣܵܦܪܝܼܢ̄ ܥܸܠܝܼ܀

ܚܒܪܗ

ܫܠܵܘ ܦܪܲܟܣܝܹܣ ܕܸܫܠܝܼܚܹ̈ܐ ܒܲܪܸܟܼܡܵܪܝ

(Acts 8:14-25)

      ܟܘܼܕ ܫܡܸܥܠܵܝ ܫܠܝܼܚܹ̈ܐ ܕܸܒܓܘܿ ܐܘܿܪܸܫܠܹܡ ܕܸܩܒܸܠܵܝ ܥܲܡܵܐ ܕܫܲܡܪ̈ܝܹܐ ܬܵܢܹܝܬܼܵܐ ܕܐܲܠܵܗܵܐ، ܡܫܘܼܕܹܪܠܵܝ ܠܓܹܝܒܲܝ ܫܸܡܥܘܼܢ ܟܹܐܦܵܐ ܘܝܘܿܚܲܢܵܢ، ܘܢܚܸܬܼܠܵܝ ܘܡܨܘܼܠܹܐܠܵܝ ܥܸܠܲܝ ܬܵܐ ܕܩܵܒܠܝܼܢ̄ ܪܘܼܚܵܐ ܕܩܘܼܫܵܐ؛ ܒܹܝܕ ܗܸܫ ܠܲܝܬܼܗ̄ܘܵܐ ܥܸܠܸܕ ܚܲܕ̄ ܡܸܢܲܝ، ܒܲܣ ܟܥܵܡܖܝܼܢ̄ـܗ̄ܘܵܐ ܒܫܸܡܵܐ ܕܡܵܪܲܢ ܝܑܼܫܘܿܥ. ܘܒܵܬܸܪ ܕܐܲܝܟܼ ܟܕܵܪܹܝܢ ܗ̄ܘܵܐ ܥܸܠܲܝ ܐܝܼܖܵܐ ܘܸܟܩܵܒܠܝܼܢ̄ ܗ̄ܘܵܐ ܪܘܼܚܵܐ ܕܩܘܼܕܫܵܐ. ܘܟܘܼܕ ܚܙܹܐܠܸܗ ܣܝܼܡܘܿܢ ܕܒܸܕܪܵܝܵܐ ܕܐܝܼܖܵܐ ܕܸܫܠܝܼܚܹ̈ܐ ܟܦܵܝܫܵܐ ܗܒܸܠܬܵܐ ܪܘܼܚܵܐ ܕܩܘܼܕܫܵܐ، ܡܘܼܩܪܘܼܒܼܠܸܗ ܛܵܠܲܝ ܙܘܼܙܵܐ ܘܐܡܹܪܹܠ̄ܗ؛ ܗܲܒܼ̄ܠܘܼ ܗܲܡ ܛܵܠܝܼ ܗܵܖܝܼ ܫܘܼܠܛܵܢܵܐ ܕܐܲܝܡܵܐ ܕܕܵܪܸܢ ܥܸܠܸܗ ܐܝܼܖܵܐ ܕܩܵܒܸܠ ܪܘܼܚܵܐ ܕܩܘܼܕܫܵܐ. ܐܡܹܪܹܠ̄ܗ ܛܵܠܸܗ ܫܸܡܥܘܿܢ ܟܹܐܦܵܐ؛ ܙܘܼܙܘܼܟܼ ܥܸܡܘܼܟܼ ܙܵܠܸܐ ܠܣܵܟܲܪܬܵܐ، ܡܒܹܝܕ ܕܸܚܫܘܼܒܼܠܘܼܟܼ ܕܚܸܠܹܥܬܵܐ ܕܐܲܠܵܗܵܐ ܒܡܵܐܠ ܕܥܵܠܡܵܐ ܟܦܵܝܫܵܐ ܩܢܝܼܬܼܵܐ. ܠܲܝܬܠ̄ܘܼܟܼ ܣܲܗܡܵܐ ܘܗܲܡ ܠܵܐ ܚܸܨܵܐ ܒܗܵܖܝܼ ܗܲܝܡܵܢܘܼܬܼܵܐ، ܡܒܹܝܕ ܕܠܸܒܘܼܟܼ ܠܹܐܝܠܸܐ ܥܵܕܘܿܠܵܐ ܩܲܖ̄ܡ ܐܲܠܵܗܵܐ. ܒܲܕܲܡ ܬܝܘܼܒܼ ܡܢ ܗܵܖܝܼ ܒܝܼܫܘܼܬܼܘܼܟܼ، ܘܛܠܘܿܒ ܡܢ ܐܲܠܵܗܵܐ ܒܲܠܟܝܼ ܒܫܵܒܸܩ ܛܵܠܘܼܟܼ ܙܸܓܼܠܵܐ ܕܠܸܒܘܼܟܼ. ܡܒܹܝܕ ܒܟܘܿܡܬܵܐ ܡܲܪܝܼܪܬܵܐ ܘܒܩܸܛܪܵܐ ܕܥܲܘܠܵܐ ܟܚܵܙܸܢ ܕܝܼܘܸܬ ܐܵܝܸܬ ܐ̄ܣܝܼܪܵܐ. ܡܓٕܘܼܘܸܒܠܹܗ ܣܝܼܡܘܿܢ ܘܐܡܹܪܹܠ̄ܗ؛ ܛܠܘܼܒܘܼ ܐܲܟܼܬܘܼܢ ܡܢ ܐܲܠܵܗܵܐ ܡܒܵܕܵܠܝܼ، ܕܠܵܐ ܐܵܬܸܐ ܥܸܠܝܼ ܚܲܕ̄ ܡܸܢܕܝܼ ܡܢ ܗܵܢܝܼ ܕܐܡܸܪܠܘܿܟܼܘܼܢ.

      ܗܵܝܓܵܗܵܐ ܫܸܡܥܘܿܢ ܘܝܘܿܚܲܢܵܢ ܟܘܼܕ ܟܸܡ ܡܲܣܸܗܖܝܼܢ̄ـܠܵܝ ܘܟܸܡ ܡܲܠܦܝܼܢ̄ـܠܵܝ ܬܵܢܹܝܬܼܵܐ ܕܐܲܠܵܗܵܐ، ܕܥܹܪܠܵܝ ܠܐܘܿܪܸܫܠܸܡ، ܘܡܒܘܼܫܸܪܠܵܝ ܒܓܘܿ ܡܲܬܼ̈ܘܵܬܼܵܐ ܟܲܒܝܼܪܹ̈ܐ ܕܫܲܡܪ̈ܵܝܹܐ܀ 

ܚܕܒܫܒܐ ܕܐܪܒܥܐ ܕܩܝܡܬܐ

ܦܲܘܠܘܿܣ ܫܠܝܼܚܵܐ ܐܸܓܲܪܬܵܐ ܕܲܠܘܵܬܼ ܐܵܦܸܣܵܝܹ̈ܐ ܐܲܚܲܝ̈ ܒܲܪܸܟܼܡܵܪܝ

(Ephesians 1:15-2:5)

