ܛܟܣܐ ܕܓܠܝܢܗ ܕܡܪܢ

ܟܵܗܢܵܐ: ܒܫܸܡ ܐܲܒܵܐ ܘܲܒܪܵܐ ܘܪܘܼܚܵܐ ܕܩܘܼܖܫܵܐ.

ܬܸܫܒܘܿܚܬܵܐ ܠܐܲܠܵܗܵܐ ܒܲܡܪ̈ܲܘܡܹܐ، ܘܥܲܠ ܐܲܪܥܵܐ ܫܠܵܡܵܐ ܘܣܲܒܼܪܵܐ ܛܵܒܼܵܐ ܠܲܒܢܲܝ̈ܢܵܫܵܐ ܒܟܠܥܸܕܵܢ ܠܥܵܠܡܝܼܢ.       

ܥܲܡܵܐ: ܒܲܪܸܟܼܡܵܪܝ، ܐܲܒܘܼܢ ܕܒܲܫܡܲܝܵܐ ܢܸܬܼܩܲܕܲܫ ܫܡܵܟܼ ܬܹܐܬܸܐ ܡܲܠܟܘܼܬܼܵܟܼ؛ ܩܲܕܝܼܫ ܩܲܕܝܼܫ ܩܕܝܼܫܲܬ ܐܲܒܘܼܢ ܕܒܲܫܡܲܝܵܐ، ܕܲܡܠܹܝܢ ܫܡܲܝܵـ̈ܐ ܘܐܲܪܥܵܐ ܪܲܒܘܼܬܼ ܫܘܼܒܼܚܵܟܼ. ܥܝܼܪܹ̈ܐ ܘܐ̄ܢܵܫܵـ̈ܐ ܩܵܥܹܝ̇ܢ ܠܵܟܼ؛ ܩܲܕܝܼܫ ܩܲܕܝܼܫ ܩܕܝܼܫܲܬ.         

ܟܵܗܢܵܐ: ܫܘܼܒܼܚܵܐ ܠܐܲܒܵܐ ܘܠܲܒܪܵܐ ܘܲܠܪܘܼܚܵܐ ܕܩܘܼܖܫܵܐ.   

ܥܲܡܵܐ: ܡܢ݂ ܥܵܠܲܡ ܘܲܥܖܲܡܵܐ ܠܥܵܠܲܡ ܐܵܡܹܝܢ ܘܐܵܡܹܝܢ. ܐܲܒܘܼܢ ܕܒܲܫܡܲܝܵܐ ܢܸܬܼܩܲܕܲܫ ܫܡܵܟܼ...

[ܘܐܸܢ ܡܸܫܬܲܡܫܝܼܢ ܐ̄ܪ̈ܵܙܹܐ ܒܵܬܲܪ ܨܠܘܿܬܼܵܐ ܛܲܟܼܣܵܝܬܵܐ، ܡܫܲܪܹܝܢ:]

ܫܲܡܵܫܵܐ: ܫܠܵܡܵܐ ܥܲܡܲܢ.   

