ܬܹܒܼܘ ܘܲܫܠܵܘ ܡܲܦܩܵܢܵܐ ܣܸܦܪܵܐ ܕܲܬܪܹܝܢ

ܕܐܘܿܪܵܝܬܵܐ ܒܲܪܸܟܼܡܵܪܝ

(Exodus 39:32-40:16)

ܥܒܸܖܠܵܝ ܒܢܲܝ̈ ܝܼܣܪܵܝܹܠ ܟܠ ܡܸܢܕܝܼ ܕܸܦܩܸܖܠܸܗ ܡܵܪܝܵܐ ܠܡܘܼܫܸܐ. ܘܗܵܖܐܲܝܟ ܥܒܸܖܠܵܝ؛ ܡܘܼܐ̄ܬܸܐܠܵܝ ܠܚܲܝܡܵܐ ܠܓܹܝܒܸܕ ܡܘܼܫܸܐ، ܚܲܝܡܵܐ ܘܟܠ ܐܵܡܵܢܹ̈ܐ ܕܝܼܠܵܗ، ܚܝܼܠܵܩܸ̈ܐ ܕܝܼܠܵܗ، ܘܟٕܲܢܓܵܠܵܗ، ܘܕܲܦ̈ܝܵܬܼܵܐ، ܘܣܸܟܵܟܹ̈ܐ، ܘܥܲܡܘܼܕܹ̈ܐ، ܘܣܬܘܿܢ̈ܝܵܬܼܵܐ، ܘܦܪܵܣܵܐ ܕܓܸܠܕܸ̈ܐ ܕܒܵܪ̈ܝܹܐ ܡܲܪ ܔܲܘܢܵܐ ܣܡܘܿܩܵܐ، ܘܸܦܪܵܣܵܐ ܕܓܸܠܕܵܐ ܕܒܲܪ̈ܝܹܐ ܡܲܪ ܔܵܘܢܵܐ ܙܲܪܩܵܐ، ܘܣܸܬܪܵܐ ܕܬܲܪܥܵܐ، ܘܩܹܒܼܘܼܬܼܵܐ ܕܣܵܗܕܘܼܬܼܵܐ ܘܥܲܡܘܼܕܵܗ، ܘܚܘܼܣܵܝܵܐ، ܘܦܵܬܼܘܿܪܵܐ، ܘܟܠ ܐܵܡܵܢܹ̈ܐ ܕܝܼܠܵܗ، ܘܠܸܚ̇ܡܵܐ ܕܦܲܬܼܘ̈ܬܼܵܐ ܘܠܩܸܢܕܹܝܠܵܗ̇ ܢܲܖܝܼܧܵܐ ܘܫܪ̈ܬܵܐ ܕܝܼܠܹܗ ܕܨܸܦܸ̈ܵܐ، ܘܟܠܲܝ ܐܵܡܵܢܹ̈ܐ ܕܝܼܠܵܗ̇، ܘܡܸܫܚܵܐ ܬܵܐ ܡܲܠܗܘܿܝܹܐ، ܘܡܲܖܒܚܵܐ ܕܕܸܗܒܼܵܐ، ܘܡܸܫܚܵܐ ܕܸܡܫܝܼܚܘܼܬܼܵܐ، ܘܥܸܛܪܵܐ ܕܒܸܣܡܹ̈ܐ، ܘܦܪܵܣܵܐ ܕܬܲܪܥܵܐ ܕܚܲܝܡܵܐ، ܘܡܲܖܒܚܵܐ ܕܫܲܒܵܐ، ܘܫܲܒܵܟܝܸܐ ܕܫܲܒܵܐ ܘܣܬܘܼܢ̈ܝܵܬܼܵܐ ܕܝܼܹܠܹܗ، ܘܟܠܲܝ ܐܵܡܵܢܹ̈ܐ ܕܝܼܠܹܗ، ܘܠܲܓܲܢ ܘܟܘܿܪܣܝܵܐ ܕܝܼܠܹܗ، ܘܨܸܦܹ̈ܐ ܕܕܲܪܬܵܐ ܘܥܲܡܘܼܕܵܗ̇، ܘܣܲܢܕܹܐ ܕܝܼܠܵܗ̇، ܘܦܪܵܣܵܐ ܕܬܲܪܥܵܐ ܕܕܲܪܬܵܐ، ܘܚ̇ܲܒܼܠܵܗ̇، ܘܣܸܟܵܟ̈ܗ̇، ܘܟܠܲܝ ܐܵܡܵܢܹ̈ܐ ܕܦܸܠܚ̇ܘܿܢܵܐ ܕܡܲܫܟܲܢ ܙܲܒܼܢܵܐ، ܘܓٕܘܼ̈ܠܠܹܐ ܕܬܸܫܡܸܫܬܵܐ ܬܵܐ ܟܼܵܕܵܡܹ̈ܐ ܒܩܘܹܕܫܵܐ، ܘܓٕܘܼ̈ܠܠܹܐ ܕܩܘܼܕܫܵܐ ܬܵܐ ܐܲܗܪܘܿܢ ܟܵܗܢܵܐ ܘܓٕܘ̈ܠܼܠܹܐ ܬܵܐ ܝ̈ܵܠܕܹ̄ܗ ܬܵܐ ܟܵܗܢܘܼܬܼܵܐ، ܕܐܲܝܟܼ ܕܸܦܩܸܕܠܸܗ ܡܵܪܝܵܐ ܠܡܘܼܫܸܐ. ܗܵܖܐܲܝܟ ܥܒܸܖܠܵܝ ܒܢܲܝ̈ ܝܼܣܪܵܝܹܠ ܟܠܸܗ ܦܘܼܠܚ̇ܘܿܢܵܐ، ܘܚ̇ܙܹܐܠܸܗ ܡܘܼܫܸܐ ܟܠܸܗ ܥܒܼܵܖܵܐ ܕܟܸܡ ܥܵܒܼܖܝܼܢ̄ܠܸܗ. ܕܐܲܝܟ ܕܸܦܩܸܖܠܸܗ ܡܵܪܝܵܐ ܠܡܘܼܫܸܐ، ܗܵܖܐܲܝܟ ܥܒܸܖܠܵܝ، ܡܘܿܩܸܡܠܸܗ ܠܡܲܫܟܲܢ ܙܲܒܼܢܵܐ. ܘܕܪܝܼ ܬܵܡܵܐ ܩܹܒܼܘܬܼܵܐ ܕܣܵܗܕܘܼܬܼܵܐ، ܘܦܪܘܿܣ ܥܸܠܸܕ ܩܸܒܼܘܼܬܼܵܐ ܦܪܵܣܵܐ، ܘܡܲܥܒܸܪ ܦܵܬܼܘܿܪܵܐ ܘܨܘܿܦܨܸܦܹ̈ܐ، ܘܡܲܥܒܸܪ ܩܸܢܕܝܹܠܵܗ ܘܡܲܠܗܝܼ ܫܪ̈ܵܐܵܬܹܗ، ܘܕܪܝܼ ܡܲܖܒܚܵܐ ܕܕܸܗܒܼܵܐ ܩܲܕ̄ܡ ܬܲܪܥܵܐ ܕܡܲܫܟܲܢ ܙܲܒܼܢܵܐ، ܘܕܪܝܼ ܠܲܓܲܢ ܒܲܝܢܲܬܼ ܡܲܫܟܲܢ ܙܲܒܼܢܵܐ ܠܡܲܖܒܚܵܐ، ܘܕܪܝܼ ܒܓܵܘܸܗ ܡܵܝܹܐ، ܘܢܨܘܼܒܼ ܕܲܪܬܵܐ ܚ̇ܲܕܸܪܘܵܢܹܗ، ܘܕܪܝܼ ܦܪܵܣܵܐ ܥܸܠܸܕ ܬܲܪܥܵܐ ܕܕܲܪܬܵܐ، ܘܫܩܘܿܠ ܡܸܫܚܵܐ ܕܸܡܫܝܼܚܘܼܬܼܵܐ ܘܡܫܘܿܚ ܠܚܲܝܡܵܐ ܘܠܟܠ ܡܵܐ ܕܐܝܼܬܼ̄ܒܵܗ̇، ܘܸܡܩܵܕܸܫܠܵܗ̇ ܘܠܟܠ ܐܵܡܵܢܹ̈ܐ ܕܗܵܘܲܝܢ̄ ܡܩܘܿܕܫܹ̈ܐ. ܘܡܫܘܿܚ ܠܡܲܖܒܚܵܐ ܕܕܸܒܼܚܵܐ ܘܠܟܠܲܝ ܐܵܡܵܢܹ̈ܐ ܕܝܼܠܹܗ. ܘܡܩܵܕܸܫܠܸܗ ܠܡܲܖܒܚܵܐ، ܘܗܵܘܸܐ ܡܲܖܒܚܵܐ ܩܕܘܿܫ ܩܘܼܖܫܹ̈ܐ. ܘܡܫܘܿܚ ܠܠܲܓܲܢ ܘܠܟܘܿܪܣܝܵܐ ܕܝܼܠܹܗ؛ ܘܸܡܩܵܕܸܫܠܲܝ. ܘܡܐܲܝܬܼܝܼ ܠܐܲܗܪܘܿܢ ܘܠܝ̈ܵܠܕܹ̄ܗ ܠܬܲܪܥܵܐ ܕܡܲܫܟܲܢ ܙܲܒܼܢܵܐ؛ ܘܡܲܨܟܼܝܼܠܲܝ ܒܡܵܝܵܐ، ܘܡܲܠܒܸܫ ܠܐܲܗܪܘܿܢ ܓٕܘܼܠ̈ܠܹܐ ܕܩܘܼܕܫܵܐ، ܘܡܫܘܿܚܠܸܗ؛ ܘܡܩܵܕܸܫܠܸܗ. ܘܥܵܒܸܖ ܟܵܗܢܘܼܬܼܵܐ ܛܵܠܝܼ. ܘܡܐܲܝܬܼܝܼܠܲܝ ܝ̈ܵܠܕܹ̄ܗ ܘܡܲܠܒܸܫܠܲܝ ܫܘܿܩ̈ܝܵܬܼܵܐ. ܘܸܡܫܘܿܚܠܲܝ ܕܐܲܝܟ ܕܸܡܫܸܚܠܘܼܟ ܠܐܲܗܪܘܿܢ ܐܵܚ̇ܘܿܢܘܼܟ. ܘܥܵܒܼܖܝܼܢ̄ ܟܵܗܢܘܼܬܼܵܐ ܛܵܠܝܼ. ܘܗܵܘܝܵܐ ܛܵܠܲܝܗܝ ܡܫܲܚܬܲܝܗܝ ܬܵܐ ܟܵܗܢܘܼܬܼܵܐ ܗܸܠ ܐܵܒܲܕ ܬܵܐ ܕܵܪܵܐ ܕܝܼܠܲܝܗܝ. ܘܥܒܸܖܠܸܗ ܡܘܼܫܸܐ ܟܠ ܡܸܢܕܝܼ ܕܟܸܡ ܦܵܩܸܖܠܸܗ ܡܵܪܝܵܐ؛ ܗܵܖܐܲܝܟ ܥܒܸܖܠܹܗ܀

 

ܚܒܪܐ

ܫܠܵܘ ܟܬܼܵܒܼܵܐ ܕܲܣܦܲܪ ܡܲܠܟ̈ܘܵܬܼܵܐ

ܒܲܪܸܟܼܡܵܪܝ

(1 Kings 8:10-28)

ܘܟܘܼܕ ܦܠܸܛܠܵܝ ܟܵܗ̈ܢܹܐ ܡܼܢ ܩܘܼܖܫܵܐ ܥܢܵܢܵܐ ܡܠܹܐܠܵܗ̇ ܠܒܲܝܬܼܵܐ ܕܡܵܪܝܵܐ ܘܠܵܐ ܗܘܸܐܠܹܘܒܲܝ ܟܵܗ̈ܢܹܐ ܠܸܩܝܵܡܵܐ ܘܠܸܟܼܕܵܡܵܐ ܡܼܢ ܩܲܕ̄ܡ ܥܵܢܵܢܵܐ، ܡܒܲܝܕ ܕܸܡܠܹܐܠܸܗ ܐܝܼܩܵܪܹܗ ܕܡܵܪܝܵܐ ܒܲܝܬܹܗ ܕܡܵܪܝܵܐ. ܗܵܝܓܵܗܵܐ ܐ̄ܡܹܪܠܸܗ ܫܠܹܝܡܘܿܢ؛ ܡܵܪܝܵܐ ܐܵܝܸܬ ܐ̄ܡܹܪܠܘܼܟ ܠܸܫܪܵܝܵܐ ܒܚܹ̇ܝܦܘܼܬܼܵܐ، ܘܐܵܢܵܐ ܒܢܵܝܵܐ ܒܢܹܐܠܝܼ ܒܹܝܬܼ ܡܲܥܡܪܵܐ ܛܵܠܘܼܟ، ܕܘܼܟܬܼܵܐ ܬܵܐ ܝܼܬܵܒܬܘܼܟ ܠܐܲܒܵܕܝܼܢ. ܘܡܘܼܕܥܪܠܸܗ ܡܲܠܟܵܐ ܦܵܬܸܗ، ܘܡܒܘܼܪܸܟܼܠܸܗ ܠܟܘܼܠܹܗ ܟܸܢܫܵܐ ܕܝܼܣܪܵܝܹܠ. ܘܟܠܹܗ ܟܸܢܫܵܐ ܕܝܼܣܪܵܝܹܠ ܩܝܼܡܵܐ ܗ̄ܘܹܐ ܗ̄ܘܵܐ ܘܐ̄ܡܹܪܠܸܗ؛ ܒܪܝܼܟܼܵܐ ܐܝܠܹܗ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ، ܕܡܘܼܚܟܹܐܠܹܗ ܒܟܸܡܹܗ ܥܸܡܸܕ ܕܵܘܝܼܖ ܒܵܒܝܼ، ܘܒܐܝܼܖܹܗ ܡܬܘܼܡܸܡܠܹܗ ܘܐ̄ܡܹܪܠܸܗ؛ ܡܼܢ ܝܲܘܡܵܐ ܕܡܘܼܦܸܩܠܝܼ ܠܥܲܡܵܐ ܕܝܼܠܝܼ ܒܢܲܝ̈ ܝܼܣܪܵܝܹܠ ܡܼܢ ܡܸܨܪܹܝܢ ܠܵܐ ܥܓܸܒܠܹܝܠܝܼ ܒܟٕܘܼ ܡܵܬܼܵܐ ܡܼܢ ܟܘܼܠܲܝܗܝ ܫܲܒܼ̈ܛܹܐ ܕܝܼܣܪܵܝܹܠ ܠܸܒܢܵܝܵܐ ܒܲܝܬܼܵܐ ܕܗܵܘܹܐ ܫܸܡܝܼ ܬܵܡܵܐ، ܐܸܠܵܐ ܓܒܹܐܠܝܼ ܠܕܵܘܝܼܖ ܬܲܕ ܗܵܘܹܐ ܥܸܠܸܕ ܥܲܡܵܐ ܕܝܼܠܝܼ ܝܼܣܪܵܝܹܠ؛ ܘܗܘܹܐܠܸܐ ܒܠܸܒܵܐ ܕܕܵܘܝܼܕ ܒܵܒܝܼ ܠܸܒܢܵܝܵܐ ܒܲܝܬܼܵܐ ܬܵܐܫܸܡܵܐ ܕܡܵܪܝܵܐ ܐܲܠܵܗܵܐ ܕܝܼܣܪܵܝܹܠ. ܘܐ̄ܡܹܪܠܸܗ ܡܵܪܝܵܐ ܬܵܐ ܕܵܘܝܼܖ ܒܵܒܝܼ؛ ܡܒܲܝܕ ܕܸܗܘܹܐ ܠܵܗ̇ ܒܠܸܒܘܼܟ ܠܸܒܢܵܝܵܐ ܒܲܝܬܼܵܐ ܬܵܐܫܸܡܵܐ ، ܛܲܒܼܬܵܐ ܥܒܸܖܠܘܼܟ ܕܸܗܘܹܐ ܠܵܗ̇ ܒܠܸܒܘܼܟ. ܐܸܠܐ ܐܵܝܸܬ ܠܵܐ ܟܒܵܢܸܬ ܒܹܝܬܼܵܐ ܬܵܐܫܸܡܵܐ، ܐܸܠܵܐ ܒܪܘܿܢܘܼܟ ܕܦܵܠܸܛ ܡܼܢ ܚܵܨܘܼܟ. ܐܵܗܘܼ ܒܸܕ ܒܵܢܹܐ ܒܲܝܬܼܵܐ ܬܵܐܫܸܡܵܐ؛ ܡܟܘܼܡܸܠܠܸܗ ܡܵܪܝܵܐ ܟܲܒܪܵܐ ܕܐ̄ܡܹܪܠܸܗ، ܘܩܸܡܠܝܼ ܒܕܘܼܟܬܼܵܐ ܕܕܵܘܝܼܖ ܒܵܒܝܼ ܘܝ̄ܬܸܒܼܠܝܼ ܥܸܠܸܕ ܟܘܼܪܣܝܵܐ ܕܝܼܣܪܵܝܹܠ ܕܐܲܝܟ ܕܐ̄ܡܹܪܠܸܗ ܡܵܪܝܵܐ. ܘܒܢܹܐܠܝܼ ܒܲܝܬܼܵܐ ܠܫܸܡܵܐ ܕܡܵܪܝܵܐ ܐܲܠܵܗܵܐ ܕܝܼܣܪܵܝܹܠ، ܘܡܘܼܬܸܒܼܠܝܼ ܬܵܡܵܐ ܩܹܒܼܘܼܬܼܵܐ ܕܩܲܘܠܹܗ، ܕܡܵܪܝܵܐ ܡܩܘܼܘܸܐܠܸܗ ܥܸܡܸܕ ܒܵܒܵܘ̈ܵܬܼܲܢ ܟܘܼܕ ܟܸܡ ܡܘܿܦܸܩܠܲܝ ܡܼܢ ܐܲܪܥܵܐ ܕܡܨܪܹܝܢ. ܘܩܸܡܠܸܗ ܫܠܹܝܡܘܿܢ ܩܲܕ̄ܡ ܡܲܖܒܚܹܗ ܕܡܵܪ݀ܵܐ ܒܲܪܩܘܼܒܼܠ ܟܘܼܠܹܗ ܟܸܢܫܵܐ ܕܝܼܣܪܵܝܹܠ. ܦܫܸܛܠܹܐ ܐܝܼ̈ܕܵܬܹܗ ܠܸܫܡܲܝܵܐ ܘܡܨܘܿܠܹܐܠܸܗ، ܘܐ̄ܡܹܪܠܸܗ؛ ܝܵܐ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ، ܠܹܝܬܼ ܐ̄ܟܼܗ̄ܘܵܬܼܘܼܟ ܒܸܫܡܲܝܵܐ ܡܼܢ ܠܥܹܠ ܘܥܸܠܸܕ ܐܲܪܥܵܐ ܡܼܢ ܠܬܲܚܬ̄، ܕܸܟܢܵܛܪܸܬ ܩܘܿܠ ܘܢܲܥܡܸܐ ܬܵܐ ܥܲܒܼܕܘܼܟ ܕܸܟܪܵܚ̇ܫܝܼܢ̄ ܩܵܖ̄ܡܘܼܟ ܒܚܲܩܘܼܬܼܵܐ. ܒܟܠܹܗ ܠܸܒܲܝܗܝ ܘܒܟܠܵܗ̇ ܓܝܵܢܲܝܗܝ، ܕܸܢܛܹܪܠܘܼܟ ܬܵܐ ܥܲܒܼܕܘܼܟ ܕܵܘܝܼܖ ܒܵܒܝܼ ܡܸܢܕܝܼ ܕܐ̄ܡܹܪܠܘܼܟ ܛܵܠܸܗ. ܕܡܘܼܚܟܹܐܠܘܼܟ ܒܟܸܡܘܼܟ ܘܒܐܝܼ̈ܕܵܬܼܘܼܟ ܡܟܘܼܡܸܠܘܼܟ ܡܐܲܝܟ ܕܐܸܕܝܘܼܡ̄ ܝܲܘܡܵܐ. ܘܕܲܗܵܐ ܝܵܐ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ، ܢܛܘܿܪ ܬܵܐ ܥܲܒܼܕܘܿܟ ܕܵܘܝܼܖ ܒܵܒܝܼ ܡܸܢܕܝܼ ܕܐ̄ܡܪܠܘܼܟ ܛܵܠܸܗ؛ ܕܠܵܐ ܟܒܵܛܸܠ ܡܸܢܘܼܟ ܒܪܘܿܢܵܐ ܡܼܢ ܩܵܖ̄ܡܝܼ ܗܘ ܕܝܵܬܸܒܼ ܥܸܠܸܕ ܟܘܿܪܣܝܵܐ ܕܝܼܣܪܵܝܹܠ. ܒܲܣ ܐܸܢ ܢܵܛܪܝܼܢ̄ ܒܢܘܿܢܘܼ̈ܟ ܐܘܼܪ̈ܚ̇ܵܬܼܵܐ ܕܝܼܠܲܝܗܝ، ܠܸܪܚ̇ܵܫܵܐ ܩܵܖ̄ܡܝܼ ܒܚܲܩܘܼܬܼܵܐ ܕܐܲܝܟ ܕܸܪܚܸ̇ܫܠܘܼܟ ܩܵܖ̄ܡܝܼ، ܕܲܗܵܐ ܝܵܐ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ. ܦܵܝܸܫ ܖܒܝܼܬܵܐ ܚ̇ܲܒܪܵܐ ܕܝܼܡܹܐܠܘܼܟ ܬܵܐ ܕܵܘܝܼܖ ܒܵܒܝܼ ܥܲܒܼܕܘܼܟ، ܡܒܲܝܕ ܒܚܲܩܘܼܬܼܵܐ ܝ̄ܬܸܒܼܠܸܗ ܐܲܠܵܗܵܐ ܥܸܠܸܕ ܐܲܪܥܵܐ. ܗܘܿܠܹܐ ܫܡܲܝܵܐ ܘܸܫܡܲܝ̈ ܫ̈ܡܲܝܵܬܼܸܵܐ ܠܵܐ ܟܛܵܥܢܝܼܢ̄ܠܘܼܟ؛ ܒܲܕܲܡ ܕܐܲܝܟ ܗܵܖܝܼ ܒܹܝܬܼܵܐ ܕܸܒܢܹܐܠܝܼ؛ ܦܬܼܘܿܠ ܝܵܐ ܡܵܪܝܵܐ ܥܸܠܸܕ ܨܠܘܿܬܼܵܐ ܕܥܲܒܼܕܘܼܟ ܘܥܸܠܸܕ ܡܲܛܠܲܒܸܐ ܕܝܼܠܹܗ؛ ܕܐܝܼܠܹܗ ܒܨܲܠܘܿܝܹܐ ܩܵܖ̄ܡܘܼܟ ܐܸܕܝܘܼܡ̄ ܝܲܘܡܵܐ، ܕܗܵܘܲܝܢ̄ ܥܲܝ̈ܢܘܼܟ ܦܬܼܝܼ̈ܚܹ̇ܐ ܥܸܠܸܕ ܗܵܖܝܼ ܒܲܝܬܼܵܐ ܒܝܲܘܡܵܐ ܘܠܹܝܠܹܐ، ܒܕܘܼܟܬܼܵܐ ܕܐ̄ܡܸܪܠܘܼܟ ܒܸܕ ܗܵܘܹܐ ܫܸܡܝܼ.

