ܬܹܒܼܘ ܘܲܫܠܵܘ ܢܒܼܝܼܘܼܬܹܗ ܕܐܹܫܲܥܝܵܐ ܒܲܪܸܟܼܡܵܪܝ

(Isaiah 56:1-7)

      ܗܵܖܐܲܝܟܼ ܟܐܵܡܸܪ ܡܵܪܝܵܐ؛ ܢܛܘܼܪܘܼ ܕܝܼܢܵܐ ܘܥܒܼܘܼܖܘܼ ܙܲܕܝܼܩܘܼܬܼܵܐ، ܡܒܹܝܕ ܕܩܲܪܝܼܒܼܵܐ ܝܠܸܗ ܚܵܠܵܨ ܕܝܼܠܝܼ ܠܐܝܼܬܼܵܝܵܐ؛ ܘܙܲܕܝܼܩܘܼܬܼܝܼ ܠܸܓܠܵܝܵܐ. ܛܘܼܒܼܵܐ ܠܓܲܒܼܪܵܐ ܕܥܵܒܸܖ ܗܵܖܝܼ، ܘܒܲܪܢܵܫܵܐ ܕܥܵܪܹܐ ܒܓܵܘܵܗ̇، ܘܢܵܛܸܪ ܫܲܒܬܼܵـܐ ܘܠܵܐ ܫܵܪܹܐܠܵܗ̇، ܘܢܵܛܸܪ ܐܝܼ̈ܕܵܬܹܗ ܕܠܵܐ ܥܵܒܸܖ ܡܸܢܕܝܼ ܒܝܼܫܵܐ.

      ܘܕܠܵܐ ܐܵܡܸܪ ܢܘܼܟܼܪܵܝܵܐ ܕܒܸܬܵܒܸܥ ܠܡܵܪܝܵܐ؛ ܕܸܦܪܵܫܵܐ ܟܦܵܪܹܫܠܝܼ ܡܵܪܝܵܐ ܡܢ ܥܲܡܵܐ ܕܝܼܠܹܗ. ܘܠܵܐ ܐܵܡܸܪ ܡܗܘܼܝܸܡܢܵܐ؛ ܕܩܲܝܣܵܐܝܘܸܢ ܝܼܒܼܝܼܫܵܐ. ܡܒܹܝܕ ܕܗܵܖܐܲܝܟܼ ܟܐܵܡܸܪ ܡܵܪܝܵܐ؛ ܬܵܐ ܡܗܘܼܝܸܡܢܹ̈ܐ ܕܢܵܛܪܝܼܢ̄ ܫܲܒܵܬܼ̈ܝܼـ، ܘܸܡܓܵܒܲܝܢ̄ ܡܸܢܕܝܼ ܕܟܸܒܥܸܢ، ܘܗܵܖܐܲܝܟܼ ܒܘܲܥܕܵܐ ܕܝܼܠܝܼ، ܒܸܕ ܝܵܗܒܸܢ ܛܵܠܲܝ ܒܓܘܿ ܒܲܝܬܼܝܼـ ܘܒܓܘܿ ܫܘܼܪ̈ܢܹܐ ܕܐܲܬܼܪܵܐ ܘܫܸܡܵܐ ܕܐܝܼܠܹܗ ܒܸܫܛܘܿܒܼ ܡܢ ܒܢܘܿܢܹ̈ܐ ܘܸܒܢ̈ܵܬܼܵـܐ؛ ܫܸܡܵܐ ܕܸܠܐܵܒܲܕ ܒܝܵܗܒܸܢ ܛܵܠܲܝ ܕܠܵܐ ܟܦ̮ܵܢܸܐ.