ܟܵܗܢܵܐ: ܩܖܵܡ ܬܪܘܿܢܘܿܣ ܡܵܪܝ ܫܒܼܝܼܚܵܐ ܕܪܲܒܘܼܬܼܵܟܼ، ܘܟܘܼܪܣܝܵܐ ܪܵܡܵܐ ܘܲܡܥܲܠܝܵܐ ܕܐܝܼܩܵܪܵܟܼ، ܘܒܹܝܡܵܐ ܕܚܝܼܠܬܵܐ ܕܥܲܙܝܼܙܘܼܬܹܗ ܕܚܘܼܒܵܟܼ، ܘܡܲܖܒܚܵܐ ܡܚܲܣܝܵܢܵܐ ܕܲܩܒܲܥ ܪܸܡܙܵܟܼ، ܘܐܲܬܼܪܵܐ ܕܡܲܫܪܝܹܗ ܕܫܘܼܒܼܚܵܟܼ، ܚܢܲܢ ܥܲܡܵܟܼ ܘܥܵܢ̈ـܵܐ ܕܡܲܪܥܝܼܬܼܵܟܼ، ܥܲܡ ܐܲܠܦܹ̈ܐ ܕܲܟܪ̈ܘܿܒܹܐ ܡܗܲܠܠܵܢܲܝ̈ܟ ܘܪܸ̈ܒܘܵܬܼܵܐ ܕܲܣܪ̈ܵܦܹܐ ܘܲܕܪ̈ܲܒܲܝ ܡܲܠܲܐܟܹ̈ܐ ܡܩܲܕܫܵܢܲܝ̈ܟ، ܒܵܪܟܝܼܢܲܢ ܘܣܵܓܼܕܝܼܢܲܢ، ܘܡܲܘܕܝܹܢܲܢ ܘܲܡܫܲܒܚܝܼܢܲܢ، ܒܟܠܥܸܕܵܢ ܡܵܪܵܐ ܕܟܠ، ܐܲܒܵܐ ܘܲܒܪܵܐ ܘܪܘܼܚܵܐ ܕܩܘܼܖܫܵܐ ܠܥܵܠܡܝܼܢ.                  

(ܥܘܿܢܝܼܬܼܵܐ ܕܩܲܢܟܹܐ)

ܫܲܡܵܫܵܐ: ܫܠܵܡܵܐ ܥܲܡܲܢ.

ܟܵܗܢܵܐ: ܘܡܵܐ ܕܦܵܐܲܚ ܒܲܢ ܡܵܪܲܢ ܘܐܲܠܵܗܲܢ ܪܹܝܚܵܐ ܗܲܢܝܼܐܵܐ ܕܒܲܣܝܼܡܘܼܬܹܗ ܕܚܘܼܒܵܟܼ، ܘܢܵܗܪ̈ܵܢ ܢܲܧܫ̈ܵܬܲܢ ܒܝܼܖܲܥܬܹܗ ܕܲܫܪܵܪܵܟܼ، ܢܸܫܬܘܸܐ ܕܢܲܩܒܸܠ ܓܸܠܝܵܢܵܟܼ ܕܡܢ݂ ܫܡܲܝܵܐ. ܘܥܲܠ ܐܲܦܲـܝ̈ ܟܠܗܘܿܢ ܥܘܼܖܪ̈ܵܢܲܝܟ ܘܛܲܝ̈ܒܘܵܬܼܵܟܼ ܕܲܠܘܵܬܲܢ ܕܠܵܐ ܡܸܬܼܦܲܪܥܝܼܢ، ܢܲܘܕܸܐ ܠܵܟܼ ܘܲܢܫܲܒܚܵܟܼ ܕܠܵܐ ܫܲܠܘܵܐ ܒܥܹܕܬܵܟܼ ܡܟܲܠܲܠܬܵܐ ܡܲܠܝܲܬܼ ܟܠ ܥܘܼܖܪ̈ܵܢܝܼܢ ܘܟܠ ܛܘܼܒܼܝܼ̈ܢ، ܕܐܲܢ̄ܬܘܼ ܡܵܪܵܐ ܘܒܵܪܘܿܝܵܐ ܕܟܠ ܠܥܵܠܡܝܼܢ.

ܥܲܡܵܐ: ܐܵܡܹܝܢ. ܠܵܟܼܘܼ ܡܵܪܵܐ ܕܟܠܵܐ ܡܲܘܕܹܝܢܲܢ، ܘܠܵܟܼ ܝܑܼܫܘܿܥ ܡܫܝܼܚܵܐ ܡܫܲܒܚܝܼܢܲܢ، ܕܐܲܢ̄ܬܘܼ ܡܢܲܚܡܵܢܵܐ ܕܦܲܓܼܪ̈ܲܝܢ، ܘܐܲܢ̄ܬܘܼ ܦܵܪܘܿܩܵܐ ܕܢܲܧܫ̈ܵܬܲܢ.

ܫܲܡܵܫܵܐ: ܛܵܒܼ ܠܡܲܘܕܵܝܘܼ ܠܡܵܪܝܵܐ ܘܲܠܡܸܙܡܲܪ ܠܲܫܡܵܟܼ ܡܪܲܝܡܵܐ. ܥܲܡܵܐ: ܠܵܟܼܘܼ ܡܵܪܵܐ... ܘܫܲܪܟܵܐ.

ܫܲܡܵܫܵܐ: ܫܘܼܒܼܚܵܐ ܠܐܲܒܵܐ ܘܠܲܒܪܵܐ ܘܲܠܪܘܼܚܵܐ ܕܩܘܼܖܫܵܐ، ܡ̣ܢ ܥܵܠܲܡ ܘܲܥܖܲܡܵܐ ܠܥܵܠܲܡ ܐܵܡܹܝܢ ܘܐܵܡܹܝܢ.

ܥܲܡܵܐ: ܠܵܟܼܘܼ ܡܵܪܵܐ...

ܫܲܡܵܫܵܐ: ܢܨܲܠܸܐ. ܫܠܵܡܵܐ ܥܲܡܲܢ.

ܟܵܗܢܵܐ؛ ܐܲܢ̄ܬܘܼ ܡܵܪܝ ܫܲܪܝܼܪܵܐܝܼܬܼ ܡܢܲܚܡܵܢܵܐ ܕܦܲܓܼܪ̈ܲܝܢ، ܘܐܲܢ̄ܬܘܼ ܦܵܪܘܿܩܵܐ ܛܵܒܼܵܐ ܕܢܲܧܫ̈ܵܬܲܢ، ܘܲܡܢܲܛܪܵܢܵܐ ܐܲܡܝܼܢܵܐ ܕܚܲܝܲܝ̈ܢ، ܘܠܵܟܼ ܚܲܝܵܒܼܝܼܢܲܢ، ܕܢܲܘܕܸܐ ܘܢܸܣܓܘܿܖ ܘܲܢܫܲܒܲܚ ܒܟܠܥܸܕܵܢ، ܡܵܪܵܐ ܕܟܠ ܠܥܵܠܡܝܼܢ. 

ܥܲܡܵܐ: ܐܵܡܹܝܢ.

ܛܟܣܐ ܕܡܠܬܐ ܕܐܠܗܐ

ܫܲܡܵܫܵܐ: ܐܲܪܝܼܡܘ ܩܵܠܟܼܘܿܢ ܘܫܲܒܲܚܘ ܟܠܹܗ ܥܲܡܵܐ ܠܐܲܠܵܗܵܐ ܚܲܝܵܐ.

ܥܲܡܵܐ: ܩܲܕܝܼܫܵܐ ܐܲܠܵܗܵܐ، ܩܲܕܝܼܫܵܐ ܚܲܝܠܬܼܵܢܵܐ، ܩܲܕܝܼܫܵܐ ܠܵܐ ܡܵܝܘܿܬܼܵܐ، ܐܸܬܼܪܲܚܲܡܥܠܲܝܢ.                                 

ܫܲܡܵܫܵܐ: ܫܘܼܒܼܚܵܐ ܠܐܲܒܵܐ ܘܠܲܒܪܵܐ ܘܲܠܪܘܼܚܵܐ ܕܩܘܼܖܫܵܐ.

ܥܲܡܵܐ: ܩܲܕܝܼܫܵܐ ܐܲܠܵܗܵܐ... ܘܫܲܪܟܵܐ.

ܫܲܡܵܫܵܐ: ܡܢ݂ ܥܵܠܲܡ ܘܲܥܖܲܡܵܐ ܠܥܵܠܲܡ ܐܵܡܹܝܢ ܘܐܵܡܹܝܢ.

ܥܲܡܵܐ: ܩܲܕܝܼܫܵܐ ܐܲܠܵܗܵܐ... ܘܫܲܪܟܵܐ.

ܫܲܡܵܫܵܐ: ܢܨܲܠܸܐ. ܫܠܵܡܵܐ ܥܲܡܲܢ.

