|
ܩܪܝܢܐ
ܐܵܠܵܗ ܚܘܿܢ ܥ̄ܠ ܥܲܡܵܐ ܕܝܼܠ̄ܘܼܟܼ، ܕܒܸܬܝܵܒܼܘܼܬܼܵܐ
ܟܩܵܪܹܐܠܘܼܟܼ.
ܚܙܝܼ ܕܐܸܢ ܟܲܒܝܼܪܵܐ ܚܛܹܐܠܲܢ، ܠܫܸܡܘܼܟܼ ܟܲܒܝܼܪܵܐ ܫܟܹܪܠ̄ܢ.
ܠܵܐ ܟܫܵܟܠܵܐܠܵܗ ܠܒܵܒܘܼܬܼܘܼܟܼ، ܒܟܲܪܝܘܼܬܼܵܐ ܓܼܲܠܩܸܬ
ܬܲܪܥܘܼܟܼ.
ܠܚܲܒܼܪܹܗ ܟܸܡܣܵܠܸܐ ܐ̄ܢܵܫܵܐ، ܙܵܝܸܕ ܠܓܹܝܒܲܢ ܣܘܼܠܵܝܘܼܟܼ.
ܘܗܲܪ ܗܵܕܐܲܝܟܼ ܡܨܵܠܸܚ ܥܸܡܲܢ، ܕܐܵܝܸܬ ܐܝܼܘܸܬ ܫܘܼܒܼܗܵܪܢ.
ܠܵܐ ܝܼܖܸܥܠܲܢ ܬܲܪܥܵܐ ܐ̄ܚܸܪ̄ܢܵܐ، ܓܼܹܝܪ ܡܢ ܬܲܪܥܘܼܟܼ
ܒܵܪܘܼܝܲܢ.
ܠܓܹܝܒܸܕ ܡܵܢ ܐ̄ܙܵܠܲܢ ܠܵܓٕܘܼܟܼ،
ܐ̄ܢ ܗܵܘܸܐ ܕܡܵܪܢ ܡܣܵܝܸܒܠܲܢ.
ܡܵܢܝܼ ܟܕܵܡܸܐ ܠܒܵܪܘܿܝܲܢ، ܕܡܲܚܸܠܦܘܼܟܼ ܒܸܗ ܠܐܵܠܵܗܲܢ.
ܡܵܢܝܼ ܒܲܣܝܼܡܵܐ ܐ̄ܟܼܘܵܬܼܘܼܟܼ، ܬܲܕ ܦܵܬܸܠ ܒܲܬܼܪܹܗ ܗܘܿܢܲܢ.
ܗܲܠ ܧܘܼܪܣܵܐ ܒܚܲܢܝܼܢܘܼܬܼܘܼܟܼ، ܬܲܕ ܐܲܚܢܝܼܢ̄ ܡܐܲܕܒܘܼܟܼ
ܩܢܘܿܡܲܢ.
ܗܲܒܼ̄ܠܲܢ ܧܘܼܪܣܵܐ ܒܢܲܥܡܸܬܘܼܟܼ، ܕܐܲܚܢܝܼܢ̄ ܡܟ̭ܲܟܼܣܘܼܟܼ
ܒܝܼܫܵܬܲܢ.
ܗܲܒܼܠܲܢ ܧܘܼܪܣܵܐ ܕܲܝܵܢܲܢ، ܕܕܹܝܢܘܼܟܼ ܓܝܵܢܲܢ ܒܸܥܒܼ̈ܖܲܝܢ.
ܗܲܠ ܧܘܼܪܣܵܐ ܡܚܲܫܸܒܢܵܢܲܢ، ܬܲܕ ܡܵܫܘܼܟܼ ܒܕܸܡܥܸܐ ܓܢܵܗܲܝ̈ܢ.
ܗܲܒܼܠܲܢ ܧܘܼܪܣܵܐ ܪܲܒܟܘܼܡܪܸܐ، ܒܨܸܦܝܘܼܬܼܵܐ ܩܹܝܡܘܼܟܼ
ܩܵܖ̄ܡܘܼܟܼ.
ܫܡܘܿܥ ܒܵܥܘܼܬܼܵܐ ܕܣܵܓܼܖ̈ܘܼܟܼ، ܘܗܲܒܼܠܲܢ ܒܪ̈ܲܚܡܘܼܟܼ
ܣܢܝܼܩܘܼܬܲܢ.
ܨܠܘܿܬܼܵܐ ܩܖܝܼܠܵܐ ܕܸܒܪܝܼܬܼܵܐ، ܦܵܬܼܚܵܐܠܲܢ ܬܲܪܥܵܐ
ܕܪ̈ܲܚܡܘܼܟܼ.
ܛܵܒܼܵܐ ܕܩܲܛ ܠܵܐ ܟܸܡܛܵܚܸܪ، ܡܩܲܠܩܸܠ ܛܵܠܲܢ ܦܘܼܪܩܵܢܘܼܟܼ.
ܟܡܘܿܕܘܼܟܼ ܐܲܚܢܝܼܢ̄ ܕܸܚܛܹܐܠܲܢ، ܠܵܐ ܢܵܟܪܵܐ ܠܲܢ ܢܲܥܡܸܬܘܼܟܼ.
ܟܡܵܠܝܵܐ ܗܵܖܝܼ ܬܵܐ ܢܸܟܼܦܲܢ، ܕܥܸܠܘܼܟܼ ܒܲܣܝܼܡܵܐ ܓܼܠܸܛܠܲܢ.
ܬܵܐ ܗܘܿ ܕܐܝܼܠܸܗ ܗܘܿܢܵܢܵܐ، ܠܲܘܡܵܐ ܪܲܒ ܡܢ ܡܚܵܝܵܐܝܼܠܸܗ.
ܠܝܵܖܵܥܵܐ ܪܓܼܵܫܬܹܗ ܒܓܼܸܠܛܹܗ، ܒܸܫ ܝܲܩܘܼܪܬܵܐܝܼܠܵܗ ܡܩܲܬܵܐ.
ܒܸܪ ܕܚܹܐܪܸܐ ܒܸܫ ܡܪܲܙܵܠܸܐ، ܟܢܵܟܸܦ ܡܢ ܥܲܘܠܵܐ ܕܟܥܵܒܸܖ.
ܬܵܐ ܡܵܢܝܼ ܕܐܝܼܬܠܸܗ ܗܲܘܢܵܐ، ܥܲܘܠܵܐ ܟܡܲܡܪܸܥ ܒܸܫ ܡܩܲܬܵܐ.
ܡܲܢ ܕܸܟܙܵܕܹܥ ܡܢ ܩܲܬܵܐ، ܚܖܵܐ ܫܹܥܬܼܵܐ ܟܙܵܕܹܥ ܘܒܲܣܵܐ،
ܡܵܢܝܼ ܕܡܢ ܥܲܘܠܵܐ ܟܙܵܕܹܥ، ܙܕܥܘܿܬܹܗ ܙܲܝܢܵܐܝܼܠܵܗ ܛܵܠܹܗ.
ܗܘܿ ܕܟܢܵܟܸܦ ܡܢ ܐ̄ܢܵܫܵܐ، ܒܐܘܿܕܸܬܸܗ ܐܝܼܬܸܒܸܗ ܕܚܵܛܸܐ.
ܗܘܿ ܕܟܢܵܟܸܦ ܡܐܵܠܵܗܵܐ، ܠܲܝܬ̄ܒܸܗ ܬܲܕ ܚܵܛܸܐ ܒܛܸܫܘܵܐ.
ܕܠܹܝܬܼ ܕܘܼܟܬܼܵܐ ܕܚܵܛܸܐ ܒܓܵܘܵܗ، ܕܐܵܠܵܗܵܐ ܒܟܠ
ܕܘܼܟܬܼܵܐܝܼܠܸܗ.
ܠܛܵܒܼܵܐ ܐܵܝܸܬ ܠܵܐ ܡܵܚܸܬ، ܓܝܵܢܹܗ ܒܡܵܚܸܐ ܐܸܢ ܓܼܵܠܸܛ.
ܚܲܟܝܼܡܵܐ ܗܲܪ ܡܢ ܓܝܵܢܹܗ، ܩܲܬܹܗ ܟܡܵܚܝܵܐ ܒܸܩܢܘܿܡܹܗ.