      ܡܛܲܠܸܒܸܕ ܗܵܖܝܼ ܗܲܡ ܐܵܢܵܐ ܡܟܘܼܕ ܫܡܹܥܠܝܼ ܗܲܝܡܵܢܘܼܬܼܵܐ ܕܝܼܠܘܿܟܼܘܼܢ ܕܸܒܓܵܘ ܡܵܪܲܢ ܝܑܼܫܘܿܥ ܡܫܝܼܚܵܐ ܘܚܘܼܒܵܐ ܕܝܼܠܘܿܟܼܘܼܢ ܕܠܸܓܹܝܒܸܕ ܟܠܲܝ ܩܲܕܝܼܫܹ̈ܐ، ܠܵܐ ܟܒܵܛܠܸܢ ܡܢ ܫܟܵܪܵܐ ܡܒܵܕܵܠܘܿܟܼܘܼܢ، ܘܡܢ ܕܟܼܵܪܘܿܟܼܘܼܢ ܒܸܨܠܵܘܵܬܼ̈ܝܼ، ܕܐܲܠܵܗܵܐ ܕܡܵܪܲܢ ܝܑܼܫܘܿܥ ܡܫܝܼܚܵܐ ܒܵܒܵܐ ܕܬܸܫܒܘܿܚܬܵـܐ ܝܵܗ̄ܒܸܠ ܛܵܠܘܿܟܼܘܼܢ ܪܘܼܚܵܐ ܕܚܸܟܼܡܬܼܵܐ ܘܕܓܸܠܝܵܢܵܐ ܒܝܼܕܲܥܬܹܗ. ܘܒܸܕ ܒܵܗܪܝܼܢ̄ ܥܲܝܢܹ̈ܐ ܕܠܸܒܵܘܵܬܼ̈ܘܿܟܼܘܼܢ ܕܝܵܖܥܘܼܬܘܼܢ ܡܐܝܼܠܹܗ ܐܲܡܘܼܕ ܕܸܩܪܵܝܬܹܗ، ܘܡܐܝܼܠܵܗ̇ ܥܸܬܪܘܼܬܼܵܐ ܕܫܘܼܒܼܚܵܐ ܕܝܲܪܬܘܼܬܼܵܐ ܕܝܼܠܹܗ ܒܩܲܕܝܼܫܹ̈ܐ، ܘܡܐܝܼܠܵܗ̇ ܙܲܘܕܵܢܘܼܬܼܵܐ ܕܪܲܒܘܼܬܼܵܐ ܕܚܲܝܠܸܗ ܒܓܵܘܲܢ، ܐܲܚܢܝܼܢ̄ ܗܵܢܲܝ ܕܝܼܘܘܼܟܼ ܡܗܘܼܝܸܡܢܹ̈ܐ ܟܼܕܲܝܓܸܕ ܡܲܥܒܖܵܢܘܼܬܼܵܐ ܕܙܲܟܼܡܘܼܬܼܵܐ ܕܚܲܝܠܹܗ، ܕܸܥܒܸܖܠܹܗ ܒܸܡܫܝܼܚܵܐ ܘܟܸܡ ܡܲܩܸܡܠܹܗ ܡܒܝܼܢܝܼ ܡܝܼܬܹ̈ـܐ ܘܟܸܡ ܡܲܘܬܘܼܒܼܠܸܗ ܡܢ ܝܲܡܢܸܐ ܕܝܼܠܹܗ ܒܸܫܡܲܝܵܐ ܠܥܸܠ ܡܢ ܟܠܵܝ ܐܲܪ̈ܟܘܿܣ ܘܫܘܼܠܛܵܢܹ̈ܐ ܘܚܲܝ̈ܠܹܐ ܘܡܵܪ̈ܵܘܵܬܼܵܐ، ܠܥܸܠ ܡܢ ܟܠ ܫܸܡܵܐ ܕܟܦܵܝܸܫ ܩܸܪܝܵܐ ܠܵܐ ܒܲܣ ܒܓܵܘ ܥܵܠܡܵܐ ܗܵܖܝܼ ܐܸܠܵܐ ܗܲܡ ܒܗܵܖ ܕܐܵܬܹ̇ܐ. ܘܡܘܼܛܸܥܠܹܗ ܟܠ ܡܸܢܕܝܼ ܚܘܿܬܸܕ ܐܲܩ̈ܠܵܬܹܗ. ܘܐܵܗܘܼ ܕܝܼܠܹܗ ܠܥܸܠ ܡܢ ܟܠ ܟܸܡ ܥܵܒܸܖܠܹܗ ܪܹܫܵܐ ܬܵܐ ܥܹܕܬܵܐ ܕܐܝܼܠܵܗ̇ ܓܘܼܫܡܹܗ ܘܟܵܡܹܠܘܼܬܼܵܐ ܕܗܵܘ ܕܟܸܡܟܵܡܸܠ ܟܠ ܒܟܠ ܡܸܢܕܝܼ܀