ܟܵܗܢܵܐ؛ ܩܲܕܝܼܫܵܐ ܘܲܫܒܼܝܼܚܵܐ ܘܚܲܝܠܬܼܵܢܵܐ ܘܠܵܐ ܡܵܝܘܿܬܼܵܐ، ܕܲܒܩܲܕܝܼ̈ܫܹܐ ܥܵܡܲܪ ܘܡܸܬܬܢܝܼܚ ܨܸܒܼܝܵܢܹܗ، ܡܸܬܼܟܲܫܦܝܼܢܲܢ؛ ܐܸܬܼܦܲܢ ܡܵܪܝ ܘܚܘܼܣ ܘܪܲܚܸܡ ܥܠܲܝܢ ܐܲܝܟܼ ܕܲܡܥܵܖܲܬ، ܒܟܠܥܸܕܵܢ ܡܵܪܵܐ ܕܟܠ، ܐܲܒܵܐ ܘܲܒܪܵܐ ܘܪܘܼܚܵܐ ܕܩܘܼܖܫܵܐ ܠܥܵܠܡܝܼܢ.

ܥܲܡܵܐ: ܐܵܡܹܝܢ.

ܟܵܗܢܵܐ: ܠܵܟܼ ܡܕܲܒܿܪܵܢܵܐ ܚܲܟܝܼܡܵܐ ܝܵܨܘܿܦܵܐ ܬܡܝܼܗܵܐ ܕܒܲܝܬܵܝܵܘ̈ܗܝ، ܓܲܙܵܐ ܪܲܒܵܐ ܡܲܪܕܸܐ ܟܠ ܥܘܼܖܪ̈ܵܢܝܼܢ ܘܟܠ ܛܘܼܒܼܝܼ̈ܢ ܒܲܡܪܲܚܡܵܢܘܼܬܹܗ، ܡܸܬܼܟܲܫܦܝܼܢܲܢ، ܐܸܬܼܦܲܢ ܡܵܪܝ ܘܚܘܼܣ ܘܪܲܚܸܡܥܠܲܝܢ ܐܲܝܟܼ ܕܲܡܥܵܕܲܬ ܒܟܠܥܸܕܵܢ. ܡܵܪܵܐ ܕܟܠ ܐܲܒܵܐ ܘܲܒܪܵܐ ܘܪܘܼܚܵܐ ܕܩܘܼܖܫܵܐ ܠܥܵܠܡܝܼܢ.

ܥܲܡܵܐ: ܐܵܡܹܝܢ.

ܫܲܡܵܫܵܐ: ܬܸܒܼܘ ܘܲܫܠܵܘ.

ܩܵܪܘܿܝܵܐ: ܣܸܦܪܵܐ ܕܲܦܠܵܢ، ܒܲܪܸܟܼܡܵܪܝ. (ܩܸܪܝܵܢܵܐ)

ܫܲܡܵܫܵܐ: ܫܠܵܘ.

ܩܵܪܘܿܝܵܐ: ܢܒܼܝܼܘܼܬܹܗ ܕܲܦܠܵܢ، ܒܲܪܸܟܼܡܵܪܝ. (ܩܸܪܝܵܢܵܐ ܐ̄ܚܪܹܢܵܐ)

ܫܲܡܵܫܵܐ: ܩܘܼܡܘ ܠܲܨܠܘܿܬܵـܐ. (ܫܘܼܪܵܝܵܐ)

ܫܲܡܵܫܵܐ: ܢܨܲܠܸܐ. ܫܠܵܡܵܐ ܥܲܡܲܢ.

