ܬܹܒܼܘ ܘܲܫܠܵܘ ܢܒܼܝܼܘܼܬܹܗ ܕܝܘܼܐܹܝܠ ܒܲܪܸܟܼܡܵܪܝ

(Joel 2:21-26)

      ܠܵܐ ܙܲܕܥܵܬ، ܝܵܐ ܐܲܪܥܵܐ؛ ܪܘܘܿܙܝ ܘܸܦܨܘܿܚܝ، ܒܹܝܕ ܕܸܥܠܹܝܠܸܗ ܡܵܪܝܵܐ ܠܸܥܒܼܵܖܵܐ. ܘܠܵܐ ܙܲܕܥܘܼܬܘܼܢ ܚܲܝܘܵܢܹ̈ܐ ܕܒܲܪܝܼܵܐ، ܡܒܹܝܕ ܕܸܢܒܹܐܠܸܗ ܓܸܠܵܐ ܒܓܘܿ ܒܲܪܝܼܵܐ، ܘܐܝܼܠܵܢܵܐ ܗܒܸܠܸܐ ܦܹܐܪܹ̈ܗ، ܘܕܵܠܝܼܬܼܵـܐ ܘܬܹܐܢܵܐ ܗܒܸܠܵܝ ܚܲܝܠܲܝ.

      ܦܸܨܚܘܼ ܒܢܲܝ̈ ܨܸܗܝܘܿܢ ܘܪܘܘܼܙܘܼܢ ܒܡܵܪܝܵܐ ܐܲܠܵܗܘܿܟܼܘܼܢ، ܕܸܟܝܲܗܒܸܠ ܛܵܠܘܿܟܼܘܼܢ ܡܹܐܟܼܘܼܠܬܵـܐ ܕܙܲܕܝܼܩܘܼܬܼܵܐ، ܘܕܸܟܡܲܢܚܸܬܼ ܛܵܠܘܿܟܘܼܢ ܡܸܛܪܵܐ ܣܸܬܘܵܝܵܐ ܘܩܲܝܛܵܝܵܐ ܡܐܲܝܟܼ ܩܵܖ̄ܡܲܝܬܼܵـܐ.

      ܘܒܸܕ ܡܵܠܵܝ̈ ܒܸܕܲܪ̈ܬܼܵܐ ܕܲܟܼܠܵܐ، ܘܒܸܕ ܫܵܦܟܼܝܼܢ̄ ܡܲܥܨܵܪܹ̈ܐ ܚܲܡܪܵܐ ܘܡܸܫܚܵܐ. ܒܸܕ ܦܲܪܥܸܢ ܛܵܠܘܿܟܼܘܼܢ ܫܸ̈ܢܹܐ ܕܐܟܸܠܸܐ ܩܲܡܨܵܐ ܦ̮ܵܝܵܪܵܐ، ܘܓٕܵܓܘܿܓܵܐ ܘܟٕܸܪܟٕܸܪܘܿܟܵܐ ܘܡܵܫܘܿܛܵܐ. ܥܲܣ̈ܟܵܪܵܬܼܝܼـ ܪܵܒܹܐ ܕܸܡܫܘܼܕܹܪܠܝܼ ܥܸܠܘܿܟܼܘܼܢ.

      ܒܸܕ ܐܵܟܼܠܘܼܬܘܼܢ، ܘܒܸܕ ܣܵܒܼܥܘܼܬܘܼܢ، ܘܒܸܕ ܡܫܲܒܚܘܼܬܘܼܢ ܠܫܸܡܵܐ ܕܡܵܪܝܵܐ ܐܲܠܵܗܘܿܟܼܘܼܢ، ܕܸܟܥܵܒܸܖ ܥܸܡܘܿܟܼܘܼܢ ܥܲܓٕܝܼܒ̈ܘܵܬܼܵܐ. ܘܠܲܦܸܫ ܢܵܟܹܦ ܥܲܡܵܐ ܕܝܼܠܝܼ ܗܸܠ ܐܵܒܲܕ. ܘܒܝܲܖܥܘܼܬܘܼܢ ܕܸܒܓܘܿ ܝܼܣܪܵܝܹܠ ܐܝܼܘܸܢ، ܐܵܢܲܝܘܸܢ ܡܵܪܝܵܐ ܐܲܠܵܗܘܿܟܼܘܼܢ، ܘܠܹܝܬܼ ܐ̄ܚܸܪ̄ܢܵܐ ܓܹܝܪ ܡܸܢܝܼ. ܘܠܵܐ ܟܢܵܟܸܦ ܥܲܡܵܐ ܕܝܼܠܝܼ ܠܐܵܒܲܕ ܟܐܵܡܸܪ ܡܵܪܝܵܐ ܚܲܝܠܵܢܵܐ܀ 