      ܘܬܵܐ ܐܝ̈ܵܠܕܹܐ ܕܢܘܼܟܼܪ̈ܵܝܹܐ ܗܵܢܝܼ ܕܸܟܬܵܒܥܝܼܢ̄ ܠܡܵܪܝܵܐ ܠܸܟܼܕܵܡܸܗ، ܘܠܸܒܥܵܝܵܐ ܫܸܡܵܐ ܕܡܵܪܝܵܐ، ܘܠܸܗܘܵܝܵܐ ܥܲܒܼ̈ܕܹܐ ܛܵܠܹܗ، ܟܠ ܕܢܵܛܸܪ ܫܲܒܬܼܵـܐ ܕܠܵܐ ܫܵܪܹܐܠܵܗ̇ ܘܢܵܛܪܝܼܢ̄ ܘܲܥܕܵܐ ܕܝܼܠܝܼ. ܒܸܕ ܡܵܝܬܸܢـܠܵܝ ܠܛܘܼܪܵܐ ܕܝܼܠܝܼ ܩܲܕܝܼܫܵܐ، ܘܒܸܕ ܡܵܦܸܨܚܸܢܠܵܝ ܒܒܲܝܬܼܵـܐ ܕܸܨܠܘܿܬܼܝܼ؛ ܘܩܘܼܪ̈ܒܵܢܲܝ ܘܕܸܒܼܚܲܝ̈ ܒܗܵܘܵܝܢ̄ ܬܵܐ ܥܸܓٕܒܘܿܢܵܐ ܠܡܲܖܸܒܚܵܐ ܕܝܼܠܝܼ؛ ܡܒܹܝܕ ܒܲܝܬܼܝܼـ ܒܲܝܬܼܵـܐ ܕܸܨܠܘܿܬܼܵܐ ܒܦܵܝܸܫ ܩܸܪܝܵܐ ܬܵܐ ܟܠܵܝ ܥܲܡܡܹ̈ܐ܀ 

ܚܒܪܗ

ܫܠܵܘ ܦܪܲܟܣܝܼܣ ܕܲܫܠܝܼܚܹ̈ܐ ܒܲܪܸܟܼܡܵܪܝ

(Acts 5:34-end)

      ܘܩܸܡܗ̄ܘܵܐܠܹܗ ܚܲܖ̄ ܡܢ ܦܪ̈ܝܼܫܹܐ ܕܗ̄ܘܹܐܗ̄ܘܵܐ ܫܸܡܹܗ ܓܲܡܠܝܼܐܹܝܠ، ܡܲܠܦܵܢܵܐ ܕܢܵܡܘܿܣܵܐ ܘܡܝܘܿܩܪܵܐ ܡ̣ܢ ܟܠܹܗ ܥܲܡܵܐ. ܘܦܩܸܖܠܹܗ ܕܡܲܦܩܝܼܢ̄ـܠܵܝ ܠܸܫܠܝܼܚܹ̈ܐ ܠܒܵܪܵܝܹܐ ܚܖܵܐ ܥܸܕܵܢܵܐ ܙܥ̄ܘܿܪܬܵܐ. ܘܐܡܹܪܹܠ̄ܗ ܛܵܠܲܝ؛ ܝܵܐ ܓܲܒܼܪܹ̈ܐ ܒܢܲܝ̈ ܝܼܣܪܵܝܹܠ، ܦܘܼܫܘܼ ܗܸܫܝܵܪ ܒܸܓܝܵܢܘܿܟܼܘܼܢ، ܘܚܙܵܘ ܡܵܐ ܟܸܡܘܵܓٕܸܒ ܥܸܠܘܿܟܼܘܼܢ ܠܸܥܒܼܵܖܵܐ ܒܗܵܢ ܐ̄ܢܵܫܹ̈ܐ. ܡܒܹܝܕ ܡܢ ܩܲܖ̄ܡ ܗܵܖ ܙܲܒܼܢܵܐ ܩܸܡܗ̄ܘܵܐܠܸܗ ܬܲܘܕܵܐ، ܘܐܡܹܪܹܠ̄ܗ ܥܸܠܸܕ ܕܸܓܝܵܢܸܗ ܕܚܲܕ̄ ܡܸܢܕܝܼܠܸܗ ܪܵܒܵܐ، ܘܐܙܸܠܵܝ ܒܲܬܼܪܹܗ ܡܸـܟܼ ܐܲܪܒܥܵܐ ܐܸܡܵܐ ܓܲܒܼܪܹ̈ܐ؛ ܘܐܵܗܘܼ ܦܸܫܠܸܗ ܩܛܝܼܠܵܐ، ܘܗܵܢܝܼ ܕܐܙܸܠܵܝ ܒܲܬܼܪܸܗ ܡܒܘܼܪܒܸܙܠܵܝ ܘܦܸܫܠܵܝ ܡܐܲܝܟܼ ܠܵܐ ܡܸܢܕܝܼ.