ܟܵܗܢܵܐ: ܐܲܢܗܲܪ ܠܲܢ ܡܵܪܲܢ ܘܐܲܠܵܗܲܢ ܙܲܘ̈ܥܹܐ ܕܚܘܼܫܵܒܲܝ̈ܢ، ܠܲܡܨܵܬܼ ܘܲܠܡܸܣܬܲܟܵܠܘܼ ܫܸܡܥܵܐ ܗܲܢܝܼܐܵܐ ܕܦܘܼܩܕܵܢܲܝ̈ܟ ܡܲܚܝܵܢܹ̈ܐ ܘܐܲܠܵܗܵܝܹ̈ܐ. ܘܗܲܒܼ ܠܲܢ ܒܛܲܝܒܘܼܬܼܵܟܼ ܘܲܒܪ̈ܲܚܡܲܝܟ ܕܢܸܩܛܘܿܦ ܡܸܢܗܘܿܢ ܝܘܼܬܼܪܵܢܵܐ، ܚܘܼܒܵܐ ܘܣܲܒܼܪܵܐ ܘܦܘܼܪܩܵܢܵܐ ܕܚܵܫܲܚ ܠܢܲܧܫܵܐ ܘܲܠܦܲܓܼܪܵܐ، ܘܢܸܙܡܲܪ ܠܵܟܼ ܫܘܼܒܼܚܵܐ ܐܲܡܝܼܢܵܐ ܕܠܵܐ ܫܲܠܘܵܐ ܒܟܠܥܸܕܵܢ ܡܵܪܵܐ ܕܟܠ، ܐܲܒܵܐ ܘܲܒܪܵܐ ܘܪܘܼܚܵܐ ܕܩܘܼܖܫܵܐ ܠܥܵܠܡܝܼܢ.

ܩܵܪܘܿܝܵܐ: (ܦܵܘܠܘܿܣ) ܫܠܝܼܚܵܐ ܐܸܓܲܪܬܵܐ ܕܲܠܘܵܬܼ (ܩܘܿܪܸ̈ܢܬܼܵܝܹܐ). ܐܲܚܲܝ̈. ܒܲܪܸܟܼܡܵܪܝ.

ܟܵܗܢܵܐ: ܡܫܝܼܚܵܐ ܢܚܲܟܡܵܟܼ ܒܝܘܼܠܦܵܢܹܗ ܩܲܕܝܼܫܵܐ ܘܢܸܥܒܖܵܟܼ ܡܲܚܙܝܼܬܼܵܐ ܫܲܦܝܼܪܬܵܐ ܠܟܠܗܘܿܢ ܐܲܝܠܹܝܢ ܕܨܵܝܬܝܼܢ ܠܵܟܼ.

ܩܵܪܘܿܝܵܐ؛ [ܐܸܢ ܕܹܝܢ ܛܵܢܝܼܢ ܐ̄ܢܬܘܿܢ ܒܡܲܘܗ̈ܒܼܵܬܼܵܐ ܪܲܘܪ̈ܒܼܵܬܼܵܐ ܐܸܢܵܐ ܬܘܼܒܼ ܐܹܚܲܘܹܟܼܘܿܢ ܐܘܼܪܚܵܐ ܕܲܡܝܲܬܪܵܐ. ܐܸܢ ܒܟܠ ܠܸܫܵܢ ܕܲܒܢܲܝ̈ܢܵܫܵܐ ܐܹܡܲܠܸܠ ܘܒܲܕܡܲܠܲܐܟܹ̈ܐ ܘܚܘܼܒܵܐ ܠܵܐ ܢܸܗܘܸܐ ܒܝܼ، ܗܘܹܝܬܼ ܠܝܼ ܢܚܵܫܵܐ ܕܙܵܐܹܡ، ܐܵܘ ܨܸܨܠܵܐ ܕܝܵܗܹܒܼ ܩܵܠܵܐ. ܘܐܸܢ ܬܸܗܘܸܐ ܒܝܼ ܢܒܼܝܼܘܼܬܼܵܐ ܘܐܸܖܲܥ ܐ̄ܪ̈ܵܙܹܐ ܟܠܗܘܿܢ ܘܟܠܵܗܿ ܗܲܝܡܵܢܘܼܬܼܵܐ ܐܲܝܟܲܢܵܐ ܕܛܘܼܪܹ̈ܐ ܐܹܫܲܢܸܐ، ܘܚܘܼܒܵܐ ܠܲܝܬ ܒܝܼ، ܠܵܐ ܗܘܹܝܬܼ ܡܸܕܸܡ. ܘܐܸܢ ܐܲܘܟܸܠ ܟܠ ܕܐܝܼܬܼ ܠܝܼ ܠܡܸܣܟܹܢܹ̈ܐ ܘܐܸܢ ܐܲܫܠܸܡ ܦܲܓܼܪܝ ܕܢܹܐܩܲܖ، ܘܚܘܼܒܵܐ ܠܵܐ ܢܸܗܘܸܐ ܒܝܼ، ܡܸܕܸܡ ܠܵܐ ܝܵܬܲܪ ܐ̄ܢܵܐ. ܚܘܼܒܵܐ ܢܲܓܝܼܪܵܐ ܗ̄ܝܼ ܪܘܼܚܹܗ ܘܒܲܣܝܼܡ، ܚܘܼܒܵܐ ܠܵܐ ܚܵܣܹܡ، ܚܘܼܒܵܐ ܠܵܐ ܡܸܫܬܓܸܫ ܘܠܵܐ ܡܸܬܼܚ̄ܬܲܪ، ܘܠܵܐ ܣܵܥܲܪ ܕܒܸܗܬܬܼܵܐ ܘܠܵܐ ܒܵܥܹܐ ܕܝܼܠܹܗ، ܠܵܐ ܡܸܬܬܦܝܼܪ ܘܠܵܐ ܡܸܬܼܪܲܥܸܐ ܕܒܝܼܫ. ܠܵܐ ܚܵܖܹܐ ܒܥܲܘܠܵܐ، ܐܸܠܵܐ ܚܵܖܹܐ ܒܩܘܼܫܬܵܐ. ܟܠ ܡܸܕܸܡ ܡܣܲܝܒܲܪ، ܟܠ ܡܸܕܸܡ ܡܗܲܝܡܸܢ، ܟܠ ܡܣܲܒܲܪ، ܟܠ ܣܵܒܹܠ. ܚܘܼܒܵܐ ܡܸܡܬܼܘܿܡ ܠܵܐ ܢܵܦܹܠ.]