ܚܒܪܗ

ܫܠܵܘ ܦܪܲܟܣܝܼܣ ܕܲܫܠܝܼܚܹ̈ܐ ܒܲܪܸܟܼܡܵܪܝ

(Acts 4:5-22)

      ܘܝܲܘܡܵܐ ܐ̄ܚܸܪ̄ܢܵܐ ܓٕܡܸܥܠܵܝ ܪܹ̈ܫܵܢܹܐ ܘܣܵܒܹ̈ܐ ܘܩܵܪ̈ܝܹܐ ܓܘܿ ܐܘܿܪܸܫܠܹܡ، ܘܗܲܡ ܚܲܫܵܢ ܪܵܒܵܐ ܕܟܵܗ̈ܢܹܐ ܘܩܲܝܵܦ̮ܵܐ ܘܝܘܿܚܲܢܵܢ ܘܐܵܠܸܟܣܲܢܕܪܘܿܣ، ܗܵܢܲܝ ܕܗ̄ܘܵܐܗ̄ܘܵܐ ܡܢ ܛܵܐܝܼܦܵܐ ܕܪ̈ܒܹܐ ܕܟܵܗ̈ܢܹܐ. ܘܟܘܼܕ ܟܸܡ ܡܵܩܝܼܡܝܼܠܵܝ ܒܦܲܠܓܵܐ، ܡܒܘܼܩܹܐܪܠܵܝ ܡܸܢܲܝ؛ ܒܐܲܝܡܵܐ ܚܲܝܠܵܐ ܝܵܢ ܒܐܲܝܡܵܐ ܫܸܡܵܐ ܥܒܸܖܠܘܿܟܼܘܼܢ ܗܵܖܝܼ؟ ܐܲܝܓܵܗܵܐ ܫܸܡܥܘܿܢ ܟܹܐܦܵܐ ܡܠܹܝܠܸܐ ܡܢ ܪܘܼܚܵܐ ܕܩܘܼܕܫܵܐ، ܘܐܡܹܪܹܠ̄ܗ ܛܵܠܲܝ؛ ܝܵܐ ܪܹ̈ܫܵܢܹܐ ܕܥܲܡܵܐ ܘܣܵܒܹ̈ܐ ܕܒܝܼ ܝܼܣܪܵܝܹܠ، ܫܡܘܼܥܘܼ ܐܸܢ ܐܲܚܢܝܼܢ̄ ܐܸܕܝܘܿܡ̄ ܝܲܘܡܵܐ ܟܦܵܝܫܘܼܟܼ ܕܝܼܢܹ̈ܐ ܡܸܢܘܿܟܼܘܼܢ ܠܛܲܒܼܬܵـܐ ܕܸܡܫܘܼܪܹܝܠܵܗ ܬܵܐ ܒܲܪܢܵܫܵܐ ܟܪܝܼܗܵܐ ܕܸܒܓܘܿ ܡܲܗܵܐ ܒܣܸܡܠܹܗ ܗܵܖܝܼ، ܫܘܼܕ ܦܵܝܫܵܗ̇ ܝܼܕܸܥܬܵـܐ ܗܵܖܝܼ ܠܓܹܝܒܘܿܟܼܘܼܢ ܘܠܓܹܝܒܸܕ ܟܠܹܗ ܥܲܡܵܐ ܕܝܼܣܪܵܝܹܠ ܕܸܒܓܘܿ ܫܸܡܵܐ ܕܝܑܼܫܘܿܥ ܡܫܝܼܚܵܐ ܢܵܨܪܵܝܵܐ ܗܘ ܕܟܸܡ ܨܲܠܒܼܘܼܬܘܼܠܸܗ، ܘܐܲܠܵܗܵܐ ܟܸܡ ܡܘܿܩܸܡܠܸܗ ܡܢ ܒܝܼܢܝܼ ܡܝܼ̈ܬܹـܐ، ܒܓܘܿ ܗܘܿ ܫܸܡܵܐ ܗܘܿܠܹܗ ܟܸܠܝܵܐ ܩܵܡܘܿܟܼܘܼܢ ܐܵܗܘܼ ܒܣܝܼܡܵܐ. ܗܵܖܝܼܠܸܗ ܟܹܐܦܵܐ ܕܡܘܼܣܠܹܐܠܘܿܟܼܘܼܢ ܐܲܟܼܬܘܼܢ ܒܵܢܵܝܹ̈ܐ، ܘܐܵܗܘܼ ܗܘܹܐܠܸܗ ܪܹܫܵܐ ܬܵܐ ܩܘܿܪܢܝܼܬܼܵـܐ. ܘܠܹܝܬܼ ܒܐ̄ܢܵܫܵܐ ܚܸܢܵܐ ܚܵܠܵܨ، ܘܠܹܝܬܼ ܫܸܡܵܐ ܐ̄ܚܸܪ̄ܢܵܐ ܚܘܼ ܫܡܲܝܵܐ ܕܐܝܼܠܸܗ ܗܒܼܝܼܠܵܐ ܬܵܐ ܒܢܲܝ̈ܢܵܫܵܐ ܕܸܒܓܵܘܸܗ ܟܸܡ ܘܵܓٕܸܒ ܠܸܚܗܵܝܵܐ܀ 

ܚܕܒܫܒܐ ܕܬܪܝܢ ܕܫܠܝܚܐ

ܦܵܘܠܘܿܣ ܫܠܝܼܚܵܐ ܐܸܓܲܪܬܵܐ ܕܲܠܘܵܬܼ ܩܘܿܪ̈ܲܢܬܵܝܸܐ ܐܲܚܲܝ̈ ܒܲܪܸܟܼܡܵܪܝ

(1 Corinthians 6:1)

      ܡܵܐ ܒܸܕ ܡܓٕܵܣܸܪ ܐ̄ܢܵܫܵܐ ܡܸܢܘܿܟܼܘܼܢ ܟܘܼܕ ܐܝܼܬܼܠܸܗ ܕܝܼܢܵܐ ܥܸܡܸܕ ܐܵܚܘܿܢܹܗ، ܕܕܵܝܸܢ ܩܵܡܸܕ ܥܵܘ̈ܠܹܐ ܘܠܵܐ ܩܵܡܸܕ ܩܲܕܝܼܫܹ̈ܐ؟ ܝܵܢ ܠܵܐ ܟܝܲܖܥܘܼܬܘܼܢ ܕܩܲܕܝܼܫܹ̈ܐ ܠܥܵܠܡܵܐ ܒܸܕ ܕܵܝܢܝܼܢ̄؟ ܘܐܸܢ ܥܵܠܡܵܐ ܒܓܵܘܘܿܟܼܘܼܢ ܒܦܵܝܸܫ ܕܝܼܢܵܐ، ܡܵܐ ܠܵܐ ܟܚܵܫܚܘܼܬܘܼܢ ܠܸܕܝܵܢܵܐ ܕܝܼܢܹ̈ܐ ܕܵܩܝܼܩܹ̈ܐ؟ ܡܵܐ ܠܵܐ ܟܝܵܖܥܘܼܬܘܼܢ ܠܡܲܠܲܐ̈ܟܹܐ ܒܸܕ ܕܵܝܢܘܼܟܼ؟ ܚܲܖ̄ ܟܡܵܐ ܠܗܵܢܝܼ ܕܗܵܖܝܼ ܥܵܠܡܵܐ̄ܝܠܵܝ. ܐܸܠܵܐ ܐܸܢ ܐܝܼܬܼܠ̄ܘܿܟܼܘܼܢ ܕܝܼܢܵܐ ܥܸܠܸܕ ܥܵܠܡܵܐ ܠܗܵܢܵܝ ܕܝܼܠܵܝ ܡܘܼܣܸ̈ܠܝܹܐ ܒܥܖܬܵܐ ܡܲܬܒܼܘܼ ܒܕܝܼܢܵܐ. ܘܬܵܐ ܢܸܟܼܦܵܐ ܟܐܵܡܪܸـܢ ܛܵܠܘܿܟܼܘܼܢ. ܗܵܖܐܲܝܟܼ ܠܲܝܬܼ ܒܓܵܘܘܿܟܼܘܼܢ ܗܲܡ ܠܵܐ ܚܲܖ̄ ܚܲܟܝܼܡܵܐ ܕܗܵܘܹܐ ܒܹܗ ܕܸܡܨܵܠܸܚ ܒܝܼܢܝܼ ܐܵܚܘܿܢܵܐ ܠܐܵܚܘܿܢܹܗ، ܐܸܠܵܐ ܐܵܚܘܿܢܵܐ ܥܸܡܸܕ ܐܵܚܘܿܢܹܗ ܟܕܵܝܸܢ، ܘܗܲܡ ܩܵܡ ܗܵܢܲܝ ܕܠܵܐ ܟܸܡܗܲܝܸܡܢܝܼܢ̄.