      ܘܩܸܡܠܸܗ ܡܢ ܒܵܬܸܪ ܡܸܢܹܗ ܝܼܗܘܼܖܵܐ ܓܠܝܼܠܵܝܵܐ ܒܝܘܼ̈ܡܵܬܼܵـܐ ܕܸܟܦܵܝܫܝܼܢ̄ ܗ̄ܘܵܐ ܟܬܼܝܼܒܹ̈ܐ ܐ̄ܢܵܫܹ̈ܐ ܬܵܐ ܓܸܙܸܐ ܕܪܹܫܵܐ، ܡܘܼܦܬܸܠܸܗ ܒܲܬܼܪܸܗ ܥܲܡܵܐ ܟܲܒܝܼܪܵܐ؛ ܘܐܵܗܘܼ ܡܝܼܬܼܠܸܗ، ܘܟܠܵܝ ܗܵܢܝܼ ܕܐܙܸܠܵܝ ܒܵܬܼܪܹܗ ܡܒܘܼܪܒܸܙܠܵܝ. ܘܕܲܗܵܐ ܟܐܵܡܪܸܢ ܛܵܠܘܿܟܼܘܼܢ؛ ܦܪܘܼܩܘܼ ܡܢ ܗܵܢ ܐ̄ܢܵܫܹ̈ܐ ܘܫܒܼܘܼܩܘܼܠܵܝ؛ ܡܒܹܝܕ ܐܸܢ ܡܢ ܒܢܲܝ̈ܢܵܫܵܐ ܝܠܹܗ ܗܵܖ ܚܘܼܫܵܒܼܵܐ ܘܗܵܖܝܼ ܥܒܼܵܖܵܐ ܒܸܕ ܦܵܝܸܫ ܒܛܝܼܠܵܐ ܘܦ̮ܝܼܬܵـܐ. ܘܐܸܢ ܡܢ ܐܲܠܵܗܵܐ ܝܠܹܗ ܠܝܹܬ̄ܒܘܿܟܼܘܼܢ ܕܸܡܒܲܛܠܘܼܬܘܼܠܸܗ. ܟܸܠܘܿܟܼܘܼܢ ܒܦܵܝܫܘܼܬܘܼܢ ܚܸܙܝܹ̈ܐ ܕܲܪܩܘܼܒܼܠ ܐܲܠܵܗܵܐ ܒܸܩܝܵܡܵܐ.

      ܘܫܡܸܥܠܵܝ ܥܸܠܹܗ؛ ܘܟܸܡ ܩܵܪܹܝܠܵܝ ܠܸܫܠܝܼܚܹ̈ܐ ܘܟܸܡ ܡܵܚܹܐܠܵܝ؛ ܟܸܡ ܦܵܩܖܝܼܠܵܝ ܕܠܵܐ ܡܲܚܟܝܢ̄ ܒܫܸܡܵܐ ܕܝܑܼܫܘܿܥ؛ ܘܟܸܡ ܣܲܝܒܝܼܢ̄ـܠܵܝ ܘܢܦܸܩܠܵܝ ܡ̣ܢ ܩܵܖ̄ܡܲܝ ܘܗܵܢܝܼ ܦܨܝܼܚܹ̇ܐ؛ ܕܸܚ̇ܫܸܚ̇ܠܵܝ ܕܦܵܝܫܝܼܢ̄ ܡܪܘܿܙܠܹܗ ܡܛܲܠܸܒܸܕ ܫܸܡܵܐ ܕܝܑܼܫܘܿܥ. ܘܠܵܐ ܟܒܵܛܠܝܼܢ̄ ܗ̄ܘܵܐ ܟܘܼܕܝܘܼܡ ܒܡܲܠܘܿܦܸܐ ܒܗܲܝܟܠܵܐ ܘܒܓܘܿ ܒܲܝܬܼܵـܐ؛ ܘܠܸܡܒܲܫܘܿܪܸܐ ܥܸܠܸܕ ܡܵܪܲܢ ܝܑܼܫܘܿܥ ܡܫܝܼܚܵܐ܀ 