ܫܲܡܵܫܵܐ: ܢܩܘܼܡ ܥܬܼܝܼܖܵܐܝܼܬܼ ܠܡܸܫܡܲܥ ܠܐܹܘܲܢܓܲܠܝܘܿܢ ܩܲܕܝܼܫܵܐ.

ܥܲܡܵܐ: ܗܲܠܸܠܘܼܝܵܐ ܗܲܠܸܠܘܼܝܵܐ ܐܹܗܲܠܸܠܘܼܝܵܐ. (ܙܘܼܡܵܪܵܐ)

ܫܲܡܵܫܵܐ: ܒܫܸܠܝܵܐ ܗܘܵܘ ܘܲܫܠܵܘ.

ܟܵܗܢܵܐ: ܫܠܵܡܵܐ ܥܲܡܟܼܘܿܢ.

ܥܲܡܵܐ: ܘܥܲܡܵܟܼ ܘܥܲܡ ܪܘܼܚܵܟܼ.

ܟܵܗܢܵܐ؛ ܐܹܘܲܢܓܲܠܝܘܿܢ ܩܲܕܝܼܫܵܐ ܕܡܵܪܲܢ ܝܼܫܘܿܥ ܡܫܝܼܚܵܐ، ܟܵܪܘܿܙܘܼܬܼܵܐ ܕ...

ܥܲܡܵܐ؛ ܫܘܼܒܼܚܵܐ ܠܲܡܫܝܼܚܵܐ ܡܵܪܲܢ.    ܫܲܡܵܫܵܐ؛ ܐܵܡܹܝܢ. ܫܠܵܘ.

ܟܵܗܢܵܐ: (ܩܵܪܹܐ ܐܹܘܲܢܓܲܠܝܘܿܢ) ܫܘܼܒܼܚܵܐ ܠܐܲܠܵܗܵܐ ܐܲܡܝܼܢܵܐܝܼܬܼ.

ܥܲܡܵܐ: ܫܘܼܒܼܚܵܐ ܠܲܡܫܝܼܚܵܐ ܡܵܪܲܢ.