      ܡܢ ܙܲܒܼܢܵܐ ܩܢܘܿܡܵܐ ܕܝܼܠܘܿܟܼܘܼܢ ܕܸܢܘܿܟܼܘܼܢ، ܕܕܝܼܢܵܐ ܚܲܖ̄ ܥܸܡܸܕ ܐ̄ܚܸܪ̄ܢܵܐ ܐܝܬܠܘܿܟܼܘܼܢ. ܡܒܹܝܕ ܡܵܐ ܠܵܐ ܟܦܵܝܫܘܼܬܘܼܢ ܛٕܠܝܼܡܹ̈ܐ. ܡܒܹܝܕ ܡܵܐ ܠܵܐ ܟܦܵܝܫܘܼܬܘܼܢ ܓܠܝܼܙܹ̈ܐ، ܐܸܠܵܐ ܐܲܟܼܬܘܼܢ ܟܛܵܠܡܘܼܬܘܼܢ ܘܟܓܵܠܙܘܼܬܘܼܢ ܗܲܡ ܠܐܵܚܸܢܘܵܬܼ̈ܘܿܟܼܘܼܢ.

      ܝܵܢ ܠܵܐ ܟܝܵܖܥܘܼܬܘܼܢ ܕܥܵܘ̈ܠܹܐ ܡܲܠܟܘܼܬܼܵܐ ܕܐܲܠܵܗܵܐ ܠܵܐ ܟܝܵܪܬܼܝܼܢ̄. ܠܵܐ ܛܵܥܘܿܬܘܼܢ. ܠܵܐ ܙܲܢܵܝܹ̈ܐ، ܘܠܵܐ ܦܵـܠܵܚܹ̈ܐ ܕܨܵܢܵܡܹ̈ܐ، ܘܠܵܐ ܓܲܝܵܪܹ̈ܐ، ܘܠܵܐ ܡܚܵܒܿܠܵܢܹ̈ܐ، ܘܠܵܐ ܕܵܡܵܟܹ̈ܐ ܥܸܡܸܕ ܐܘܿܪ̈ܙܹܐ، ܘܠܵܐ ܛܵܡܵܥܹ̈ܐ، ܘܠܵܐ ܓܵܢܵܒܹ̈ܐ، ܘܠܵܐ ܪ̈ܵܘܵܝܹܐ، ܘܠܵܐ ܡܨܵܥܪ̈ܵܢܹܐ، ܘܠܵܐ ܚܵܛܘܿܦܹ̈ܐ؛ ܗܵܢܝܼ ܡܲܠܟܘܼܬܼܵܐ ܕܐܲܠܵܗܵܐ ܠܵܐ ܟܝܵܪܬܼܝܼܢ̄. ܘܗܵܢܝܼ ܐܝܼܬܼ ܗ̣̄ܘܵܐ ܒܐ̄ܢܵܫܵܐ ܐ̄ܢܵܫܵܐ ܡܸܢܘܿܟܼܘܼܢ. ܐܸܠܵܐ ܣܟܹܝܠܘܿܟܼܘܼܢ ܘܦܸܫܠܘܿܟܼܘܼܢ ܡܩܘܼܕܫܹ̈ܐ ܘܡܙܘܼܕܩܹ̈ܐ ܒܫܸܡܵܐ ܕܡܵܪܲܢ ܝܑܼܫܘܿܥ ܡܫܝܼܚܵܐ ܒܪܘܼܚܵܐ ܕܐܲܠܵܗܲܢ܀