ܚܕܒܫܒܐ ܕܬܠܬܐ ܕܩܝܡܬܐ

ܦܵܘܠܘܿܣ ܫܠܝܼܚܵܐ ܐܸܓܲܪܬܵܐ ܕܲܠܘܵܬܼ ܐܵܦܸܣܵܝܹ̈ܐ ܐܲܚܲܝ̈ ܒܲܪܸܟܼܡܵܪܝ

(Ephesians 1:1-14)

      ܦܵܘܠܘܿܣ، ܫܠܝܼܚܵܐ ܕܝܑܼܫܘܿܥ ܡܫܝܼܚܵܐ ܒܥܸܓٕܒܘܿܢܵܐ ܕܐܲܠܵܗܵܐ ܬܵܐ ܗܵܢܲܝ ܕܐܝܼܠܵܝ ܒܐܵܦܸܣܘܿܣ ܩܲܕܝܼܫܹ̈ܐ ܘܸܡܗܘܼܝܸܡܢܹ̈ܐ ܒܝܑܼܫܘܿܥ ܡܫܝܼܚܵܐ. ܫܠܵܡܵܐ ܥܸܡܘܿܟܼܘܼܢ ܘܢܲܥܡܹܐ ܡܢ ܐܲܠܵܗܵܐ ܒܵܒܲܢ ܘܡܢ ܡܵܪܲܢ ܝܑܼܫܘܿܥ ܡܫܝܼܚܵܐ.

      ܡܒܘܼܪܟܼܵܐܝܠܹܗ ܐܲܠܵܗܵܐ ܒܵܒܵܐ ܕܡܵܪܲܢ ܝܑܼܫܘܿܥ ܡܫܝܼܚܵܐ، ܗܵܘ ܕܟܸܡܒܵܪܸܟܼܠܲܢ ܒܟܠ ܒܘܼܪ̈ܟܵܬܼܵـܐ ܕܪܘܼܚܵܐ ܒܸܫܡܲܝܵܐ ܒܸܡܫܝܼܚܵܐ، ܕܐܲܝܟܼ ܕܸܡܩܘܼܕܸܡܠܹܗ ܟܸܡܓܵܒܹܐܠܲܢ ܒܓܵܘܹܗ ܡܩܵܡ ܫܘܼܪ̈ܵܝܹܐ ܕܥܵܠܡܵܐ، ܕܗܵܘܘܼܟܼ ܩܲܕܝܼܫܹ̈ܐ ܘܸܕܠܵܐ ܡܘܼܡܵܐ ܩܵܖ̄ܡܹܗ. ܒܚܘܼܒܵܐ ܡܩܘܼܕܸܡܠܹܗ ܟܸܡ ܪܵܫܸܡܠܲܢ ܛܵܠܹܗ ܘܟܸܡܥܵܒܸܖܠܲܢ ܐ̄ܝܵ̈ܠܕܹܐ ܒܝܑܼܫܘܿܥ ܡܫܝܼܚܵܐ ܕܐܲܝܟܼ ܕܸܫܦܹܪܠܸܗ ܬܵܐ ܥܸܓٕܒܘܿܢܹܗ، ܕܦܵܝܸܫ ܡܫܘܼܒܚܵܐ ܫܘܼܒܼܚܵܐ ܕܢܲܥܡܸܐ ܕܝܼܠܹܗ̇ ܗܵܘ ܕܸܫܦܸܟܼܠܹܗ ܥܸܠܲܢ ܒܡܸܨܥܵܝܼܘܼܬܵܐ ܕܥܵܙܝܼܙܹܗ. ܕܸܒܓܵܘܹܗ ܐܝܼܬܼܠܲܢ ܚܵܠܵܨ، ܘܒܕܸܡܹܗ ܫܘܼܒܼܩܵܢܵܐ ܕܸܚܛܵܗܹ̈ܐ، ܟܼܕܲܝܓܸܕ ܥܲܬܝܼܪܘܼܬܼܵܐ ܕܢܲܥܡܸܐ ܕܝܼܠܹܗ̇ ܗܵܝـ ܕܙܸܕܠܵܗ̇ ܒܓܵܘܲܢ ܒܟܠ ܚܸܟܼܡܬܼܵـܐ ܘܒܟܠ ܦܸ̇ܗܡܸܐ ܕܪܘܼܚܵܐ. ܘܟܸܡ ܡܲܝܕܸܥܠܲܢ ܐ̄ܪܵܙܵܐ ܕܥܸܓٕܒܘܿܢܹܗ ܗܵܘ ܕܸܡܩܘܼܕܸܡ ܗ̄ܘܵܐ ܠܹܗ ܘܕܪܹܐܠܹܗ ܕܥܵܒܸܖ ܒܓܵܘܹܗ، ܬܵܐ ܡܕܲܒܪܵܢܘܼܬܼܵܐ ܕܟܵܡܸܠܘܼܬܼܵܐ ܕܙܲܒܼܢܹ̈ܐ، ܕܟܠ ܡܸܢܕܝܼ ܡܒܹܪܸܫ ܡܚܲܕܸܬܼ ܒܸܡܫܝܼܚܵܐ ܒܸܫܡܲܝܵܐ ܘܒܲܐܪܥܵܐ.