ܒܵܥܘܼܬܼܵܐ

(ܒܚܲܖܒܫܲܒܹ̈ܐ ܘܲܒܥܹ̈ܐܖܹܐ)

ܫܲܡܵܫܵܐ: ܢܩܘܼܡ ܫܲܦܝܼܪ ܟܠܲܢ، ܒܗܲܝܡܵܢܘܼܬܼܵܐ ܘܲܒܣܲܒܼܪܵܐ ܢܸܒܼܥܸܐ ܘܢܹܐܡܲܪ: ܡܵܪܲܢ، ܐܸܬܼܪܲܚܲܡܥܠܲܝܢ.                         

ܥܲܡܵܐ: ܡܵܪܲܢ، ܐܸܬܼܪܲܚܲܡܥܠܲܝܢ.

ܫܲܡܵܫܵܐ: ܐܲܒܵܐ ܕܪ̈ܲܚܡܹܐ ܘܐܲܠܵܗܵܐ ܕܟܠܹܗ ܒܘܼܝܵܐܵܐ. ܒܵܥܹ̇ܝܢܲܢ ܡܸܢܵܟܼ.

*ܦܵܪܘܿܩܲܢ ܘܝܲܨܘܼܦܬܼܵܢܲܢ ܘܲܡܦܲܪ̄ܢܣܵܢܵܐ ܕܟܠ. ܒܵܥܹ̇ܝܢܲܢ ܡܸܢܵܟܼ.

*ܥܲܠ ܫܲܝܢܵܐ ܘܐܲܘܝܼܘܼܬܼܵܐ ܘܩܘܼܝܵܡܵܐ ܕܟܠܹܗ ܥܵܠܡܵܐ ܘܲܕܟܠܗܹܝܢ ܥܹܕ̈ܵܬܵܐ. ܒܵܥܹ̇ܝܢܲܢ ܡܸܢܵܟܼ.

*ܥܲܠ ܐܲܬܼܪܲܢ ܘܥܲܠ ܟܠ ܐܲܬܼܪ̈ܵܘܲܢ ܘܥܲܠ ܐܲܝܠܹܝܢ ܕܲܒܗܲܝܡܵܢܘܼܬܼܵܐ ܥܵܡ̇ܪ̈ܝܼܢ ܒܗܘܿܢ. ܒܵܥܹ̇ܝܢܲܢ ܡܸܢܵܟܼ.

*ܥܲܠ ܡܘܼܙܵܓܼܵܘ̈ܗܝ ܕܐܵܐܲܪ ܘܟܲܗܝܼܢܘܼܬܼܵܐ ܕܫܲܢ̄ܬܵܐ ܘܥܲܠـ̈ܠܵܬܼܵܐ ܕܦܹܐܪܹ̈ܐ ܘܥܲܠ ܬܘܼܩܵܢܵܐ ܕܟܠܹܗ ܥܵܠܡܵܐ. ܒܵܥܹ̇ܝܢܲܢ ܡܸܢܵܟܼ.

*ܥܲܠ ܚܘܼܠܡܵܢܵܐ ܕܐܲܒܼܵܗܲܝ̈ܢ ܩܲܕܝܼܫܹ̈ܐ ܡܵܪܝ... ܦܵܦܵܐ ܕܪܗ̄ܘܿܡܹܐ، ܘܡܵܪܝ... ܩܵܬܼܘܿܠܝܼܩܵܐ ܦܵܛܪܝܲܪܟܝܼܣ، ܘܡܵܪܝ... ܐܲܦܣܩܘܿܦܵܐ (ܡܝܼܛܪܵܦܘܿܠܝܹܛܵܐ) ܘܥܲܠ ܟܠܗܘܿܢ ܒܢܲܝ̈ ܬܸܫܡܸܫܬܗܘܿܢ. ܒܵܥܹ̇ܝܢܲܢ ܡܸܢܵܟܼ.