ܟܡܵܠܝܵܐ ܛܵܠܹܗ ܢܸܟܼܦܘܼܬܹܗ، ܬܵܐ ܗܘܿ ܕܸܟܪܵܓܸܫ ܒܓܸܠܛܹܗ.
ܟܡܵܠܝܵܠܲܢ ܗܵܖ ܢܸܟܼܦܘܼܬܼܵܐ، ܕܸܠܒܵܪܘܿܝܲܢ ܡܘܼܓٕܓܹܝܪܠܲܢ.
ܥ̄ܠ ܦܵܬܲܢ ܨܘܼܪܬܵܐ ܕܦܲܫܡܲܢܬܵܐ، ܕܐܝܼܠܵܗ ܢܝܼܫܵܢ ܕܸܢܟܼܝܼܦܸܐ.
ܟܡܵܠܹܐܠܲܢ ܡܵܪܝܼ ܢܸܟܼܦܲܢ، ܕܟܸܡܛ̇ܲܠܡܘܿܟܼܠܵܗ ܠܛܵܒܼܘܼܬܼܘܼܟܼ.
ܟܡܵܠܝܵܐ ܡܵܪܝܼ ܠܚܲܛܵܝܸܐ، ܕܥܲܒܼܕܸܐ ܒܝܼܫܸܐ ܩܵܪܹܝܢ ܠܲܢ.
ܘܐܵܦ ܒܪܝܼܬܵܐ ܒܟܹܐܢܘܼܬܼܵܐ، ܟܸܡܟ̭ܵܟܼܣܵܐܠܲܢ ܒܓܸܠܝܘܼܬܼܵܐ.
ܘܫܘܼܕ ܡܛܘܼܫܹܐܠܲܢ ܣܲܢܝܵܬܼܲܢ، ܒܵܠܵܝܸܐ ܟܸܡܓܵܠܝܢ̄ ܠܵܝܗܝ.
ܘܟܘܼܕ ܠܹܝܬܼ ܢܒܼܝܼܵܐ ܕܟܸܡܟ̭ܵܟܸܣ، ܒܵܠܵܝܸܐ ܟܢܵܦܠܝܼܢ̄
ܥ̄ܠܒܝܼܫܸܐ.
ܘܒܸܫܒܼܵܩܬܵܐ ܕܪܘܼܚܵܐ ܕܩܘܼܖܫܵܐ، ܡܢ ܦܘܿܚܵܐ ܣܦܝܼܩܵܐ ܡܠܹܐܠܲܢ.
ܘܟܘܼܕ ܠܹܝܬܼ ܕܓ̱ܵܘܸܟܼ ܘܟܸܡܟ̭ܵܟܸܣ، ܒܩܲܡܨܵܐ ܦܸܫܠܵܗ
ܟ̭ܵܟܼܵܣܬܲܢ.
ܘܠܹܝܬܼ ܕܸܡܥܵܝܸܛ ܘܟܸܡܐܵܕܸܒ، ܡܐܲܕܒܵܢܲܢ ܒܲܪܖܵܐ ܦܸܫܠܸܗ.
ܕܠܹܝܬܼ ܕܸܒܩܲܬܵܐ ܟܡܲܙܕܹܥܠܲܢ، ܪܘܿܖܵܢܵܐ ܟܡܲܪܸܥܠܵܐܠܲܢ.
ܗܝܵܓ̱ܬܵܐ ܕܦܘܿܚܵܐ ܕܸܗܘܹܐܠܵܗ، ܟ̭ܵܟܼܣܬܵܐ ܪܲܒܬܼܵܐ ܗܘܹܐܠܵܗ̄.
ܕܚܵܫܒܼܘܼܟܼܗ̄ܘܵܐ ܓܝܵܢܲܢ ܡܸܢܕܝܼ، ܦܸܫܠܲܢ ܟܼܘܵܬܸܕ ܟ̭ܘܼ
ܡܸܢܕܝܼ.
ܕܚܵܫܒܼܘܼܟܼܗ̄ܘܵܐ ܓܝܵܢܲܢ ܐ̄ܢܵܫܸܐ، ܘܚܹܝܘܵܢ ܒܸܫ ܟܧܵܗܸܡ
ܡܸܢܲܢ.