 

ܚܕܒܫܒܐ ܒ ܕܩܘܕܫ ܥܕܬܐ

ܦܵܘܠܘܿܣ ܫܠܝܼܚܵܐ ܐܸܓܲܪܬܵܐ ܕܲܠܘܵܬܼ ܥܸܒܼܪ̈ܵܝܹܐ ܐܲܚܲܝ̈ ܒܲܪܸܟܼܡܵܪܝ

(Hebrews 8:1-9:4)

ܘܪܹܫܵܐ ܕܟܠ ܗܵܢܝܼ، ܐܝܼܬܠܲܢ ܪܲܒ ܟܘܼܡܪܹ̈ܐ ܕܐܝܼܠܹܗ ܝ̄ܬܝܼܒܼܵܐ ܡ̣ܢ ܝܲܡܢܹܐ ܕܟܘܼܪܣܝܵܐ ܕܪܲܒܘܼܬܼܵܐ ܒܸܫܡܲܝܵܐ، ܘܕܦܸܫܠܹܗ ܟܲܕܵܡܵܐ ܕܒܹܝܬܼ ܩܘܼܖܫܵܐ ܘܕܡܲܫܸܟܢܵܐ ܕܚܲܩܘܼܬܼܵܐ ܗܵܘܵ ܕܟܸܡ ܡܘܿܬܸܒܼܠܹܗ ܐܲܠܵܗܵܐ ܘܠܵܐ ܒܢܲܝ̈ܢܵܫܵܐ. ܘܒܲܝܕ ܟܠ ܪܲܒ ܟܘܼܡܪܹ̈ܐ ܟܩܵܝܸܡ ܬܵܐ ܕܡܲܩܪܸܒܼ ܩܘܼܪ̈ܒܵܢܹܐ ܘܕܸܒܼܚܹ̈ܐ، ܡܗܵܖܐܲܝܟ ܟܠܵܙܸܡܗ̣̄ܘܵܐ ܗܲܡ ܬܵܐ ܗܵܖܝܼ ܚ̇ܵܖ̄ܡܸܢܕܝܼ ܕܡܲܩܪܸܒܼܠܹܗ. ܘܐܸܢ ܗ̄ܘܹܐܗ̣̄ܘܵܐ ܒܐܲܪܥܵܐ ܠܵܐ ܟܗܵܘܹܘܵܐ ܟܘܼܡܪܵܐ، ܡܒܲܝܕ ܐܝܼܬܼܗ̣̄ܘܵܐ ܟܘܼܡܪܹ̈ܐ ܕܡܲܩܸܪܒܼܝܼܢ̄ܗ̣̄ܘܵܐ ܩܘܼܪ̈ܒܵܢܹܐ ܕܐܲܝܟܼ ܕܐܝܼܠܵܗ̇ ܒܢܵܡܘܿܣܵܐ، ܐܵܗܢܲܝ  ܕܸܟܟܼܵܕܡܝܼܢ̄ ܠܕܘܼܡܝܵܐ ܘܛܸܠܵܢܝܼܬܼܵـܐ ܕܗܵܢ ܕܐܝܼܠܵܝ ܒܸܫܡܲܝܵܐ. ܕܐܲܝܟܼ ܕܦܸܫܠܹܗ ܐ̄ܡܝܼܪܵܐ ܬܵܐ ܡܘܼܫܹܐ ܟܘܼܕ ܐܵܗ̣ܘ ܒܸܥܒܼܵܖܵܐ ܡܲܫܟܢܵܐ؛ ܚ̇ܙܝܼ ܘܥܒܼܘܿܖ ܟܠܡܸܢܕܝܼ ܠܗܘܿ ܕܘܼܡܝܵܐ ܕܸܚ̇ܙܹܐܠܘܼܟܼ ܒܛܘܼܪܵܐ. ܘܕܲܗܵܐ ܟܸܕܡܸܬܵܐ ܕܐܝܼܠܵܗ̇ ܒܸܫ ܛܵܒܼ ܡ̣ܢ ܗܵܝܵ ܩܒܸܠܠܹܗ ܝܑܼܫܘܿܥ ܡܫܝܼܚܵܐ. ܕܐܲܝܟܼ ܕܐܝܼܠܸܗ ܒܸܫ ܛܵܒܼ ܗܲܡ ܥܲܗܕܵܐ ܕܝܼܠܹܗ ܐܵܗ̣ܘ ܥܒܼܝܼܖܵܐ ܛܵܠܹܗ̇ ܡܸܨܥܵܝܵܐ، ܘܒܓܘܿ ܩܲܘ̈ܠܹܐ ܕܐܝܼܠܵܝ ܒܸܫܛܵܒܼ ܡ̣ܢ ܐܗܵܢܵܝ ܕܦܸܫܠܵܝ ܗܒ̈ܝܼܠܹܐ. ܡܒܲܝܕ ܐܸܢ ܗ̄ܘ̣ܵܐܵܗ̇ ܗܵܝ ܩܲܖ̄ܡܲܝܬܼܵܐ ܕܠܵܐ ܠܘܿܡܵܐ ܠܲܝܬܼܗ̣̄ܘܵܐ ܕܘܼܟܬܼܵـܐ ܬܵܐ ܗܵܖܝܼ ܕܬܸܪ̄ܬܲܝܢ̄. ܡܒܲܝܕ ܟܕܵܪܹܐ ܠܘܿܡܵܐ ܘܟܐܵܡܸܪ: ܗܘܿܠܵܗ̇ ܒܸܕ ܐܵܬܲܝܢ̄ ܝܘܼ̈ܡܵܬܼܵܐ ܟܐܵܡܸܪ ܡܵܪܝܵܐ، ܘܒܸܕ ܡܟܲܡܠܸܢ ܬܵܐ ܒܲܝܬܼܵܐ ܕܒܝܼ ܝܣܪܵܝܹܠ ܘܬܵܐ ܒܲܝܬܼܵܐ ܕܒܝܼ ܝܼܗܘܼܖܵܐ ܥܗܕܵܐ ܚܲܖܬܵܐ. ܠܵܐ ܐ̄ܝܟܼ ܗܘܿܥܲܗܕܵܐ ܕܸܗܒܸܠܠܝܼ ܬܵܐ ܒܵܒܵܘܵܬܲܝܗܝ ܒܝܘܿܡܵܐ ܕܸܥܪܹܐܠܝܼ ܒܐܝܼܖܲܝܗܝ ܘܟܸܡ ܡܲܦܩܸܢܠܲܝ ܡ̣ܢ ܐܲܪܥܵܐ ܕܡܸܨܪܹܝܢ، ܡܒܲܝܕ ܕܐܲܢܗܝܼ ܠܵܐ ܖܒܸܠܵܝ ܒܥܲܗܕܵܐ ܕܝܼܠܝܼ. ܘܗܲܡ ܐܵܢܵܐ ܟܸܡܫܵܒܼܩܸܢܠܲܝ ܟܐܵܡܸܪ ܡܵܪܝܵܐ. ܘܗܵܖܝܼܠܹܗ ܥܲܗܕܵܐ ܕܝܵܗܒܸܢ ܬܵܐ ܒܲܝܬܼܵܐ ܕܒܝܼ ܝܼܣܪܵܝܹܠ ܒܵܬܸܪ ܗܵܢܲܝ ܝܘܼ̈ܡܵܬܼܵܐ ܟܐܵܡܸܪ ܡܵܪܝܵܐ؛ ܒܕܵܪܸܢ ܢܵܡܘܿܣܝܼ ܒܗܲܘܢܲܝܗܝ، ܘܥܸܠܸܕ ܠܸܒܵܘܵܬܲܝܗܝ ܒܟܵܬܼܒܸܢܠܸܗ، ܘܒܸܕ ܗܵܘܸܢ ܛܵܠܲܝܗܝ ܐܲܠܵܗܵܐ، ܘܒܸܕ ܗܵܘܲܝܢ̄ ܛܵܠܝܼ ܥܲܡܵܐ. ܘܠܵܐ ܟܡܘܿܠܸܦ ܐ̄ܢܵܫܵܐ ܠܒܸܪ ܕܸܡܕܝܼܢ̄ܬܹܗ ܘܗܲܡ ܠܵܐ ܠܐܲܚ̇ܘܿܢܹܗ ܘܒܸܕ ܐܵܡܸܪ؛ ܝܼܖܘܿܥ ܡܲܪܝܵܐ. ܡܒܲܝܕ ܟܠܲܝܗܝ ܒܸܕ ܝܵܖܥܝܼܢ ܠܝ ܡ̣ܢ ܙܥܘܿܪܲܝܗܝ ܘܗܸܠ ܪܲܒܲܝܗܝ܀