*ܥܲܠ ܟܠܗܘܿܢ ܟܪ̈ܝܼܗܹܐ ܘܐܲܠܝܼ̈ܨܹܐ ܘܐܲܒܼܝܼ̈ܠܹܐ ܘܲܡܥ̈ܵܩܹܐ ܘܲܣܢܝܼ̈ܩܹܐ ܘܲܡܛܲܪ̈ܦܹܐ. ܒܵܥܹ̇ܝܢܲܢ ܡܸܢܵܟܼ.

*ܥܲܠ ܟܠܗܘܿܢ ܥܲܢܝܼܖܲܝ̈ܢ ܕܲܦܪܲܫܘ ܡ̣ܢ ܒܲܝܢܵܬܲܢ ܥܲܠ ܣܲܒܼܪܵܐ ܕܲܩܝܵܡܬܵܐ. ܒܵܥܹ̇ܝܢܲܢ ܡܸܢܵܟܼ.    

ܦܪܘܿܩ ܠܟܠܲܢ ܡܫܝܼܚܵܐ ܡܵܪܲܢ ܒܛܲܝܒܘܼܬܼܵܟܼ، ܘܐܲܣܓܵܐ ܥܲܡܲܢ ܫܲܝܢܵܟܼ ܘܲܫܠܵܡܵܟܼ، ܘܐܸܬܼܪܲܚܲܡܥܠܲܝܢ.                                    

ܥܲܡܵܐ: ܡܵܪܲܢ، ܐܸܬܼܪܲܚܲܡܥܠܲܝܢ.

ܫܲܡܵܫܵܐ: ܢܲܧܫ̈ܵܬܲܢ ܘܕܲܚ̈ܖܵܖܹܐ ܠܐܲܒܵܐ ܘܠܲܒܪܵܐ ܘܲܠܪܘܼܚܵܐ ܕܩܘܼܖܫܵܐ ܢܲܓܼܥܸܠ.

ܥܲܡܵܐ: ܠܵܟܼ ܡܵܪܝܵܐ ܐܲܠܵܗܵܐ.

ܟܵܗܢܵܐ: ܠܵܟܼ ܡܵܪܝܵܐ ܐܲܠܵܗܵܐ ܚܲܝܠܬܼܵܢܵܐ ܡܸܬܼܟܲܫܦܝܼܢܲܢ ܘܫܵܐܠܝܼܢܲܢ: ܫܲܡܠܵܐ ܥܲܡܲܢ ܛܲܝܒܘܼܬܼܵܟܼ، ܘܐܲܫܦܲܥ ܒܐܝܼܖܲܝ̈ܢ ܡܲܘܗܲܒܼܬܼܵܟܼ. ܘܪ̈ܲܚܡܲܝܟ ܘܲܚܢܵܢܵܐ ܕܐܲܠܵܗܘܼܬܼܵܟܼ ܢܸܗܘܘܿܢ ܠܚܘܼܣܵܝ ܚܲܘ̈ܒܹܐ ܕܥܲܡܵܟܼ ܘܲܠܫܘܼܒܼܩܵܢ ܚܛܵܗܹ̈ܐ ܕܟܠܵܗ̇ ܥܵ̈ܢܵـ̈ܐ ܕܡܲܪܥܝܼܬܼܵܟܼ، ܕܲܓܒܲܝܬ ܠܵܟܼ ܒܛܲܝܼܒܘܼܬܼܵܟܼ ܘܲܒܪ̈ܲܚܡܲܝܟ، ܡܵܪܵܐ ܕܟܠ ܐܲܒܵܐ ܘܲܒܪܵܐ ܘܪܘܼܚܵܐ ܕܩܘܼܖܫܵܐ ܠܥܵܠܡܝܼܢ.

ܛܟܣܐ ܕܩܘܪܒܢܐ

[ܡ̇ܢ ܕܠܵܐ ܫܩܝܼܠܵܐ ܠܹܗ ܡܲܥܡܘܿܕܝܼܬܼܵܐ، ܢܹܐܙܲܠ.

ܡ̇ܢ ܕܠܵܐ ܡܩܲܒܸܠ ܠܹܗ ܪܘܼܫܡܵܐ ܕܚܲܝܹ̈ܐ، ܢܹܐܙܲܠ.