ܓٕܓܹܝܪܠܵܝ
ܡܸܢܲܢ ܒܸܪܝܵܬܼܵܐ، ܡܒܹܝܕ ܒܵܪܘܿܝܲܢ ܡܘܼܔٕܓܹܝܪܠܲܢ.
ܫܸܡܫܵܐ ܒܸܫܡܲܝܵܐ ܛܫܹܐܠܵܗ، ܕܙܸܕܠܵܗ ܒܐܲܪܥܵܐ ܣܲܟܼܠܘܼܬܲܢ.
ܘܸܒܚܹܝܦܘܼܬܼܵܐ ܡܟܘܼܣܹܝܠܵܗ، ܡܢܸܟܼܦܘܼܬܼܵܗ ܡܢ ܛ̇ܵܠܘܿܡܸܐ.
ܘܐܵܦ ܣܹܗܪܵܐ ܫܪܵܓܼܵܐ ܕܚܸܫܟܵܐ، ܒܸܥܢܵܢܸܐ ܩܪܸܡܠܵܗ ܦܵܬܹܗ.
ܘܡܸܟܼ ܡܘܼܫܸܐ ܦܸܫܠܸܗ ܡܝܘܼܩܪܵܐ، ܕܗܵܕܲܟܼ ܐܲܚܢܝܼ ܒܸܫ
ܡܪܲܙܠܘܼܟܼ
ܐܝܹܟܵܐ ܕܐܝܼܬܼܗ̄ܘܵܐ ܙܲܕܝܼܩܸܐ، ܠܙܲܟܼܡܸܐ ܬܒܹܪܠܵܝ
ܒܸܨܠܘܿܬܼܵܐ.
ܟܹܐܢܸܐ ܠܡܝܼܬܸܐ ܡܘܼܩܸܡܠܵܝ، ܒܓܵܘܲܢ ܟܪܵܥܸܐ ܡܘܿܬܼܵܢܐ.
ܒܵܬܸܐ ܒܟܹܐܢܸܐ ܡܒܘܼܪܸܟܼܠܲܗܝ، ܐ̄ܣܦܸܩܬܲܢ ܚܪܸܒܼܠܵܗ
ܒܸܚܛܝܼܬܲܢ.
ܥܸܒ̈ܘܿܝܲܢ ܘܦܠܵܛܲܢ ܟܪܵܡܙܝܼܢ̄، ܕܟ̭ܝܡܘܼܟܼ ܟܸܡܲܢ ܟܠܵܙܡܵܐܠܲܢ.
ܙܕܘܿܥܝܵܬܼܵܐ ܕܟܫܵܓܼܫܝܼܢ̄ ܠܲܢ، ܠܟܹܐܢܸܐ ܚܘܼܠܡܸܐ ܚܫܝܼܒܼܝܼܢ̄
ܗ̄ܘܵܘ.
ܗܵܢܝܼ ܪܓܼܝܼܫܸܐ ܠܵܐ ܙܕܹܥܠܵܝ، ܐܲܚܢܝܼܢ̄ ܡܢ ܚܘܼܠܡܸܐ ܙܕܹܥܠܲܢ.
ܕܢܵܝܼܐܹܝܠ ܒܓܘܼܒܵܐ ܙܟܸܡܠܸܗ، ܘܒܝܼ ܚܲܢܵܢܝܵܐ ܒܐܲܬܘܼܢܵܐ.
ܘܛܵܠܲܢ ܙܕܥܘܿܬܼܵܐ ܒܐܘܿܕܵܬܼܵܐ، ܘܒܸܫܘܝܼܬܼܵܐ ܚܘܼܠܡܸܐ
ܫܓܼܝܼܫܸܐ.
ܗܵܢܝܼ ܟܡܵܠܹܝܢ̄ ܬܵܐ ܢܸܟܼܦܲܢ، ܕܡܢ ܩܵܠܵܐ ܕܛܲܪܦܵܐ ܟܪܵܥܠܘܼܟܼ.
ܗܵܢܝܼ ܟܡܵܠܹܝܢ̄ ܬܲܕ ܩܲܢܥܘܼܟܼ، ܕܠܵܐ ܦܝܼܫ ܠܹܗ ܒܲܢ
ܢܸܟܼܦܘܼܬܼܵܐ.
|