      ܒܓܵܘܹܗ ܐܲܚܢܝܼܢ̄ ܦܸܫܠܲܢ ܓܘܼܒܼܝܹ̈ܐ ܕܐܲܝܟܼ ܕܸܡܩܘܼܕܸܡܠܹܗ ܟܸܡ ܪܵܫܸܡܠܲܢ، ܒܥܹܐܠܹܗ ܗܵܘ ܕܟܠ ܟܥܵܒܸܖ ܒܕܲܒܲܪܬܵܐ ܕܥܸܓٕܒܘܿܢܹܗ، ܕܗܵܘܘܼܟܼ ܐܲܚܢܝܼܢ̄ ܗܵܢܲܝ ܕܸܡܩܘܼܕܸܡܠܲܢ ܬܟܸܠܲܢ ܠܸܡܫܝܼܚܵܐ ܬܵܐ ܐܝܼܩܵܪܵܐ ܕܬܸܫܒܘܿܚܬܹܗ. ܗܲܡ ܐܲܟܼܬܘܼܢ ܒܓܵܘܹܗ ܫܡܹܥܠܘܿܟܼܘܼܢ ܬܵܢܵܝܬܼܵـܐ ܕܚܲܩܘܼܬܼܵܐ ܕܝܼܠܵܗ̇ ܒܲܫܵܪܵܐ ܕܚܵܝܹ̈ܐ ܕܝܼܠܘܿܟܼܘܼܢ. ܘܒܓܵܘܹܗ ܡܗܘܼܝܡܸܢܠܘܿܟܼܘܼܢ ܘܦܸܫܠܘܿܟܼܘܼܢ ܡܗܝܼܪܹ̈ܐ ܒܪܘܼܚܵܐ ܕܩܘܼܖܫܵܐ، ܕܗ̄ܘܹܐܗ̄ܘܵܐ ܡܘܸܥܕܵܐ. ܗܵܘܵܐ ܕܝܼܠܹܗ ܓܲܪܗܵܢܝܼ ܕܝܵܪܬܘܼܬܲܢ، ܬܵܐ ܚܲܠܵܨ ܕܗܵܢܲܝ ܕܸܟܚܵܗܝܢ ܘܬܵܐ ܫܘܼܒܼܚܵܐ ܕܐܝܼܩܵܪܹܗ܀